ნანა სელეპანოვა - მორალი



ჩემი ცხოვრებაა არქაული,
სავსეა ლანდებით შორეულით,
ასეთი ლექსებით პროზაულით,
ომშიც ვერ ვიქნები მოგებული.

მხოლოდ ფიქრებში თუ ვთამამობდი,
გულში ეჭვები რად მეპარება,
და როცა, გრძნობებზეც გავბატონდი,
არ მიჭირს უცნობის შეფასებაც.

ჩემდაუნებურად ავაჯანყე
ხალხი, ვაწმენდინე შიშით ოფლი,
სხვისი ტკივილები გავაჯანჯლე,
ჩემი სატკივარიც ოხრად მყოფნის.

თმენით მოთმინება დავაოკე,
ფიქრი გონებაში განისვენებს
და ვით მომღერალი კარაოკეს,
ცარიელ აზრებით წავიმღერებ.

უსამართლობაზე თვალებს ვხუჭავ,
მხოლოდ საკუთარზე ავხირდები,
ვნება და განცდები, როცა დუმან,
გულო, შენ სხვისკენ ნუ იხრები.

წყენას თბილ ფერებით ვაფერადებ,
ადრე ჯიბრში ვუდექ დამცირებას,
ახლა მშვიდად ვუმზერ იმ კერატებს,
შურით ჯიქნები, რომ უმცირდებათ.

აღვირი გადავკარ წარმოსახვას,
განვდევნე ხილულიც, უხილავიც,
ისეთი, ნეტავი, რა ცოდვა მაქვს,
ჩემ თავს მორალს, რომ ვუკითხავდი.

ასეთ უმდაბლესი თვისებებით,
ერთი მდაბალი ვარ მაღალთ შორის,
და თუ, ბოროტებით ავივსები,
ჩემი ანგელოზი გადამწონის.





თეგები: ჩემი ცხოვრებაა არქაული

სიახლეები:

    Template not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tpl
ტექსტის სანახავად გაიარეთ რეგისტრაცია.