როგორ გაქრა კახეთში კაკლის ხეზე ასული კაცი

როგორ გაქრა კახეთში კაკლის ხეზე ასული კაცი
ანეკდოტები
22:56, 06 დეკემბერი 2021
5 815
0

„ვისაც კახეთისკენ უმგზავრია, იცის, რომ ტრასებზე დგას დიდი კაკლის ხეები. მოგეხსენებათ, კაკალს ცეცხლის ფასი ადევს, ამიტომ სეზონზე ამ ადგილებში ბევრი მიდის კაკლის საბერტყად. ერთხელ, ტრასაზე შუა ასაკის ცოლ-ქმარმა გააჩერა მანქანა. ქმარი კაკალზე ავიდა და ბერტყვა დაიწყო, ცოლი ძირს ჩამოყრილ კაკალს აგროვებდა.რაღაც მომენტში ჯოხის ტყაპუნი გაჩერდა და კაკალის ცვენაც შეწყდა. ეძახა ცოლმა ქვევიდან, ეძახა, შემოურა კაკალს და არავინ პასუხობს. გაქრა კაცი!!!!!!!!!!!!!!!!

გადარეულმა ცოლმა დარეკა პოლიციაში და დაიწყო ძებნა. პოლიციელები ქალს ეკითხებიან, იქნებ ჩამოვიდა, ბუჩქებში შევიდა მოსაფსმელად და ვერ დაინახე.. როგორ შეიძლება კაცი ხიდან გაქრეს, ხომ არ გაფრინდებოდაო?!..ეს სასწაული თითქმის ორი საათი გაგრძელდა.

გულშემოყრილ ცოლს სასწრაფო დასჭირდა, სხვა პატრულების ეკიპაჟებიც მოვიდნენ და საბოლოოდ გაირკვა, რომ დიდ, თურქულ ტრაილერს გამოუვლია, (ბრეზენტი რომ აქვს გადაჭიმული და მოზრდილი სახლების ხელა როა) მაღალი ტენტი წამოსდებია კაკლის ტოტს, კაცი ჩამოვარდნილა კაკლიდან და ბრეზენტზე დაცემულა. მანქანის მძღოლი რას გაიგებდა. გაუქანებია თელავში და სანამ არ გააჩერა, ვერაფრიც ვერ გაიგო....ბოლოს რომ გაჩერდა ტრაილერი, ფეხშველი კაცი ჩამოიყვანეს, მობილური ათხოვეს და პირველ რიგში გულწასული ცოლისთვის დაურეკავს, თელავში ვარო...გადარეულან ცოლიც, პატრულებიც და სასწრაფოს ექიმიც, ვერ მიმხვდარან იქ როგორ მოხვდა, მაგრამ ყველაფერი მშვიდობიანად დამთავრდა“





გოდერძი ჩოხელი | "მოხევის სადღეგრძელო" გოდერძი ჩოხელი | "მოხევის სადღეგრძელო"
აყაყანებულ ქორწილის სუფრაზე შუახნის მოხევემ სუფრის თამადას ერთი სადღეგრძელოს თქმის უფლება სთხოვა და თანხმობა მიიღო....
03.12.22
12
0
სუფთა წერა სუფთა წერა
სუფთა წერა მთელი საბჭოთა კავშირი, მსოფლიოს ერთი მეექვსედი, ნიკიტა ხრუშჩოვმა შავ პურზე რომ დასვა ( მაშინ, უფროსები, ასე...
24.11.22
71
0