Сегодня:
თბილისი C
ახალი დამატებული
ოქროს სიტყვები....გურამ დოჩანაშვილისგან.... "იმ ძნელ ხეს სულში ამოყვანა უნდა,...
აკაკი წერეთელი - გამზრდელი ნამდვილი ამბავი ვუძღვნი ჩემს პედაგოგებს – I – მთის...
ბაბუ ახლა შენთან სიცივეა, ბაბუ, ჩემთან ჯერაც შემოდგომა სუფევს, შენ სამოთხეს...
ეს გახლავთ ფრანც რაიხელტი. (1879-1912) ის გახლდათ ფრანგი მკერავი, რომელიც...
ყვავი ყოფილა ერთადერთი ფრინველი, რომელიც ბედავს შეაჯდეს არწივს ზურგზე და...
როდესაც არწივი აღწევს 40 წელს მისი ბრჭყალები საკმაოდ გრძელი და დრეკადი ხდება და...

საქართელოში დაირწა კაცობრიობის აკვანი!...

საქართელოში დაირწა კაცობრიობის აკვანი!...
05 сен 2021, 12:20, admin,
218 ნახვა

საქართელოში დაირწა კაცობრიობის აკვანი!...

ასპინძის მუნიციპალიტეტში სოფელ ჭობარეთთან სატიკნეს გორაზე არქეოლოგებმა ადრე ბრინჯაოს, გვიან ბრინჯაოს, ადრე რკინის და შუა საუკუნეების ტერასული ნამოსახლარი ტერასული ტიპის დასახლება და ქვის ნაგებობები აღმოაჩინეს. ამის შესახებ ინფორმაციას ასპინძის მერია ავრცელებს.

მათივე ცნობით, აღმოჩენა უნიკალურია, არამარტო საქართველოსთვის, არამედ ადრე ბრინჯაოს ხანის ტრანსკავკასიური კულტურის გავრცელების მთელი არეალისათვის და წარმოადგენს იმდროინდელი მხატვრული და გრაფიკული ხელოვნების საუკეთესო ნიმუშს.

„ადრე ბრინჯაოს ხანის ნასახლარი 2008 წელს, ასპინძა-ახალციხის მაგისტრალური გაზსადენის გაყვანის დროს აღმოჩნდა.

ქრისტეშობამდე 3500-3000 წლის წინანდელი და დღევანდელიდან 5000-5500 წლის ნასახლარის არქეოლოგიური კვლევა 2012 წელს საქართველოს ეროვნულმა მუზეუმმა და მელბურნის უნივერსიტეტმა არქეოლოგების კახი კახიანისა და ანტონიო საგონას ხელმძღვანელობით ერთობლივად დაიწყეს.

არქეოლოგიური კვლევები და სამუშაოები ყოველწლიურად სეზონურად დღემდე 2009 წლიდან მიმდინარეობს. არქეოლოგიურ სამუშაოებში მონაწილეობას ავსტრალიის საფრანგეთის, მელბურნისა და საქართველოს უნივერსიტეტების სტუდენტები ღებულობენ.

საქართველოს მასშტაბით ჭობარეთის ადრებრინჯაოს ხანის ტერასული ნამოსახლარი იმ დროის ერთ-ერთი დიდი და უნიკალური დასახლებაა, თავისი ქვის არქიტექტურითა და არქეოლოგიური მასალით. დღევანდელი არასრული მონაცემებით, მისი სიგრძე დასავლეთ-აღმოსავლეთის ხაზზე 450 მეტრი, ხოლო სამხრეთ-ჩრდილოეთის ხაზზე 250 მეტრია.

არქეოლოგებმა გამოავლინეს მტკვარ არაქსის კულტურისთვის დამახასიათებელი მრავალფეროვანი თიხის ჭურჭელი, ქვის უძველესი ხელსაფქვავები და ლითონის ჩამოსასხმელი თიხის ყალიბი, ნამოსახლარზე სხვადასხვა სახის, მრავალფეროვანი კერამიკული ნაწარმია აღმოჩენილი; მათ შორის, რამდენიმე ჭურჭლის ფორმა და შემკობა, რელიეფური და ამოღარული სახეებით - მათზე გამოსახული ფრინველები, ცხოველები, აბსტრაქტული არსებები, სპირალები.

აღმოჩენა უნიკალურია, არამარტო საქართველოსთვის, არამედ ადრე ბრინჯაოს ხანის ტრანსკავკასიური კულტურის გავრცელების მთელი არეალისათვის და წარმოადგენს იმდროინდელი მხატვრული და გრაფიკული ხელოვნების საუკეთესო ნიმუშს. გარდა ჭურჭლისა, ნაგებობებში ნაპოვნია თიხის წრიული, ფართობორტიანი კერები და სხვადასხვაგვარი სადგრები, რომელთა ნაწილი ნალისებრი ფორმისაა, ხოლო ერთი მათგანი ხარის ქანდაკებას წარმოადგენს. აღმოჩენა წარმოადგენს იმდროინდელი მხატვრული და გრაფიკული ხელოვნების საუკეთესო ნიმუშს.

მიმდინარე არქეოლოგიური კვლევები ცხადყოფს, რომ სოფელ ჭობარეთში განვითარებული ყოფილა მიწათმოქმედება და მესაქონლეობა. ამის დამადასტურებელია 5300 წლის წინანდელი ოთხი ჯიშის ხორბლის მარცვლების, პალინოლოგიური მტვრის, ნამგლის კაჟის ჩასართების, ხელსაფქვავების, მსხვილფეხა და წვრილფეხა პირუტყვის ძვლების აღმოჩენა. ასევე, ნაპოვნია სპილენძის ჩამოსასხმელი ყალიბი და სპილენძის ნივთები, რომელიც მეტყველებს იმდროინდელი კულტურისა და ლითონის დამუშავების შესახებ.

მიმდინარე 2021 წელი ყველაზე წარმატებულია არქეოლოგიური კველევების ნამოსახლარის გავრცელების და არქიტექტურული გეგმარების შესწავლის მხრივ. ერთ-ერთ ტერასაზე, ადრებრინჯაოს ხანის, 5300 წლის წინანდელი, შვიდი ნაგებობა იქნა გამოვლენილი. ერთ-ერთ მათგანში, რომელიც სხვა ნაგებობებთან შედარებით მცირე ზომისაა, იატაკის დონეზე, უკვე აღმოჩნდა თიხის 19 ჭურჭელი. ამდენად, ზომით უფრო დიდ სხვა ნაგებობებშიც, არანაკლებ უნიკალური აღმოჩენებია მოსალოდნელი.

ძეგლზე მდებარე მეორე ბორცვის დასავლეთ კიდესთან, აღმოაჩინეს ყორღანული სამარხი. ქვაყრილში აღმოჩნდა ბედენური კულტურის (ქრისტეს შობამდე 25-ე საუკუნე) ორნამენტირებული კერამიკა.

აღნიშნული პერიოდის ყორღანის აღმოჩენა მესხეთში პირველი შემთხვევაა. ჭობარეთის ადრებრინჯაოს ხანის ნამოსახლარი თავისი დროის ერთ-ერთი დიდი და მნიშვნელოვანი ძეგლია, რაც ასევე დასტურდება ჯეროვანი საერთაშორისო სამეცნიერო გამოხმაურებითა და ძეგლისადმი არსებული ინტერესით.

მიმდინარე არქეოლოგიური სამუშაოები ადგილზე მოინახულეს ასპინძის მუნიციპალიტეტის მერმა როსტომ მაგრაქველიძემ და მოადგილემ ლევან ბერიძემ", - ნათქვამია ინფორმაციაში.

გაზიარება სოც ქსელში


აგრეთვე იხილეთ:
05 сен 2021, 10:07    246    0
ქვედა (ახალი) ომალოდან ჩრდილოეთით, უფრო ზევით მთებში, მდებარეობს ზედა (ძველი) ომალო, უფრო მაღლა...