ერთ პატარა ქალაქში, გვერდიგვერდ სახლებში ორი ოჯახი ცხოვრობდა.

ერთ პატარა ქალაქში, გვერდიგვერდ სახლებში ორი ოჯახი ცხოვრობდა.
ეს საინტერესოა
14:08, 07 დეკემბერი 2022
119
0
„ერთ პატარა ქალაქში, გვერდიგვერდ სახლებში ორი ოჯახი ცხოვრობდა.
ერთ ოჯახში ცოლ-ქმარი გამუდმებით ჩხუბობდა, ადანაშაულებდა ერთმანეთს წარუმატებლობაში და ყველანაირ უბედურებაში ერთმანეთს სდებდა ბრალს; ხოლო მეორე ოჯახური წყვილი შეხმატკბილებული იყო და თვალებში შესციცინებდა ერთმანეთს.
უკვირდა მოურჯულებელ დიასახლისს მეზობელი ქალის ბედნიერება, შურდა და ერთ დღესაც ქმარს უთხრა:
- წადი და ნახე, როგორ ახერხებენ, რომ სულ ასე მშვიდად არიან და არასოდეს ჩხუბობენ.
წავიდა ქმარი მეზობლებთან, შეიპარა სახლში და დაიმალა. დაუწყო ცოლ-ქმარს თვალთვალი. დიასახლისი მხიარულ სიმღერას ღიღინებდა და თან სახლს ალაგებდა. როცა ძვირფასი ლარნაკიდან მტვერს იღებდა, უცებ ტელეფონმა
დარეკა. ქალს ყურადღება გაეფანტა, ვაზა მაგიდის კიდეზე დადო ისე, რომ ის ის-ის იყო, გადმოვარდებოდა.
ამ დროს ქმარს რაღაც დასჭირდა და ოთახში შევიდა. გამოედო ვაზას, გადმოაგდო და გატეხა. "ნეტავ, ახლა რა მოხდება?" – გაიფიქრა დამალულმა მეზობელმა.
ხმაურზე ოთახში ცოლიც დაბრუნდა, დახედა გატეხილ ვაზას, დანანებით ამოიოხრა და ქმარს უთხრა:
- მაპატიე, ძვირფასო! ჩემი ბრალია. ისე უხერხულად დავდგი მაგიდაზე ვაზა...
- რას ამბობ, საყვარელო? ჩემი ბრალია. ვჩქარობდი და ვერ შევამჩნიე ლარნაკი. კარგი, რაც არის, არის... ჩვენი ჭირიც წაუღია.
...მეზობელს გული შეეკუმშა. შინ დარდიანი დაბრუნდა.
დაბრუნებულ ქმარს ცოლმა ჰკითხა:
- სად ხარ ამდენ ხანს? ნახე, რაც დაგავალე?
- კი, ვნახე!
- და რა ხდებოდა მათ ოჯახში?
- მათ ოჯახში ყველა დამნაშავეა, ხოლო ჩვენთან - ყველა მართალი...“


ერთმანეთს გულში ჩავიკრავთ, ერთობა გასტეხს,ქვასაცა ერთმანეთს გულში ჩავიკრავთ, ერთობა გასტეხს,ქვასაცა
ლხინში ბევრს გაახსენდები, ჭირში ახსოვხარ,ცოტასა. გაივლის დრო და მიხვდები, ვინც იმსახურებს,ძმობასა. კაცი, მეგობრით...
27.01.23
587
0
ეს ქარიშხალი რა არის- სულში რომ ქარიშხლებია... ეს ქარიშხალი რა არის- სულში რომ ქარიშხლებია...
ეს ქარიშხალი რა არის- სულში რომ ქარიშხლებია... ეს მიწისძვრები რა არის- მკერდში რომ გულის ძვრებია... ან ეს ფიფქები რა...
27.01.23
83
0