Сегодня:
თბილისი C
ახალი დამატებული
მიწა მაქვს და მიწა მქონდა - დარი მამალ ხოხბის ფრთისა, მოყვრის მსასოებელი და...
რეზო ამაშუკელის ხსოვნას * დრო დადგა, დიდი ჭირნახულით წარსდექ უფალთან, ღირსეულ...
ძმაკაცები ქეიფობენ ბუნებაში.ერთი ამბობს სადღეგრძელოს – მოდი ისე...
მოხუცი ბაბუა ყიდის კვერცხს და უწერია 1 ცალი 30 თეთრი , 2 ცალი 60 და 3 ცალი 1...
მამიკო - მამა - მა...
- ქალს რომ "რგოლი" ბეჭედი უკეთია, რას ნიშნავს? - ეს ნიშნავს, რომ გათხოვილია. -...

ეს ის ბიჭია, რომელიც სულ იცინოდა...

ეს ის ბიჭია, რომელიც სულ იცინოდა...
05 сен 2021, 13:03, admin,
418 ნახვა

ეს ის ბიჭია, რომელიც სულ იცინოდა...

ეს ის ბიჭია, რომელიც ყველას უყვარდა.

ეს ის ბიჭია, რომელიც ქუჩაში ყველა უბრალო ადამიანს ესაუბრებოდა და სურათს იღებდა მათთან.

ეს ის ბიჭია, რომელმაც ქუჩაში ქუდი დაიდო ფეხებთან, "იმათხოვრა" და ნაგროვები ფული, იქვე მყოფ ღარიბ კაცს მისცა.

ეს ის ბიჭია, მთელი ცხოვრება რომ განიცდიდა მეგობარი დახრჩობას რომ ვერ გადაარჩინა.

ეს ის ბიჭია, მთელი წელი ნაგროვები ფული ახალი ფეხსაცმლისთვის, საბრალო ოჯახს რომ აჩუქა  და ისე გამოიქცა, მადლობის თქმაც ვერ მოასწრეს მისთვის.

ეს ის ბიჭია, მეგობრებს რომ ეუბნებოდა - გამიფრთხილდით ბიჭებო, ხო იცით დიდხანს ვერ ვიცოცხლებ-ო."

ეს ის ბიჭია "ალავერდობა" რომ დაწერა.

ეს ის ბიჭია, მეგობრებს რომ ეუბნებოდა - "ზღვის სანაპიროზე მინდა სახლი ავიშენო და აქ დავრჩეო სამუდამოდ"

ეს ის ბიჭია, უცნობი ადამიანების გადასარჩენად რომ გაწირა თავი.

ეს ის ბიჭია, სიკვდილთან მებრძოლი გაშმაგებულ ტალღებს რომ იგერიებდა და თან იცინოდა, როგორც ჰყვებიან თვითმხილველები.

ეს ის ბიჭია, 26 წელი რომ იცოცხლა მხოლოდ და ეყო ეს დრო, ყველაფერი გაეკეთებინა.

ეს ის ბიჭია, რომელიც სულ, სულ იცინოდა, ტკივილს არ გამოხატავდა და კიდევაც ასეთი გასხივოსნებული მიებარა ზეცას, დროებით მოვლენილი ანგელოზივით დედამიწაზე.

ეს ის ბიჭია, გურამი რომ ჰქვია და ყველას გვიყვარს.

ეს გურამ რჩეულიშვილია❤️.

გაზიარება სოც ქსელში


აგრეთვე იხილეთ:
06 ноя 2021, 23:09    1 353    0
"მრავალწყარო",(ფერადი გორები), გარდაბანი ...