ბლუთუზი - bluetooth

ბლუთუზი მონაცემთა გადაცემის უსადენო ტექნოლოგიას წარმოადგენს.იგი საშუალებას იძლევა გადაიცეს მონაცემები 720 კბ/წმ სიჩქარით, ყოველგვარი დამაკავშირებელი სადენების გარეშე სხვადასხვა ტიპის მოწყობილობებს შორის, როგორებიცაა: მობილური ტელეფონები, ჯიბის კომპიუტერები,პერსონალური კომპიუტერები,პრინტერები,ციფრული ფოტოაპარატები,მაცივრები,კონდიციონერები,მიკროტალღოვანი ღუმელები და სხვა.

ტექნოლოგია აქტიურად გამოიყენება ბიზნესში,მედიცინასა და სხვა სფეროებში. მისი მოქმედების რადიუსი განისაღზვრება 10-დან 100 მეტრამდე.ინფრაწითელი პორტისაგან (IrDa) განსახვავებით, ბლუთუზის რადიოტალღები ბეტონისა და ლითონის კონსტრუქციებს შორისაც აღწევს. დაკავშირებისას იქმნება ქსელი piconet და 7-8 მომხმარებელს შეუძლია ერთდროულად ჩაერთოს მასში.აპარატურულად ბლუთუზი მცირე ზომის, მაღალი სიმძლავრის მიმღებ-გადამცემი მოწყობილობაა, რომელიც 2.4465-2.4835 გჰც დიაპაზონში მუშაობს.

1994 წლის დასაწყისში შვედურმა კომპანია ერიქსონმა შექმნა საცდელი ჯგუფი, რათა შეესწავლათ სხვადასხვა მოწყობილობებს შორის, ახლო მანძილზე, რადიოტალღების მეშვეობით მონაცემთა გადაცემის შესაძლებლობები. კვლევის წარმატებით დამთავრების შემდეგ, 1998 წელს შვედური და კიდევ რამოდენიმე წამყვანი კომპანიების (ნოკია,აი-ბი-ემი,ინტელი,ტოშიბა) თანამშრომლობის შედეგად დაარსდა სპეციალური ჯგუფი, რომელმაც აქტიურად დაიწყო ბლუთუზის სტანდარტის შემუშავება.
1998 წლის მაისში უკაბელო კომუნიკაციის ახალი სტანდარტის შესახებ ოფიციალური განცხადება გაკეთდა.


აკვანი მუსიკის დამკვრელით - akvani musikis damkvrelit

აკვანი მუსიკის დამკვრელით - 1921 წელს,ამერიკის შეერთებულ შტატებში გამოიგონეს აკვანი,რომელზეც მიბმულია მუსიკის დამკვრელი.აკვანის თავზე გაბმულია ელექტრო-კაბელები,რომლებიც გადასცემს მუსიკას პირდაპირ ბავშთან.დედას შეუძლია ჩართოს მუსიკის დამკვრელი და მოასმენინოს ბავშს იავნანა,მანამდე კი თვითონ დაისვენოს


რადიო-ქუდი - radio qudi

რადიო-ქუდი - 1931 წელს,ამერიკის შეერთებულ შტატებში გამოიგონეს ქუდი,რომელსაც თავზე დამონტაჟებული აქვს რადიო.რადიოს მოყვარულ ხალხს საშვალება მიეცა ადგილიდან გაუნძრევლათ გადაერთად თავის საყვარელ რადიოზე.ქუდზე დამონტაჟებული აქვს რადიო ხაზები,რომელიც რადიოს მსგავსათ იჭერს რადიოს არხებს.


გასაშლელი პიანინო - gasashleli pianino

გასაშლელი პიანინო ლოგინათ ჩავარდნილებისთვის - 1935 წელს დიდ ბრიტანეთში გამოიგონეს პიანინო,რომელიც ეხმარებოდა ლოგინათ ჩავარდნილ მუსიკოსებს აეხდინათ ოცნება და დაეკრათ პიანინოზე.პიანინო იდგმებოდა საწოლის წინ,ხოლო მისი გადმოწევისას იგი პირდაპირ მწოლიარისთვის მოსახერხებელ ადგილას დგებოდა.


სათვალეები დაწოლილი კითხვისთვის - satvaleebi dawolili kitxvistvis

სათვალეები დაწოლილი კითხვისთვის - ალბათ შეგინიშნავთ,რომ როდესაც ადამიანი წვება და ისე კითხულობს,მას ძალიან ეღლება თვალება და რამოდენიმე ხანით სტკივდება ის.1936 წელს,ინგლისში ამ პრობლემის გადასაჭრელათ გამოიგონეს სათვალე,რომლის გათების შემდეგ შეგიძიათ იკითხოთ დაწოლილმა და ოდნავადაც არ აგტკივდეთ თვალები.


სიმების თეორია - siberis teoria

რთულია დაწერო ისეთ რამეზე რაც მეცნიერებისათვისაც კი ბოლომდე აუხსნელი და გაუგებარია და ბევრი სკეპტიკურადაც კი არის განწყობილი, დაუმატეთ ამას ისიც რომ სკოლაში ფიზიკას “არვწყალობდი” და ალბათ მიხვდებით რა სიძნელეებთან მიწევს გამკლავება, მაგრამ თუ სირთულეების გეშინია ვერც ვერაფერს ვერ მიაღწევ, ამიტომ გადავწყვიტე შევჭიდებოდი თემას რომელმაც უნდა გადაატრიალოს ჩვენი ცოდნა ფიზიკის შესახებ.

როდესაც XX საუკუნის უჭკვიანესი ადამიანი ალბერტ აინშტაინი თავისი სიცოცხლის ბოლოში იყო მან დაიწყო ახალი თეორიაზე მუშაობა რომლის მიზანიც იყო იმის დამტკიცება რომ სამყარო არა ქაოსური და შემთხვევითობებზე დამყარებული წარმონაქმნია, არამედ ის მოწესრიგებულია და შემთხვევითობა აქ არაფერშუაშია, მას სურდა მეცნიერული გზით დაემტკიცებინა ის რასაც რელიგიები რწმენით ცდილობდნენ ახსნას ანუ სამყარო უმაღლესმა გონმა შექმნა გააზრებულად და მეთოდურათ და არა რაღაც შემთხვევითობამ, სურდა ეჩვენებინა რომ სუბატომური ნაწილაკებით დაწყებული გალაქტიკებით დასრულებული ყველაფერი უნივერსალურ კანონებს ემორჩილება. რამდენიმე წელი “ებრძოდა” ის გამოთვლებს და ფორმულებს მაგრამ უშედეგოთ, მან ვერ შეძლო იმის დამტკიცება რომ სამყარო “წესრიგმა შვა და არა ქაოსმა”. ამ მიმართულებით კვლევას “ყველაფრის თეორიის” ძებნა შეარქვეს და დღევანდელ დღემდე ფართო სამეცნიერო წრეებში “მუდმივი ძრავის” რანგში გადიოდა ანუ მეცნიერული ფიქცია.
ფუნდამენტური პრობლემა ის არის რომ სუბატომური ფიზიკა ანუ კვანტური მექანიკა და დანარჩენი სამყაროს ფიზიკა ანუ კლასიკური მექანიკა, ანუ ფარდობითობის თეორია ერთმანეთისგან განსხვავებულია და ერთმანეთთან დაკავშირება ურთულესია, როგორც მიჩიო კაკუმ თქვა (ამ კაცზე ცოტა მოგვიანებით) “ეს იგივეა რომ ვეშაპი და იხვნისკარტა ერთმანეთზე გადააბა სკოჩით “.

ალბერტ აინშტაინის გარდაცვალებამდე ერთი წლით ადრე 1954 წელს ფრანგმა და შვეიცარიელმა ფიზიკოსებმა გადაწყვიტეს გაეკეთებინათ ის რასაც ვერ ახერხებდა ეს გენიოსი ადამიანი და დაარსეს ევროპის ბირთვული კვლევების ორგანიზაცია შემოკლებით CERN. დღეს რომ კოლაიდერი ვიცით სულ ყველამ ეკუთვნის ამ ორგანიზაციას, ალბათ არ იცოდით რომ ის არ არის პირველი მანამდე კიდევ 6 უფრო მცირე ზომის კოლაიდერი არსებობდა . კოლიდერის ერთ – ერთი მაგრამ არა ერთადერთი მიზანი არის რომ დააკავშიროს კვანტური მექანიკა კლასიკურ მექანიკასთან, ზუსტად ამ საქმეში არის ჩართული იაპონური წაროშობის ამერიკელი ფიზიკოსი მიჩიო კაკუ (რომელიც სტეფან ჰოკინგთან ერთად ითვლება თანამედროვეობის უდიდეს ფიზიკოსად) თვლის რომ იპოვა პასუხი, სანამ კოლიდერი დაამტკიცებს ან უარყოფს მის მოსაზრებას მისი თეორია მხოლოდ ჰიპოთეზა არის და მეტი არაფერი, ვიცი რომ დიდი შესავალია მაგრამ ეს იმისათვის რომ უკეთესად აღიქვათ ამ ჰიპოთეზის მნიშვნელობა, დავიწყოთ!

მიჩიო კაკუ და სხვა ბევრი ფიზიკოსი მიიჩნევს რომ როდესაც დავშლით კვარკს (პროტონის შემადგენელს) და ელექტრონს აღმოვაჩენთ მოვიბრირე სიმს, ის თუ როგორ ვიბრირებს ანუ რა სიხშირით და რა მიმართულებით განსაზღვრავს მატერიის არს და სახეს, ანუ რომ შევძლოთ ვაშლის სიმის ვიბრირების სიხშირის და მიმართულების შეცვლა შეიძლება მივიღოთ… ბრილიანტი ან რამე სხვა იმიტომ რომ კვარკებიდან დაწყებული ატომით გაგრძელებული და მატერიით დასრულებული ყველაფერი შეიცვლება.

თუ ეს ჰიპოთეზა ჭეშმარიტია ე.ი უმაღლესი გონი უკრავს ვიოლინოზე რომელსაც ეს სიმები აქვს და ასრულებს შედევრს რომელსაც ქვია სამყარო, ხოლო დიდ აფეთქება სხვა არაფერია თუ არა პირველი სიმის “აჟღერება” (ცოტა ოდენი პოეზია არ გვაწყენს) დიდი აფეთქება ტყუილად არ მიხსენებია, მიჩიო კაკუს თქმით სიმების თეორია დაამტკიცებს რომ დიდი აფეთქება ნამდვილად მოხდა და ის არ იყო შემთხვევითი.
ხო როდესაც მე ვთქვი სამყარო რათქმაუნდა ვიგულისხმე 10 განზომილებიანი ჰიპერ სივრცე… აჰა, აჰა ზუსტად ეგეთი სახე მქონდა მეც პირველად რომ გავიგე ეგ და იმ მეცნიერებსაც ვინც მიჩიო კაკუსგან პირველად გაიგო ეგ ტერმინი. აქამდე ვიცოდით რომ არსებობდა 4 განზომილება 3 სივრცითი და ერთი დრო მაგრამ გამოდის რომ გვაქვს 10 განზომილება, ამ თემას ცალკე პოსტი ჭირდება და ამიტომ ძალიან მოკლედ ავხსნი სიმის ვიბრირებისათვის არ არის საკმარის 3 სივრცითი და ერთი დროითი განზომილება საჭირო კიდე 6 განზომილება რომ მან იმოძრაოს, ეს მათემატიკურად ამოხსნა ბატონმა კაკუმ და მისმა თანამოაზრეებმა.
მიჩიო კაკუ ამბობს რომ მისი თეორიას ექნება პრაქტიკული გამოყენებაც შესაძლებელი იქნება სხვა პარალელურ სამყაროებში მოგზაურობა.
და ბოლოს მიჩიო კაკუს ბოლომდე არ ამოუხსნია ეს განტოლება, ჯერ ვერ “ჩავიდა” ბოლომდე, მაგრამ ფაქტია რომ მსოფლიოში ბევრი ელოდება საბოლოო ფორმულას რომელიც როგორც მიჩიო კაკუ თვითონ ამბობს არ უნდა აღემატებოდეს 1 ინჩს სიგრძეში.


ზიპოს საიდუმლოებანი - zipos saidumloebani

დიდი დეპრესიის პერიოდში შორეული ამერიკის მენავთობეთა ქალაქ ბრედფორდში, შტატ პენსილვანიაში ჩვეულებრივ სოფლის კლუბში ვინმე ჯორჯ ბლეისდეილი საცეკვაოდ მისულა. მაშინ ის ნავთობმომპოვებელი მოწყობილობების მწარმოებელი ფირმის მეწილე იყო. მეტალთან შეხება ყმაწვილობიდანვე ჰქონდა და არც გამომგონებლობის ნიჭი აკლდა. ცეკვა და ფუჭი დიალოგები ჯორჯს მალევე მობეზრდა, ამიტომ მორიგი სიგარეტის მოსაწევად ვერანდაზე გავიდა. აქ თავისი ძველი მეგობარი, დიკ დრესერი შენიშნა. ან როგორ შეიძლებოდა მისი არშემჩნევა, როდესაც ის სახის შეწუხებული გამომეტყველებით და ბუზღუნით ავსტრიული წარმოების, ძველ სანთებელას თავსახურს აწვალებდა. ჯორჯმა გახედა მეგობარს, სულ ერთი წამით დაფიქრდა და ვინაიდან დიკი შეძლებული ადამიანი გახლდათ, თავს ასეთი შენიშვნის მიცემის უფლება მისცა: „ძვირფასო დიკ, ახალი მეტად პრეზენტაბელური სანთებელის ყიდვის დრო ხომ არ არის?”, მაგრამ დიკმა ამ დროისთვის სანთებელას თავსახური ახადა და ბორბალს დაჰკრა. მიუხედავად ქარისა, სანთებელა მაინც აინთო. დიკმა სიგარეტს მოუკიდა და უკმაყოფილო სახით წაიბუტბუტა: „კი, მაგრამ ეს სანთებელა ჯერ კიდევ მუშაობს!” ეს იყო ახალი იდეის წარმოშობის მომენტი იმიტომ, რომ ჯორჯმა სწორედ მაშინ გაათვითცნობიერა: „სანთებელა! ეს ისაა, რაც ადამიანს მისი მატერიალური სტატუსის მიუხედავად მუდმივად სჭირდება!” იმ დღიდან მოყოლებული ჯორჯი მუდმივად ფიქრობდა სანდო და ყველასათვის ხელმისაწვდომი სანთებელების წარმოებაზე.

ამგვარად, 1932 წელს შეიქმნა „Zippo”. ჯორჯმა ასეთი სახელწოდება საყვარელი სიტყვიდან „Zipper-იდან” გამომდინარე შეარჩია, რაც ელვას ნიშნავს. თუმცა, ვინაიდან მისთვის „Zippo” უფრო მოდურად ჟღერდა კომპანიას ეს სახელი მისცა. „Zippo-ს” ქარხანაში თავდაპირველად 6 ადამიანი მუშაოდა. თანამშრომელთა რაოდენობა თანდათან, პროდუქციის პოპულარობასთან ერთად მატულობდა. 1933 წელს ერთი სანთებელა 1, 95 $ იყიდებოდა და მიუხედავად ამისა, მომხმარებელს მოსწონდა ახალი, მოსახერხებელი დიზაინი, რომელიც სანთებელის ცალი ხელით ანთების შესაძლებლობას იძლეოდა.

„Zippo-ს” სანთებელების წარმოებამ და გაყიდვებმა მეორე მსოფლიო ომის დროს მნიშვნელოვნად იმატა, ბაზარზე გამოჩნდა ახალი მოდელები. გაზეთებში კი აქტიური სარეკლამო კამპანია მიმდინარეობდა. 40-იანი წლების დასაწყისიდან 1950-იანი წლების ჩათვლით „Zippo-ს” მიერ წარმოებული სანთებელების უმრავლესობა ნამდვილ შედევრს წარმოადგენს, ვინაიდან სწორედ ამ დროს გახდა პოპულარული ხელით დატანილი ნახატის მქონე „Zippo-ები”.

„Zippo-ს” სტრატეგიული სვლები კარგად დაიგეგმა. განსხვავებული პროდუქტი ბაზარზე პოპულარული მალევე გახდა. თუ კი სანთებელას გამონაკლის შემთხვევებში რაიმე დაუზიანდება, ქარხანა ამაზე პასუხისმგებელია. მომხმარებელს ნივთს ურემონტებენ ან სულაც ახალს სჩუქნის. სანთებელა ქარში კარგად ინთება და სულის ჩაბერვაზე არ ქრება, მანამადე, სანამ მომხმარებელი მას თავად არ დაკეტავს. მისი მექანიზმი თხევად საწვავზე მუშაობს, ამიტომ სიცოცხლისუნარიანობა ხანგრძლივი აქვს, დაცლის შემთხვევაში კი დატენვაც შეიძლება.

1933 წლიდან კომპანიამ 3 მილიარდი სანთებელა გაყიდა. მეორე მსოფლიო ომის შემდგომ მისი რეკლამირება არ წყდებოდა. ეს მაღალ გაყიდვებზე პოზიტიურად აისახა. „Zippo-ს” პროდუქცია მრავალფეროვანია, შესაბამისად ფასებიც სხვადასხვაგვარი აქვს. კომპანიამ წლების მანძილზე ათასობით დიზაინის სანთებელა გამოუშვა.

რაც უფრო ძველია „Zippo”, მით უფრო ფასეულია, განსაკუთრებით კი კოლექციონერთათვის, რომლებიც თავიანთი კოლექციის შესავსებად, ძალასა და რესურსებს არ იშურებენ. ან რას იფიქრებდა ვერანდაზე მდგომი და ახალი იდეით შეპყრობილი ჯორჯი, რომ წლების განმავლობაში თითქმის ორ დოლარიანი სანთებელა ოდესღაც ათასობით დოლარად გაიყიდებოდა.


რუბიკის კუბი (გამოგონება) - rubikis kubi (gamogoneba)

რუბიკის კუბი (თავდაპირველად ცნობილი იყო, როგორც "მაგიური კუბი" უნგრ. Bűvös kocka) — მექანიკური თავსატეხი, გამოიგონა უნგრელმა სკულპტორმა და არქიტექტურის პედაგოგმა ერნო რუბიკმა 1974 წელს, დააპატენტა ერთი წლის შემდეგ.
თავსატეხი პლასტმასის კუბია, რომელიც გარედან უხილავ ღერძებზე მბრუნავი 26 მომცრო კუბისგან შედგება. კუბის ყოველ მხარეს ცხრა კვადრატიდან თითო შეღებილია ექვსი ფერიდან ერთ რომელიმე ფრად და განთავსებულია წყვილად ერთი მეორის საპირისპიროდ: თეთრი-ყვითელი, ლურჯი-მწვანე, წითელი-ნარინჯისფერი. კუბის მხარეების ბრუნებით შეიძლება ფერადი კვადრატების სხვადასხვაგვარად გადაჯგუფება. მოთამაშის ამოცანა შემდეგია: ყოველი ზღვარი ისე უნდა დალაგდეს, რომ ერთი და იგივე ფერის კვადრატებისგან შედგებოდეს.
2009 წლის მონაცემებით, მსოფლიოს მასშტაბით, სულ 350 მილიონი რუბიკის კუბი იყო გაყიდული. ამ მაჩვენებლით ის მსოფლიოს ყველაზე გაყიდვადი თავსატეხი იყო.


ხელოვნური სიცოცხლე (Discovery News) - xelovnuri sicocxle


Discovery-ს ახალი ამბებიდან ვიგებთ რომ ბიოქიმიისა და გენური ინჟინერიის საზღვრები ძალზედ ფართოვდება. ექსპერტები ვარაუდობენ რომ სულ ახლო მომავალში დაახლოებით 2013-დან 2020 წლამდე ხელოვნური სიცოცხლის შექმნა ჩვეულებრივი ამბავი გახდება. ამაში არ იგულისხმება სიცოცხლის კომპიუტერული და რობოტიზებული სიმულაცია. ეს იქნება ხელოვნური უჯრედებისაგან შემდგარი ნამდვილი ცოცხალი ორგანიზმი, დასრულებული გენეტიკური სისტემით და მეტად დახვეწილი ვიდრე ადრინდელი არაცოცხალი ქიმიური ელემენტები.

„როგორც ჩანს ეს ძალიან დიდი გამოწვევა იქნება და ყველას აინტერესებს საბოლოოდ რა მოჰყვება ამას“ ამბობს Mark Bedau, პროფესორი ფილოსოფიაში. იტალიური კომპანოა ProtoLife ერთერთია იმ ჯგუფში რომელიც ცდილობს შექმნას ხელოვნური სიცოცხლე. „ვსაუბრობთ ტექნოლოგიებზე რომელმაც შესაძლოა ფუნდამენტურად შეცვალოს ჩვენი ცხოვრება – ფაქტობრივად ისე რომლი წინასწარმეტყველება და ვარაუდიც კი შეუძლებელია“

Bedau აღწერს 3 ძირითად წინააღმდეგობას რისი გადალახვაც მოუწევთ მეცნიერებს სრულყოფილი სიცოცხლის შექმნაში: პირველი ეს არის მემბრანის შექმნა, გადარჩევადი გამომყოფი და შემწოვი ბარიერის შექმნა რომელიც საშუალებას მისცემს სხვადასხვა საჭირო ნივთიერებებს, უჯერდში შეიწოვებოდნენ და უჯრედიდან გამოიყოფოდნენ. ამ მემბრანამ ასევე უნდა შეასრულოს სხვა უჯრედებთან კომუნიკაციის ფუნქციაც. მეორე წინააღმდეგობა გახლავთ გენეტიკური სისტმემის შექმნა რომელიც საშუალებას მისცემს ამ უჯრედს გაიზარდოს, განიცადოს სხვადასხვა სახის მუტაცია და ჰქონდეს უნარი რეპროდუქციისა (გამრავლდეს) და მესამე გახლავთ ნივთიერებათა ცვლა, ფუნქცია უჯრედისთვის რომელიც საშუალებას მისცემს მას მიღებული საკვები ნივთიერებები გადამუშაოს და მისთვის საჭირო ენერგიად აქციოს (ისევე როგორც სხვა ბუნებრივ ცოცხალ ორგანიზმებში)

Jack W. Szostak-იც გენეტიკის პროფესორი ჰარვარდის უნივერსიტეტში და მკვლევარი Howard Hughes-ს სამედიცინო ინსტიტუტში, ასე ვთქვათ: კიდევ ერთი ახალწვეულია ხელოვნური სიცოცხლის შექმნაში. მან და მისმა კოლეგებმა გამოსცეს სამეცნიერო ნაშრომი სახელად „სიცოცხლის სინთეტიზაცია“ რომელშიც განხილულია ევლუციისა და მემბრანული ბიოფიზიკის ის მიღწევები რომელიც რეალურად წარმოსადგენს ხდის ხელოვნური უჯრედების შექმნას.

„ხელოვნური უჯრედების შექმნა მოგვცემს პოტენციალს რომ გამოვკვეთოთ ჩვენი (ადამიანების) ახალი მიმართულება სამყაროში და დავიმკვიდროთ მეტად ღირსეული ადგილი“ ამბობს Bedau „ეს ფაქტი წაშლის უამრავ მისტერიულ შეხედულებას სამყაროს შექმნაზე და ჩვენს როლზე ამ სამყაროში“.

ბიოლოგები რომლებიც მუშაობენ სინთეთიკური ორგანიზმების შექმნაზე ნამდვილად წააწყდებიან წინააღმდეგობებს რელიგიური ლიდერებისგან. რომის პაპმა ბენედიქტ XVI-ემ უკვე გაკიცხა მათი მცდელობა, მან თქვა: „მოდიფიცირება თუ შექმნა სიცოცხლისა ღმერთის ნებაა“ და შეუტია მისი თქმით „ჭკუიდან გადასულ, სულით ავადმყოფ, რისკიან და საშიშ“ მეცნიერებს რომლებიც „ცდილობენ დაიკავონ ღმერთის ადგილი“

ბიოეთიკის ცენტრის დირექტორმა Art Caplan-მა კი ამის საპასუხოდ განაცხადა რომ „თუ ვინმე გენეტიკურ ინჟინერიას საზღვრებს დაუწესებს ეს იქნება ადამიანის ისტორიაში ყველაზე დიდი, დამასამარებელი შეცდომა. ძალიან ბევრი კარგი და სასარგებლო დაიკარგება. ჩვენი ყველაზე დიდი იმედი ვებრძოლოთ საშინელ დაავადებებს, ვირუსებს რომლებიც გააწამებენ ჩვენ შვილებს, გენეტიკური მანიპულაცია და ინჟინერიაა. მე და თქვენ გავხდებით გენეტიკური რევოლუციის მოწმენი და ვნახავთ რომ მისი საშუალებით შევძლებთ შევქმნათ გაცილებით უსაფრთხო საკვები, აღმოვფხვრათ ისეთი დაავადებები როგორიცაა დიაბეტი, სხვადასხვა უჯრედული დარღვევები სისხლში, მალარია, ჰაერწვეთოვანი გზით გადამდები გრიპები, შიდსი, და კიდევ ძალიან ბევრი საშინელი დაავადება რომელიც ჩვენი ამჟამინდელი მსოფლიოს რეალობაა. ეს და კიდევ მრავალი რამ გახლავთ გენეტიკური ინჟინერიის სარგებელი. ყველაზე დიდი სარგებელი კაცობრიობის ისტორიაში. ადამიენები შევძლებთ თავი ავარიდოთ ამ დაავადებებს და ეს ჩვენი ყველაზე ახლო რეალობაა.“

იმედია მოგეწონათ პოსტი მე პირადად ძალიან მომწონს გენეტიკური ინჟინერიის გზით სხვადასხვა განუკურნებელი დაავადებების თავიდან არიდების იდეა. წარმოიდგინეთ რამდენი ჩვენთვის ახლობელი ადამიანი გათავისუფლდება ასეთი მტანჯველი დაავადებებისაგან. თქვენი არ ვიცი მარა მე ოპტიმისტურად ვარ განწყობილი.


ბათუმის ოლქი

ბათუმის ოლქი

(batumis olqi)


ბათუმის ოლქი, ადმინისტრაციულ-ტერიტორიული ერთული რუსეთის იმპერიაში. შეიქმნა 1878 წელს, საქართველოს იმ ისტორიულ ტერიტორიაზე, რომელიც რუსეთმა შემოიერთა ბერლინის 1878 წლის ტრაქტატით. ფართობი — 6,975 კმ2 (1904), დასახლებული პუნქტი — 471, მოსახლეობა — 121832 კაცი (1905)[საჭიროებს წყაროს მითითებას]. 1878 წელს ბათუმის ოლქი ადმინისტრაციულად დაიყო ბათუმის, ართვინისა და აჭარის ოკრუგებად. სამხედრო და ადმინისტრაციულ საქმეებში კავკასიის არმიის მთავარსარდალს ექვემდებარებოდა. ადგილობრივი მმართველობას სათავეში ედგა ბათუმის სამხედრო გუბერნატორი. 1883-1903 წლებში შედიოდა ქუთაისის გუბერნიის შემადგენლობაში. 1903 წელს გამოეყო ქუთაისის გუბერნიას ცალკე ერთეულად, ოლქის ცენტრად გამოცხადდა ქ. ბათუმი.