ამ ლოცვას მშობლები მხოლოდ ერთხელ კითხულობენ ცხოვრებაში

ამ ლოცვას მშობლები მხოლოდ ერთხელ კითხულობენ ცხოვრებაში
ეს საინტერესოა
11:09, 29 ივლისი 2022
63
0
,,...ამ ლოცვას მშობლები მხოლოდ ერთხელ კითხულობენ ცხოვრებაში (მხოლოდ ერთხელ). წაუკითხეთ შვილებს ეს ლოცვა და უფალი სასწაულს მოგივლენთ...'' -
საქართველოს კათოლიკოს-პატრიარქი ილია II. 🙏
------------------------------------------------------------------------
,,იმისათვის, რომ შვილი ბედნიერი იყოს, მშობელმა ის უნდა დალოცოს, - ამის შესახებ საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ბრძანა. - ყველა მშობელმა წაუკითხოს ეს ლოცვა შვილებს. ჩვენ შევადგინეთ ტექსტი და ასეთი წესი იქნება. ბავშვსა ან შვილს დააყენებთ მუხლებზე ხატების წინაშე - იმ ხატის წინაშე, რომელითაც თქვენ ლოცავთ (ან შევარჩიოთ ასეთი ხატი). ორივე ხელს დაადებთ თავზე შვილსა და წაიკითხავთ ამ ლოცვას და თქვენ ნახავთ, უფალი სასწაულს მოგივლენთ და სრულიად შეიცვლება შვილი და ოჯახიც სიკეთისკენ.
აი, ამიტომ თქვენ დიდი ყურადღებით უნდა მოიქცეთ. თქვენ უნდა მოემზადოთ, სანამ დალოცავთ თქვენ შვილს. მშობლები უნდა მოემზადონ...
მამამ ცალკე უნდა დალოცოს და დედამ ცალკე. ცხოვრებაში ერთი დალოცვა იქნება. ერთხელ მხოლოდ.
ბედნიერება მოგანიჭოთ თქვენ უფალმა და მთელს საქართველოს, ყოველ ქართველს, რომელიც უცხოეთშია და ყველას მკვიდრთა საქართველოსათა!"
===========
აი, ეს ლოცვაც:

++++++++++++++
"ღმერთო ჩვენო, მამაო ყოვლისა მპყრობელო, ძეო ღვთისაო უფალი ჩვენო იესო ქრისტე. სულო წმიდაო ცხოველმყოფელო, სამებაო ერთარსო და განუყოფელო, გარდამოიხილე ზეცით მოწყალე თვალით და დალოცე შვილი ესე მონა (მხევალი) ღვთისა (საახელი) და მიმადლე მათ მრავალჟამიერი სიცოცხლე, მტკიცე მართლმადიდებელი სარწმუნოება, სიყვარული ღვთისა და მოყვასისა, თავმდაბლობა, განცდაი თვისთა ცოდვათა, სიბრძნე, სიმშვიდე და მოთმინება, ნიჭი და უნარი სწავლისა და შრომისა, ბედნიერი ოჯახი, მრავალი შვილი, კეთილდღეობა და სიხარული, გონება საღი და გახსნილი, გული წმინდა, სიყვარული მშობელთა თვისა.
ჰოი, უფლო შეისმინე ჩემი ლოცვა და დაეფარა შვილნი ესე ჩვენნი სულიერი და ხილული და უხილავი მტრებისაგან და ღირსყავ ისინი ცათა სასუფეველისა.
ლოცვითა და მეოხებითა ყოვლადწმიდისა ღვთისმშობელისა და ყოველთა წმიდათა შენთა. ამინ!"
++++++++++++++++++++++++++++++

პატრიარქის თქმით, ამის შემდეგ შვილს უნდა ასხუროთ ნაკურთხი წყალი და გადასახოთ ჯვარი.

”თქვენ ნახავთ, რომ დალოცვის შემდეგ შეიცვლება ოჯახი. ოჯახში სიყვარული შემოვა, დამშვიდდებიან შვილები, დამშვიდდება მშობელი, თქვენ ნახავთ, რომ უფალი სასწაულს მოგივლენთ”, - აღნიშნა პატრიარქმა.




ვაჟა-ფშაველას / დათო ახლოური ვაჟა-ფშაველას / დათო ახლოური
ვაჟა-ფშაველას ფშაველი ვარ. ჩემი წინაპრები გაბიდაურები ყოფილან. გაბიდაურთა თემიდან გახლდათ ვაჟა-ფშაველას დედა გულქან...
30.07.22
96
0
ნეტავ გავუძლო სიცოცხლეს, ბედმა რამდენი მაწვალა ნეტავ გავუძლო სიცოცხლეს, ბედმა რამდენი მაწვალა
ნეტავ გავუძლო სიცოცხლეს, ბედმა რამდენი მაწვალა...
30.07.22
101
0