გათამაშება მართლაც რა ხშირი!- მორჩა დამთავრდა ეს ცრუ სპექტაკლიც, ბავშვად შობილი ვკვდები ბავშვით, უნდა შემინდოს ღმერთმა ეს ნაკლი.

ნუ იტყვი ნურაფერს, უბრალოდ გიყურო მინდა თვალებში, თუნდაც ბნელ ღამეში... სიბნელის თარეშში... უკეთესს რას ვიზამ ამ ჩემს მხარეში?!.

მე ცოდვილი ვარ, შენ კი უმანკო და ფიქრი მოჰგავს მინდორს მოთოვლილს, არ მინახია მე ჯერ უნაკლო კაცი კი არა, ხეზე ფოთოლიც.

აჰა, ჩამომდის ცრემლების თქეში, მკერდიდან მღიმარ ყაყაჩოს ვიხსნი, ყველაზე მეტად, რაც მომწონს ჩემში - ამღერებული ქართული სისხლი.

შენ მოხვალ, როგორც შეფერის მგოსანს, რომ განგარიდოს ბედის სიშავეს, შენ მოხვალ, მაგრამ ეს შენი მოსვლა ჩემს გამგზავრებას იქნებ ნიშნავდეს?!

... ვისაც არ უყვარს, სიკვდილში რჩება. მოციქული იოანეს 1 წერილი, 3, 14

ვიღვრები შენში უხმოდ და ნელა და თვით ღმერთია ამის თავმდები, ერთხელ იქნება, ვით ბედისწერა, შენში მოვკვდები და დავმთავრდები.

თანაც ვქვითინებ და თანაც ვმღერი და თანაც გლოცავ და თანაც გწყევლი.