ანეკდოტები გურულებზე

ანეკდოტები გურულებზე
ანეკდოტები
09:24, 29 სექტემბერი 2022
1 297
0
დილაუთენიაა და გურული ქალი გარბის ჩაიში (კაი დრო რომ იყო, ჩვენი ჩაი რომ გვქონდა მაშინდელია), მეზობლის კაცმა გადმოხედა აივნიდან და დაცინვით გადმოსძახა: ქალო, ასე ადრიანად რომ გარბიხარ, ქმარს პატივი არ ეცი ამ დილას?
- არა ბიჭოს, შენ ცოლს დოუტიებდი აბა რაი! - უცფათ მიიღო საკადრისი პასუხი.
***
გურული ქალი მეზობელს: ეჰ, ანიჩქა, ისე გლახათ ვარ, წელიც მტკივა, ღვიძლიც და ნაღვლის ბუშტიც არ მივარგა, ყველა საღამოს წნევები მაქ…
- კაი, კაი, გაჩერდი, ამ დილას არ იყო, კაი გაწკეპილმა ყაზახმა რომ გადმეიარა შენგან?
- მაი ერთი არ მტკივა, შე ქალო, და შემაძახო ახლა ხო!
***
გურული ზუგდიდშია სტუმრად და სუფრაზე ყოფნისას წაიტრაბახებს - იმფერი ნიჭი მაქვს, სადაც მივალ იმ კუთხის და ყველა იმ ხალხის ენას უცფათ ვსწავლობო! მეგრელები შეეკითხებიან - თუ მასეა, სულელების ენა თუ ისწავლეო? გურული - პაწა მაცალეთ თქვე კაი ხალხო, ორი დღეა, რაც სამეგრელოში ვარო!!!
***
გურული პატრულმა გააჩერა და ამბობს - მოქალაქევ, თქვენ გადაჭარბებული სიჩქარით მოძრაობდითო!
გურული ეუბნება: რადარი მაჩვენეთო!
- რადარი არა გვაქვს ბატონო! - უპასუხა პატრულმა.
- აბა რაფერ მიხვდი ჩქარა რომ მოვდიოდი, - მანქანა იყო გაოფლილი?! - გადაირია გურული.
***
გურიის სოფელში ჩასულია სტუმარი და შემხვედრ გლეხს გზის სწავლებას სთხოვს: იქნებ მიმასწავლოთ, სად ცხოვრობს დათიკო ღლონტი? კი, ძამა, აბა არ გეტყვი?! დამაყურე აგერ, ახლა გოუყობი პირდაპირ, გედეიარ მინდორს, იქანე მუხასთან შემოუხვევ მარცხნივ, გაყობი ბილიკს, წყაროსთან შეუხოვ მარჯვნივ, იარ, იარ და რომ იფიქრებ, აქანა რა ჯანდაბა მინდაო, ე, იქინე ჩოუხვიე მარცხნივ და მეორე მოსახლეა დათიკო! მიხთი?!
***
ღამეა. გურული ცოლ-ქმარი წევს, ვიღაც ეზოსთან იძახის. ქმარი გაძახებს:
- რომელი ხარ?!
- მარგალი კოჩი!
- ადე, ქალო, გახედე ერთი, ვიღაცა იძახის ნამგალი მაქვს პრო*შიო…
***
ყოფილი ნახიშტარ-ნაყაჩაღარ, ნამამაძაღლარ, ნაჩათლახარი გურული, დიდი ფულს იშოვნის და გადაწყვეტს ეკლესია ააშენოს.
დაიწყო და ამ დროს მამამისი დგას და უყურებს თოხზე დაყრდნობილი და ეუბნება;
- შენ მამა, სამოთხეში მაინც არ შეგიშვებენ, იმფერი გაქვს ნაკეთები და აი, ეშმაკიც თლათ არ მეინდურო…
***
გურიაში ავარია მოხდა. პატრული ოქმს ავსებს და თვითმხილველ გურულს თხოვს მოყვეს, რაც მოხდა. ისიც იწყებს: რა მოხდა და, ეგერ იმ ხეს ხედავთ? დიახ ვხედავთ, - პასუხობს პატრული. ხოდა, მაგენმა ვერ დეინახეს, - ამთავრებს ჩვენების მიცემას გურული.
***
გურიის ერთ-ერთ სკოლაში. გერმანულის მასწავლებელი ეკითხება გურულ მოსწავლე ბაღანას: რაფერ იქნება წიგნი გერმანულად?
- ბუხ! - პასუხობს ბაღანა.
- ორი წიგნი?
- ბუხ, ბუხ!
- სამი წიგნი?
- ბუხ, ბუხ, ბუხ!
ამ დროს უკანა მერხიდან: მასტალებელო, ბიბლიოთეკა არ კითხო, თვარა აგვაფეთქებს მაი შეჩვენებული.




გოდერძი ჩოხელი | "მოხევის სადღეგრძელო" გოდერძი ჩოხელი | "მოხევის სადღეგრძელო"
აყაყანებულ ქორწილის სუფრაზე შუახნის მოხევემ სუფრის თამადას ერთი სადღეგრძელოს თქმის უფლება სთხოვა და თანხმობა მიიღო....
03.12.22
12
0
სუფთა წერა სუფთა წერა
სუფთა წერა მთელი საბჭოთა კავშირი, მსოფლიოს ერთი მეექვსედი, ნიკიტა ხრუშჩოვმა შავ პურზე რომ დასვა ( მაშინ, უფროსები, ასე...
24.11.22
74
0