შენს გულმკერდზე დამიდგია სამოსახლო,
ხელისგულებს შენსას საბნად გადავიფენ,
რომ ყოველდღე გულთან ახლოს დაგინახო,
ასე ყველა სატკივარს და ჭირს დავითმენ.
შენგან ალბათ ვერასოდეს ვეღარ წავალ,
უშენობით, ვიცი სუნთქვაც გაჭირდება,
ნატვრებიდან მოწვდენილი შენი ხმა ვარ,
ხმა, რომელიც სანუგეშოდ დაგჭირდება.
მოვკალათდი შენს მკერდზე და დაგიფიცე,
შეშლილ სურვილს ავისრულებ ახლოს ყოფნით,
არა, შენს თავს ვეღარავის ვეღარ მივცემ,
ის კი არა, ერთ სიცოცხლედ არ მეყოფი.