იაპონიაში, კუნძულ ჰოკაიდოზე, კამი-შირატაკის სარკინიგზო სადგური ერთ მგზავრზე მუშაობდა.
2013 წელს იაპონიის რკინიგზამ გადაწყვიტა შეაჩეროს მოძრაობა არაპოპულარულ და შორეულ მიმართულებაზე. თუმცა, როდესაც გაიგეს, რომ კამი-შირატაკის სადგურზე სკოლის მოსწავლე ცხოვრობს, რკინიგზის თანამშრომლებმა გადაწყვიტეს ნაწილობრივ აღედგინათ მოძრაობა.
ამ სადგურზე მატარებლები ჩერდებოდა დღეში მხოლოდ ორჯერ, სხვადასხვა დროს, იმისდა მიხედვით, თუ როდის ჰქონდა გოგონას გაკვეთილები.
2016 წლის მარტში გოგონამ სკოლა დაამთავრა და მხოლოდ ამის შემდეგ სადგური დაიხურა.
