მოგნატრებიათ ?

mognatrebiat ?
მოგნატრებიათ ? ვინმე ან რამე ისე ძლიერად
და მონატრების ცრემლებით სავსე შეგისვავთ თასი?
მე განმიცდია მონატრება მთელი არსებით
ალბად გამიგეთ მონატრების ვინც ივის ფასი!

მოგნატრებიათ? მშვიდ საღამოს ზეცის ყურება
ვარსკვლავებს შორის დაკიდული ნახევარ მთვარე
მე განმიცდია მონატრება სიმშვენიერის
და მიტირია მონატრებით აღვსილსა მწარედ

მოგნატრებიათ? ერთი წამი ბედნიერების
სულს რომ სწყურია ამ წამის განცდა მთელი სისავსით
მე განმიცდია მონატრება ამ ერთი წამის
და მონატრებას ამ წამისას გულში ვიკლავდი.

მე მენატრება ერთი წამი ბედნიერების
ღმერთმა ქნას წამი მონატრების თქვენც განიცადოთ
თუ აგატირებთ არაფერია მალე გაივლის
თუნდ მონატრებით გულმა სათნომ დიდხანს იდარდოს.


დღეს ვარ ხასიათზე უფრო ალერგიულ

dges var xasiatze ufro alergiul
დღეს ვარ ხასიათზე უფრო ალერგიულ,
თურმე კომაა და თქვეს რომ აბსანსია,
ჩემკენ - თითო ჭიქა, მათკენ - ბარბეკიუ,
მთელი ეს ცხოვრება ერთი ნაფაზია
მხოლოდ, როგორც უნდათ ისე დაითვალონ,
ცაზე ღრუბელია სუსტი, ბარეჟივით,
უკვე ვეღარ შველის ტკივილს ბარბიტალი,
ისე მაგრადაა სული დაჟეჟილი.
თითქოს უსაზღვროა, თითქოს დიდი არის,
მაგრამ დედამიწა მაინც ბარაკია,
კარგი, თუ ძმები ხართ, რაის იდეალი,
ზოგჯერ მგონია, რომ ტბორის ბაყაყი ვარ.
წუხელ მეათასედ ღამე გადავტეხე,
ჩანდა მინებიდან მთვარე - კაბოშონი,
ღმერთო, ჩამომხედე სულში კიდევ ერთხელ
ან ამ დღეებიდან სისხლად გამოჟონე,
თორემ ავაშენე ისევ ბაბილონი,
ცენტრში გოდოლია, ირგვლივ - ბალაგანი,
და თუ ახლა რამე სუნთქვას აიოლებს,
და თუ ახლა სადმე დარჩა გასაქანი -
მეტი - მე არ ვიცი, მეტი - მე არ მინდა,
მხოლოდ შენ ერთი ხარ, ღმერთო, გამამთელე
ორად გახლეჩილი, ისევ მიამიტად
მინდა - უმნიშვნელო ვიყო, ბაგატელი,
მეტი არაფერი.


მარტოობაც გამარტივდა

martoobac gamartivda
მარტოობაც გამარტივდა...
სიჩუმეა შეჩვეული...
გადაივსო ეს რვეულიც ღამეული ნაჯღაბნებით...
ცარიელი ოთახია...
სულელური სისუფთავით...
სავარძელში აკეცილი ფეხებია წარმატების...
ეჭვიანი ქმრის სიმკაცრით მეკითხება ქარი ასაკს...
სულ ტყუილად ვიფერადებ კოსმეტიკით წინა ფასადს...
მაინც მცივა...არ ციმციმებს
აპრეხილი წამწამების ჩრდილქვეშ ამოფარებული გამოხედვა ნაწამები...
მარტოობაც გამარტივდა...
უშენობა შეჩვეული...
დაბარბაცებს სიზმარეთში შენი ლანდი ნამთვრალევი...
ცარიელი ოთახია...
გაყინული თითები და...
საყურესთან შენი ტუჩის ძველისძველი ნაკვალევი...


დამიტირებენ სამარადჟამოდ

damitireben samaradjamod
დამიტირებენ სამარადჟამოდ
ანგელოზები...
და ჩემ ცივ ხელებს შეეხება შენი ხელები...
გადმოგცვივდება ლამაზ თვალთაგან ცხელი ცრემლები
ატირდებიან...
ირგვლივ მდგარი მუხის ხეები...
შუაღამისას ჩამოჰკრავენ სიკვდილის ზარებს...
შევეგებები საიქიოდან წამოსულ ლანდებს...
ეს სიყვარული...
მძიმე ლოდად მე გულზე მაწევს
და შენ ტირილით ნუ ისველებ მაგ ლამაზ თვალებს...
როცა ცოცხალი დავდიოდი ჯერ კიდევ ქვეყნად...
შენ სხვა არჩიე მთელი ცხოვრება ეული მერქვა...
ახლა ტყუილად ნუ დამტირი...
გაფიცებ ყველას!!!
ნუ გამაყოლებ საიქიოს სიცრუის წყევლას...
მე ამასვენებს მგლების საძმო სასაფლაოზე...
და ჩაეშვება სიკვდილის მზე სასაკლაოზე...
შენ დაეშვები მოწყენილი შენს თბილ საწოლზე...
ხოლო მე კი ვასვენივარ...
სასაფლაოზე.........!!!


ყველაფერი გაქრა

yvelaferi gaqra
ყველაფერი გაქრა, როგორც მოჩვენება ღამის...
შორით მოჩანს თეთრი სივრცე და წარსულში მიხმობს
ეს, ძვირფასო, ტყუილია, არ დამტოვებს დარდი
ჩემი სულის მიტოვებას სიკვდილიც არ ფიქრობს...
მე ხომ უკვე გამოვცადე მოლოდინი ტრფობის
ვეღარ მოვალ ვერასოდეს, თუნდაც დამელოდო
ხარბად შევსვი საწამლავი, წყურვილისთვის მგონი
თუ გსურს მზად ვარ გისაჩუქრო, ჩემში რაც კი მოგწონს...
მე არ ვნანობ განშორებას შენს უმანკო სულთან
მხოლოდ ვწუხვარ, რომ სიკვდილმა არ გამიღო კარი
მერე რატომ? შენ ხომ გწამდა, მე სიცოცხლე მსურდა
მაშ, რა მოხდა?! რად გავწირე ჩემი საფიცარი?!...
იქნებ, ფიქრობ სახატეში სანთლები არ მეყო
იქნებ დარდობ, ასე დიდხანს მოგაბეზრე თავი
არა, კარგო, სალოცავი სანთლები კვლავ მენთო
მხოლოდ შემხვდა სიბოროტე, ჩუმი, შემზარავი...
არ მეგონა გამწირავდა, მას მივანდე თავი
არ მეგონა დამახრჩობდა მისი მწუხრი თვალთა
იგი შემხვდა გზაში შემხვდა და გამომდო მკლავი
წამიყვანა და ჩემს ირგვლივ ყველაფერი გაქრა...
შემებრალა!!! მის სიბრალულს შეეწირე მსხვერპლად
თუ ზვარაკად შეიწირა იგი ღმერთმა სხვისვის
არაფერი არ მადარდებს, მე ეს ბედი მდევდა
ო, დაბრუნდი! ო, დაბრუნდი! მე უშენოდ მიმძიმს...
ახლა მოდი, გევედრები... ნუ დამტოვებ მარტო...
სურვილი მაქვს შემიბრალო და უკვდავ სულს გავდე
მაგრამ არა! მე ამ ქვეყნად მხოლოდ სიკვდილს ვნატრობ...


სიზმარი

sizmari
და იმღამითვე მაგ ქართა ქროლვას,
მე მივყვებოდი როგორც ფოთოლი,
ყურს მივუგდებდი მნათობთა როკვას,
მეპარებოდა სული ობოლი

მიმაქროლებდა ქარი ნარნარა,
მრისხანე, კაეშნიანი,
წყალივით ქარი ანკარა,
ნაზი და ალერსიანი

შიგ შუაგულში მე ვფრინავ ლაღად,
მივქრივარ როგორც სიზმარი ღამის,
თვალდახუჭული მეგონა მარად
მე ვიქნებითქო თანმხლები ქარის

მარადისობის ბურუსში მყოფმა,
მე, რომ ვიგრძენი ცვლილება ჟამის,
სწორედ იმავწამს ინება ქარმა,
შეწყვეტა, დაყრა, ხმლისა და ფარის

ჩემი შიში და ცვლილება ქარის
როგორც ცვლილება დღისა და ღამის,
ერთმანეთს ცვლიდა ვით ფაზა მთვარის
მე მეშინოდა, ჩადგომა ქარის

ესე უეცრად შევწყვიტე ფრენა,
არა, ეს იყო შეწყვეტა წინსვლის,
ესე ჩემ გულმა დაიწყო ღელვა
არ შეცვლილიყო წიაღი სიზმრის.

ჰაერს მივენდე, შევერთდით თითქოს,
მის ზედაპირზე ლივლივი ვიწყე,
წინა და უკან სვლა ვცადე ვითომ
მხოლოდ ლივლივი შემეძლო თურმე

სიო მიმოქრის ლაღი და ნაზი,
ირგვლივ არ იყო სევდა და ბრაზი
თითქოს არ იყო სიცოცხლის ხაზი
სიზმარს მოესხა ნაყოფი საღი

ლალისფერი ვარდ-ყვავილი
სმარაგდისფერ ბალახს სადად,
დაჰფენია ვით ასკილი
ფოთოლმრავალ მწვანე ბუჩქნარს

მნათობსავით უხვად ფანტავს
ცეცხლისფრიან ნათელ სხივებს
ცის კამარა ზედვე სახავს
მახლობელი ცთომილთ ფიქრებს

უხილავი, მზის დარები
შარავანდი თავზე ადგა
ყოველივე მიწიერი
ცისქვეშეთში მუხლზე დადგა

სხივოსნობა მიზიდავდა
არცა მზისა არც მთვარისა
ცის ლაჟვარდი ასხივებდა
არემარეს მათ მაგივრად

აშრიალდა არა მარტო
ჰაერი და ვარდ-ყვავილი
აშრიალდა ყველაფერი
ნებას დაჰვყა ზედაზენიც

ორად გაიყო ნათელ ცის გული
როგორც გაიყო ადამის სული
აზანზარდა ღმერთი რჯული
ყოველივე არსებული

შუა ადგილს ბრწყინავს ღმერთი
შარავანდი გვირგვინ ადგას
ტანი ვერ ჩანს მხოლოდ ერთი
წმინდათ წმინდა სახე ახლავს

წვერულვაში სათნოებით
აგსავსე აქვს სასოებით
ცის ნათელში ოქროდ ბრწყინავს
მისი სახე, სახედ თქმული

ხელი ვერ წერს მის სიწმინდეს
თვალით ხილულს, ვერა ვერა
ისვე ხვდება ჩემის ფიქრებს
ამოიცნობს ღერა ღერა

მკაცრი იყო შეუვალი,
ამაყი და უძლეველი,
თვალებს ქონდათ ყველაფერი
აქ, ზემოთვე წარმოთქმული

მიუწვდომელ იყო ღმერთი
უცნაური რამე აჩნდა,
რამდენადაც შორი იყო
იმდენადვე ახლოს ჩანდა

რამდენადაც მკაცრი იყო
იმდენადვე რბილი გახლდათ
რამდენადაც უფალ იყო,
იმდენადვე კაცად ჩანდა

ერთი იყო უფლის წინარ
რასაც ვერვინ ვერ იცილებს
შიში, კრძალვა, სიყვარული
ამას ვერვინ მოიცილებს

თვალის თვალში გაყრის მერე
გამიკვირდა სიმამაცე
ჩემად ჩემი, თვალად თვალის
მაგრამ უცბად სიამაყე

მოეძალა უფალს თვალზედ
დავძაბუნდი, გავბინძურდი
ადამისვე მოდგმად ვიქეც
ვით ადამი გავბითურდი

არა არა, ასჯერ არა
არ ვიყავი ამის ღირსი
ამ ადგილის სისპეტაკე
აღარ იყო ჩემთვის იგი

სიბინძურე ყელში მქონდა
ჩემ ცოდვები ლოდად მაწვა
თავდახრილი, ცოდვად მაჩნდა
იმქვეყნიურ ცხოვრების გზა

თავი ავწიე, ვუცქერდი უფალს
ის მიმხვდარიყო უთქმელად სიტყვას
გამიღიმა, ღიმილით ფრთაშესხმულს
ნათელ ცოდვისგან სახად ალაკრულს

ნელნელა, ნაზად და რბილად
ვტოვებდი საუფლოს ღვთისას
ლღვებოდა ყოველი სიზმრად
მე ვგრძნობდი სამყაროს ჩემსას

ჩემს ყურებამდე ხმებმა მოატანა
მე მივდიოდი სამყაროს თაღზე
იმქვეყნიური გზები მომატარა
უხვი ცოდვებით დახერგილ გზაზე.


კენტუკის შტატში

კენტუკის შტატში დანაშაულად ითვლება ლურჯად გადაღებილი იხვის ჭუკების გაყიდვა თუ მათი რაოდენობა 6-ზე ნაკლებია


საინტერესო

კალიფორნიაშია დაწესებული სიჩქარის ლიმიტ მძღოლის გარეშე მოძრავ ავტომობილებზე: მათი სიჩქარე საათში 60 კმ-ს არ უნდა აღემატებოდეს


კალიფორნიაში იკრძალება

კალიფორნიაში იკრძალება სასამართლოში ჩვენების მიცემის დროს ტირილი.


ირლანდიაში ...

ირლანდიაში ვინც განაცხადებს რომ რამე ზებუნებრივ ძალას ან საიდუმლოს ფლობს 1 წელი დაასვენებენ ციხეში.