ამბობს უფალი: სადაც ორი ან სამია შეკრებილი ჩემი სახელით, მეც იქ ვარ, მათ შორის

ამბობს უფალი: სადაც ორი ან სამია შეკრებილი ჩემი სახელით, მეც იქ ვარ, მათ შორის
ეს საინტერესოა
16:35, 05 დეკემბერი 2022
99
0
ამბობს უფალი: სადაც ორი ან სამია შეკრებილი ჩემი სახელით, მეც იქ ვარ, მათ შორის
-------------
თუ ადამიანი ცხოვრობს ეკლესიური ცხოვრებით, თუნდაც მიტოვებულ ტაძრებში ლოცულობს, სადაც არ არის მღვდელი და აქვს სწორი სარწმუნოება, არ სჩადის ხილულ ბოროტებას, არ აპირებს სულიწმიდის გმობას, ეკლესიიდან გასვლას, რამე მკრეხელობის ჩადენას, მანამდე მას იცავს მფარველი ანგელოზი.

თუ ადამიანი საკუთარი ნების უგუნური გამოყენებით მიატოვებს ეკლესიას (მართლმადიდებლობას), გმობს საღვთო სწავლებას, მიდის რომელიმე სექტაში ან უსჯულოებას სჩადის, მაშინ უფლის კურთხევითა და ადამიანის არასწორი გადაწყვეტილებით, მფარველი ანგელოზი მიატოვებს მას, მაგრამ, არა სამუდამოდ.

თუ ადამიანი მოეგება გონს, კვლავ აღდგება მისი ურთიერთობა უფალთან, შეინანებს, მფარველი ანგელოზი კვლავ დაუბრუნდება.

დიონისე არეოპაგელი საინტერესოდ აგვიწერს შემდეგ სწავლებას, რომ, ყველა ერს, ქვეყანას, ღმერთმა თავისი მფარველი ანგელოზი მოუვლინა. ანგელოზის დანიშნულება არის ის, რომ, ესა თუ ის ერი ჭეშმარიტებაში განასწავლოს და მიაახლოვოს ეს ხალხი უფალს.

ჩვენ ვიცით, რომ ჩვენს მფარველ წმიდანად მიიჩნევა წმიდა გიორგი, წმიდა ნინო, წმიდა ნიკოლოზი. და გვყავს ქმნილებათა შორის ყველაზე აღმატებული – დედაღვთისმშობელი.

ანგელოზის მფარველობა და მოვლინება უფლის დიდი წყალობაა, მაგრამ, ძალიან ბევრი რამ არის დამოკიდებული იმაზე, თუ როგორ ვაცნობიერებთ ამ წყალობას ერი, პიროვნებები.

ეს დიდი წყალობა და სიკეთე უნდა გავიაზროთ და უნდა გვახსოვდეს სწავლება: ვისაც მეტი მიეცა, მას უფრო მეტი მოეკითხება, ღვთის წყალობა ჩვენ თავმდაბლობით უნდა მივიღოთ და ისეთი ცხოვრების წესი უნდა გვქონდეს, რომ არ დაგვტოვოს მფარველმა ანგელოზმა.

ხშირად სუფრასთან სიამაყით ვლოცავთ მფარველს, ფუძის ანგელოზებს, მაგრამ, ბუნდოვანი წარმოდგენაც არ გვაქვს, თუ რას ითხოვენ ისინი ჩვენგან. ისინი ჩვენგან მოითხოვენ: როცა სუფრასთან ზიხარ, ბევრი არ დალიო. ტაძრებთან ნაგავი არ დაყარო, თამბაქო არ მოსწიო, არ იბილწსიტყვაო და ასე შემდეგ

როცა მანქანით მგზავრობ, მფარველი ანგელოზი კი გიცავს, მაგრამ, თუ შენ ნასვამი ხარ, გადააჭარბებ სიჩქარეს, უგუნურად მოიქცევი, ვერ დაგიცავს მფარველი ანგელოზი.

უნდა დაიცვა სწავლება, რომ, არ დათვრე ღვინით, არამედ აღივსო სულით; უნდა იყო მორჩილი, მლოცველი, ნაკლები დალიო, ბევრი ილოცო, მეტად იშრომო, რწმენა და სიყვარული გაგაჩნდეს.

მხოლოდ ის, რომ მფარველი ანგელოზი მაინც დამიცავს და მე როგორც მინდა, ისე უნდა მოვიქცე – ეს უკვე უგუნურებაა.

ან დაიჩემო, ეკლესია და მღვდელი არ არის სოფელში და რა უნდა ვქნაო, ყველა სოფელს აქვს ტაძარი ან პატარა ნიში, შეინახე მარხვები, მიდი ხშირად, განსაკუთრებით საუფლო დღესასწაულებზე, ილოცე, დაანთე სანთლები, ადიდე ღმერთი...

ჩვენ ხშირად ვარღვევთ მართლმადიდებლურ სწავლებას, უგუნურ საქციელს ჩავდივართ და თუმცა მფარველ ანგელოზებსაც ხშირად გადავურჩენივართ, მაგრამ, შეიძლება, დადგეს დრო და მათ აღარ გადაგვარჩინონ, რადგან, უგუნურებაში განვაგრძობთ ცხოვრებას და არასწორი ცხოვრებით გადავეყრებით საფრთხეს.

ნუ ვეხუმრებით უსხეულო ძალებთან ურთიერთობას – როგორც ბოროტებასთან, ასევე სიკეთესთანაც. თუ ბოროტი ჩვენ გვავნებს, ცდილობს, რამე უკეთურებას გადაგვყაროს, ცუდი შეგვამთხვიოს, ასევე, მფარველი ანგელოზები დაუღალავად შრომობენ უფლის წინაშე, ჩაგვჩურჩულებენ სინდისში კეთილ საქმეებს, ევედრებიან უფალს ჩვენს გადარჩენას, ცხონებას.

ასეთი კეთილი გადმოცემაც არსებობს: როდესაც ადამიანი ლოცულობს, ხანდახან ეტირება, ამ დროს მისი მფარველი ანგელოზი ლოცულობს უფლის წინაშე და ეს ცრემლი მომდინარეობს ამისგან, მაგრამ არ უნდა დაგვავიწყდეს, რომ, თუ ადამიანს არ აქვს სურვილი, მას ვერც უფალი დაეხმარება – ამ დროს მფარველი ანგელოზის ხელები და ქმედება შებოჭილია, რადგან მთავარი ადამიანის თავისუფალი ნებაა...
--------------
"წესი ქრისტიანული ცხოვრებისა"


ერთმანეთს გულში ჩავიკრავთ, ერთობა გასტეხს,ქვასაცა ერთმანეთს გულში ჩავიკრავთ, ერთობა გასტეხს,ქვასაცა
ლხინში ბევრს გაახსენდები, ჭირში ახსოვხარ,ცოტასა. გაივლის დრო და მიხვდები, ვინც იმსახურებს,ძმობასა. კაცი, მეგობრით...
27.01.23
587
0
ეს ქარიშხალი რა არის- სულში რომ ქარიშხლებია... ეს ქარიშხალი რა არის- სულში რომ ქარიშხლებია...
ეს ქარიშხალი რა არის- სულში რომ ქარიშხლებია... ეს მიწისძვრები რა არის- მკერდში რომ გულის ძვრებია... ან ეს ფიფქები რა...
27.01.23
83
0