Сегодня:
თბილისი C
ახალი დამატებული
არიან ქალები - ყაყაჩოები - კაშკაშები და ლამაზები,მაგრამ,როგორც კი...
ბედნიერია ის, ვინც ბედნიერია საკუთარ სახლში. /ლ. ტოლსტოი/...
ვდგავარ ჩატეხილი ხიდის თავში და წელში გადამტვრეულ რკინის ნეკნებს ნერვებად...
სიკეთე თავად სიცოცხლეა. რაც ადამიანი არსებობს, სიკეთე და ბოროტებაც არსებობს,...
ილოცე, რომ ღმერთმა გააღვიძოს შენი მიძინებული სული. ლოცვის დროს ღმერთს გული...
- რა შეგიძლიათ გააკეთოთ, რომ ხელი შეუწყოთ მსოფლიო მშვიდობას? - წადით სახლში და...

რეზო ამაშუკელის ხსოვნას - ელგუჯა კეკელიძე

რეზო ამაშუკელის ხსოვნას - ელგუჯა კეკელიძე
15 янв 2022, 22:46, admin,
1 012 ნახვა

რეზო ამაშუკელის ხსოვნას *

დრო დადგა, დიდი ჭირნახულით წარსდექ უფალთან,

ღირსეულ მგოსანს პატივგებით შეგხვდა უფალი,

იყავ იმედი უქრობელი ქვეყნის მწუხართა,

მსახური ნათლის, დაუღლელი რისხვა ყრუ ფარის...


დაუოკებელ მიზანსწრაფვით პოეზიურით,

მამულის ციაგს დაექარგე ქება-დიდებად,

ხოლო ზეცაში საბუდარი ჰპოვე მზიური,

რომელიც დროში არასოდეს დაიბინდება.


როგორც სჩვევიათ, რეალურად, ხოლმე ტიტანებს,

გამორჩეული, განწმენდილი რწმენის ცხაურით,

შენ სასიტყვეთში მუზის სუნთქვა შემოიტანე,

თავისთავადი, უჩვეულო და უცნაური...


სანამ ზეცისკენ სულმა შენმა ლაღად გაცურა,

რომელმაც ბევრჯერ დააბლაგვა დანა მსტოვარის,

საამსოფლოში ყოფის მაცნედ ენთე კაცურად,

სამშობლოს ხონჩა გაამდიდრე დანატოვარით.


რადგან შეჯიბრში ყოველგვარი სძლიე სიმძიმე,

შეინარჩუნე ფერთაცვლაში სხივთა დინება,

იქ, ვარსკვლავებთან შენი სული სულ იციმციმებს

და ბოროტებას ულმობელად შეერკიდება.


რადგან ზეცაშიც საუკუნო ქროლვა გრძელდება,

უნარჩუნდება ადამიანს განცდის სურვილი,

შენ ფრთონვის ჟინი არასოდეს გაგინელდება,

შთაგონებას ვერ გაგიქარწყლებს ზეცა ბურვილიც.


ბედნიერი ხარ, ცად დატკბები ხმებით მრავალთა,

სამზევეთში რომ ღუღუნებენ სულსხვანაირად,

შენ ხარ ჟინჟღილი დღეგრძელობის შთამომავალთა,

მრავალჟამიერ მაგ შენს უკვდავ ჩანგს და დაირას...


ელგუჯა კეკელიძე

11.01.2022

გაზიარება სოც ქსელში


აგრეთვე იხილეთ:
15 дек 2021, 01:10    240    0
„_ ბებო, ყველი მინდა, ყველი! _ ითხოვდა ხუჭუჭულა. _ მარხვაა, ბებო, მარხვა, _ გული უდნებოდა მკერდში...