უცნობი ფაქტები კალიგულაზე

უცნობი ფაქტები კალიგულაზე
კალიგულა მამებს აიძულებდა, თავიანთი ვაჟიშვილების სიკვდილით დასჯას დასწრებოდნენ. ერთ-ერთ მათგანს, რომელმაც ავადმყოფობის მიზეზით თავის არიდება დააპირა, ტახტრევანი გაუგზავნა მოსაყვანად. შვილის სიკვდილით დასჯის მერე კი სუფრასთან მიიწვია და ათასნაირი ქათინაურით აიძულა, ეხუმრა და ემხიარულა.
როცა ხალხმა კალიგულას გასაბრაზებლად სხვა მეეტლეებს დაუკრა ტაში, კალიგულამ წამოიძახა: "ო, ნეტავ რომაელ ხალხს მხოლოდ ერთი კისერი ჰქონდეს, ხმლის ერთი დარტყმით რომ გავაგდებინო თავიო"
ხანგრძლივი გადასახლებიდან დაბრუნებულ განდევნილს კალიგულამ ჰკითხა, იქ რას აკეთებდიო? იმან მლიქვნელურად უპასუხა: „დღედაღამ ღმერთებს ვევედრებოდი, ტიბერიუსი მომკვდარიყო და შენ გამხდარიყავი იმპერატორი და ასეც მოხდაო.“ მაშინ იფიქრა კალიგულამ, ვინც მე გადავასახლე, ისინიც ასე ნატრობენ ჩემს სიკვდილსო და კუნძულებზე ჯარისკაცები დაგზავნა მათ ამოსახოცად.
როცა კალიგულას უთხრეს, შეცდომით ერთი ადამიანის ნაცვლად, სხვა, იმავე სახელის მქონე კაცი დავსაჯეთ სიკვდილითო, წამოიძახა: ალბათ, ისეც იგივეს იმსახურებდაო.
ერთი რომაელი მხედარი, რომელიც გარეულ მხეცებს მიუგდეს, განუწყვეტლივ ყვიროდა, დამნაშავე არა ვარო; კალიგულამ ის უკან დააბრუნა, ენა ამოაჭრა და კვლავ არენაზე გააგდო.
„დაე ვძულდე, ოღონდ კი ეშინოდეთ !“ - კალიგულა