Сегодня:
თბილისი C
ახალი დამატებული
სომხური სანთლები :)) დნება და არ თავდება ანეკდოტები სასაცილო სურათები ...
"ოჯახის სიმყუდროვეს თავისი სითბო აქვს, მიეფიცხები და თბები. მთელ ქვეყანას...
„ვინაა კაცო, ეს რას უშობა ჩემს სამშობლოს, რავა მოგვჭრა თავი მთელს დუნიაზე, თუ...
როცა დაიბადე, შენ ტიროდი და ყველა ხარობდა. იცხოვრე ისე, რომ როცა მოკვდები,...
პაბლო პიკასოს სრული სახელი და გვარია : პაბლო დიეგო ხოსე ფრანცისკო დე პაულა ხუან...
ცივი იანვრის ერთ დილას ვაშინგტონის მეტროს ერთ-ერთ სადგურში მამაკაცმა ვიოლინოზე...

გიორგი გახარია მელიაზე: „დაკავებული უნდა ყოფილიყო სწორი ფორმით და სწორ დროს.

გიორგი გახარია მელიაზე: „დაკავებული უნდა ყოფილიყო  სწორი ფორმით და სწორ დროს.
07 сен 2021, 12:26, admin,
449 ნახვა

გიორგი გახარია მელიაზე: „დაკავებული უნდა ყოფილიყო  სწორი ფორმით და სწორ დროს.  რაც  გააკეთეს მიაღწიეს იმას, რომ ამ ძალის სრული რეაბილიტაცია მოახდინეს. 2020 წლის არჩევნების შემდგომ ნაციონალური მოძრაობა, როგორც პოლიტიკური ძალა  დასრულებული იყო.“

პარტია „საქართველოსთვის“ თავმჯდომარემ და თბილისის მერობის კანდიდატმა დღეს რუსთავი 2-ის ეთერში ისაუბრა. 

გიორგი გახარიამ აღნიშნა, რომ ნაციონალური მოძრაობა, როგორც პოლიტიკური ძალა რომელიც 2020 წლის საპარლამენტო არჩევნების შემდგომ დასრულებული იყო. ქართული ოცნების „ბოსების“ გადაწყვეტილებამ ნიკა მელიას დაკავების ფორმებზე, ნაციონალურ მოძრაობის რეაბილიტაცია გამოიწვია. 

„2020 წლის საპარლამენტო არჩევნების შემდგომ ნაციონალური მოძრაობა, როგორც პოლიტიკური ძალა და ძირითადი ოპოზიციური ძალა ფაქტობრივად დასრულებული იყო. ნაციონალური მოძრაობა იყო იმ არჩევნების წინააღმდეგ, რომლის ლეგიტიმურობაც მთელმა მსოფლიომ სცნო, მან ფაქტობრივად ბოიკოტი გამოუცხადა ამ არჩევნებს - არ შედიოდა პარლამენტში. უფრო მეტსაც გეტყვით - ნაციონალური მოძრაობის ის ლიდერი, რომელიც შემდგომ ოცნებამ გამოუშვა ამნისტიით გარეთ, რომელიც დღეს არჩევნებში იღებს მონაწილეობას და ჩემი და ასევე კახას ოპონენტია, მაშინ შტურმით მიდიოდა ცესკოს შენობაზე და ეს ჩვენ ვანახეთ მთელს მსოფლიოს. და ეს ყველაფერი დასრულებული იყო.“- ამბობს გახარია.

გიორგი გახარიას თქმით, ნიკა მელიას დაკავება „სწორი ფორმით და სწორ დროს“ უნდა მომხდარიყო, და არა ისე, როგორც ეს ოცნების ხელმძღვანელობამ გააკეთა.

„ფაქტობრივად ნაციონალური მოძრაობა, როგორც ოპოზიციური ძალა, როგორც საერთაშორისო ჩვენი პარტნიორების გადმოსახედიდან და შიგნით ქვეყანაშიც სრულად დისკრედიტირებული იყო - მოძალადე პარტია, რომელმაც გაიარა არჩევნები, რომელიც მთელმა მსოფლიო სცნო და ამ არჩევნებს გამოუცხადა ბოიკოტი. პარტია, რომელიც პანდემიის დროს პირდაპირ სახელმწიფოს ებრძოდა და აწყობდა მიტინგებს. პარტია, რომელმაც შტურმი მიიტანა ცესკოზე, იმას რომ თავი დავანებოთ, რომ პარლამენტზე მიიტანა შტურმი.  ეს ადამიანი უნდა ყოფილიყო დაკავებული სწორი ფორმით და სწორ დროს. ამის შემდგომ, რაც „ქართული ოცნების“ ზოგიერთი ბოსის გაურკვეველი მიზეზის გამო, საერთოდ გაურკვეველი იდეების გამო  გააკეთეს და მიაღწიეს იმას, რომ ამ ძალის სრული რეაბილიტაცია მოახდინეს“ - განაცხადა გიორგი გახარიამ რუსთავი 2-ის ეთერში.

გაზიარება სოც ქსელში


აგრეთვე იხილეთ:
25 сен 2021, 20:33    235    0
რაც უფრო მეტი ხანი იმყოფება ქალი სახლში, მით უფრო უსახლკაროს შეხედულება აქვს მას... ☺️...