ნანა სელეპანოვა - დაილოცოს საქართველო



უცხო თესლის ვარ სტუმარი,
საქართველოს ზეცა მხურავს,
ღრუბლებში მაქვს სასთუმალი,
საბნად მთვარე წამიხურავს.

ხან ქარიშხლებს ქარებს ვტაცებ,
სევდის ტბაში მარტო ვცურავ,
ხანაც ვარსკვლავს ქიმს მოვატეხ,
ხან ვიცინი და ხან ვდუმვარ.

ღამით ბნელეთს მზე მინათებს
და დაღლილ გულს სხივით კურნავს,
მაგრამ წლობით ღამის ნათევს,
სულს ვერაფრით განმიკურნავს.

ურარტუს მთას სახლს ჩავადგამ,
სანამ მთები ნისლს იბურავს,
წასასვლელი სხვა გზა არ ჩანს,
გულო, შენაც მძლივსა ბჟუტავ.

ჩემში ორი ერი იბრძვის,
სევანის ტბა სისხლში ცურავს
და ქართული გენი ყივის,
სად მიცურავ, სად მიცურავ?

"დაილოცოს საქართველო,"
უცხო თესლის მიღებს სტუმარს,
შენი მიყვარს მთაც და მდელოც,
მე სხვა ქვეყნის კარებს ვხურავ!





თეგები: დაილოცოს საქართველო

სიახლეები:

    Template not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tpl
ტექსტის სანახავად გაიარეთ რეგისტრაცია.