ჩემს ნამოქმედარს შენ მოგანდობ ვით დღეს ხვალინდელს

ჩემს ნამოქმედარს შენ მოგანდობ ვით დღეს ხვალინდელს
ეს საინტერესოა
23:36, 21 იანვარი 2023
35
0
სტალინი დიდხანს და გულდასმით დადიოდა გელათში. აღმაშენებლის ანდერძის თანახმად მისი საფლავისთვის ფეხი უნდა დაედგა, მან კი შემოუარა მას და გელათში ისე შევიდა. შევიდა მოსამსახურეთა კელიებთან და განმარტოებით იდგა რამდენიმე წუთს. როდესაც შებრუნდა ეკლესიაში და აიარა კიბეები, მოტრიალდა და დაინახა რომ აღარავინ მიჰყვებოდა. იკითხა რატომ არ მომყვებით თუ თქვენ მართლმადიდებლები არ ხართო? მხოლოდ მგელაძემ უპასუხა რომ არ სურდათ მისთვის განსაკუთრებული ყურადღების მიქცევა. სტალინმა უთხრა: ,, სასულიერო სემინარია დავამთავრე და ეკლესიაში ისეთს არაფერს გავაკეთებ შეხედვისა შეგრცხვეთო. შეატყო გვერდზე მყოფთ რომ აინტერესებდათ მათ თუ რატომ აერიდა დავითის საფლავს. სტალინმა თვითონვე განაგრძო.1503 დან 1510 წლამდე თურქობა შემოსევია საქართველოს, კერძოდ იმერეთისკენ აუღიათ გეზი და გელათი ქონიათ პირველი მიზანში ამოღებულიო. ბერები ჩქარობდნენ რომ პირველ რიგში აღმაშენებლის ნეშტი და მონასტრის განძეულობა გადაემალათ და მოახერხეს კიდეც. იმ დიდი სულის კაცს ქართველობისთვის დაბარებული სიტყვები ,,ფეხი დამადგით გულზე ყოველმან’’ მანამ იყო ძალაში სანამ მისი სხეული აქ განისვენებდა და მის მერე, მისი სხეული უეჭველია შორს არაა გადატანილი, მაგრამ აქ აღარ ასაფლავია, მეც ამიტომ ავუარე გვერდიო. სტალინამდე კი იყო დიდი სამზადისი. ბეთანიის მონასტრის კუთვნილ წისქვილთან სამადლოს ხევში ბერმა კუკშამ ( ფოტოზე მარჯვნიდან პირველი ) დილაუთენია ლოცვად დამდგარ 9 წლის სოსოს წისქვილში მიაკითხა. შემდეგ ბეთანიის მონასტრის სარდაფში ჩასულან სადაც ბერები ძვლებს ინახავდნენ. ეუბნებოდა: ,,ეს წმიდანთა ძვლებია მათი სულები ეხლა შენს სამზადის ადევნებენო თვალსო." ერთხელ დედამისი კეკე ჩასულა ბეთანიაში და შვილი მოუკითხია. ,,ჩვენ დიდ სამზადისს შევუდექით" - ო უთქვია დედამისისთვის ბერს. ,,რაც შეიძლება ბევრი სიკეთე ქენი ქრისტეს წინაშე" დაუბარებია კეკეს შვილისთვის რათა ამ ქვეყნიდან გასულმა, ამ სიკეთემ გადაგარჩინოსო’’. ,, კიდევ ათი ათასი წელი გეცოცხლოსო დედა’’, ამ სიტყვებით გააცილა პატარა სოსომ დედამისი გელათიდან. აღმაშენებლის ,,გალობანი სინანულისანი’’ წაკითხვიდან საღამომდე ზეპირად დაუსწავლია. ერთხელ ასეთი კითხვით მიუმართავს ბერისთვის : ,,ცოდვის ჩამდენ კაცს რამდენი შესწრებია, მარა ის თუ უნახავს ვინმეს ცოდვას როგორ ინანიებსო"? ,,შენ სიჭაბუკითგანვე არა ცნობ ძილს თვალთა, რულს ნამთა და განსვენებას ხორცთა ტვირთმძიმეთა და მაშვრალთა ცრემლითა მოსასპობად. იცოდე რომ შენ ათეიზმით დაჩაგრულ დიდ ქვეყანას ჩაუდგები სათავეში. ამ დროს ბოროტება გაძარცვავს და გაანდგურებს ეკლესია - მონასტრებს. მართლმადიდებელი რწმენის ხალხი დიდი საფრთხის ქვეშ აღმოჩნდებიან. ამოხოცავენ სამღვდელოების დიდ ნაწილს და შეუდგებიან ქვეყნის გამალებულ ძარცვას. შენ უნდა აღადგინო ხალხის შეგნებაში მამულის მცნება, შენ უნადა გამოაცხადო სამშობლო თავისი შემოღობილი ზეცით და მიწა - წყლით, გმირული წარსულითა და საამაყო წინაპრებით, შენ უნდა მოსპო ყველა მისი მტერი როგორც ილია წინასწარმეტყველმა ჩახოცა კიშინის ხევში 850 მაცდუნებელი, ყველაფერს მოიკლებ და ხალხს შესწირავ" - ო, შთაუგონებია მისთვის მოძღვარს. ჰიტლერს 1940 წელს სტალინისთვის გაუგზავნია თავისი ერთ - ერთი ნახატი რომელიც 1927 წელს მის მიერ იყო შესრულებული. მასზე ბავარიის ალპები ეხატა და საკუთარ ნახატზე მიუწერია: ,,ეს ჩემი სამშობლოს მთებია, მაღალი და ღმერთთან მიახლოებული, ჩემს მიერ შესრულებული ახალგაზრდობაში" - ო. სტალინმა ჰიტლერს, ძვირფას მუყაოზე საკუთარი ხელით დაუწერა საკუთარი ლექსი გერმანულ ენაზე „ვარდს გაეფურჩქნა კოკორი“ და უკან მიაწერა: „ ეს კი ჩემს სამშობლოზეა, რომელიც თვით ღმერთია და ჩემი დაწერილია ბავშვობაში" - ო. უკვე სტალინად ქცეულ სოსოს ცხოვრებაში ერთი ასეთი ამბავიც მომხდარა. 1945 წლის 6 იანვარს საღამოს 6 საათზე სტალინმა ვლასიკს უთხრა: ,,ელოხოვის ღვთის გამოცხადების სახელობის ტაძარში წასასვლელად მოემზადეთო. დღეს მართლმადიდებლური საშობაო ლოცვა იწყება და ხვალ უდიდესი დღესასწაულია მართლმადიდებლებისთვის. იყო დრო, როდესაც ღამეებს ვათენებდი ტაძარში და სტიქაროსნობისას ბერებს ვეხმარებოდი. შენ თუ გილოცია ოდესმე? ან პირჯვრის სწორად გადაწერა თუ იციო? ამხანაგო სტალინ, მე უღმერთო ვარ და არავინ მწამსო. სტალინს ცივად გაეღიმა და კვლავ ჰკითხა: ,,არც კომუნიზმის და ჩემი გჯერაო"? ვლასიკი გაფითრებულა, ენა ჩავარდნია და წაიბოდიალა: ,,რა თქმა უნდა მწამს, მაგრამ ღმერთის კი არა თქვენიო". ,,ჩემი იმიტომ გწამს რომ მე ვცდილობ უფლის გზით ვიარო და არა ურიათა მიერ საექსპერიმენტოდ შემოგდებული კომუნიზმის გზითო. ,,ჩისტი პერეულოკში’’ ( იმ მისამართზე მდებარეობდა რუსეთის პატრიარქ სერგის ახალი რეზიდენცია, სადაც ადრე გერმანიის ელჩი შულენბურგი ცხოვრობდა) წადი და პატრიარქ სერგის აუწყე რომ წირვა ლოცვაზე ვაპირებ მისვლას. შემდეგ კი მასთან ერთად ჩემს აგარაკზე გავემგზავრებით და საშობაო ლიტურგიის გასაგრძელებლად ვინმე შეიგულოს წინასწარო. ვლასიკს წარმოდგენა არ ქონდა თუ როგორ უნდა მიემართა სასულიერო პირისთვის და პატრიარქისთვის ასე მიუმართავს: ,,ამხანაგო სერგი, ამხანაგმა სტალინმა დამიბარა გადმოქცეთ რომ ტაძარში წირვა ლოცვაზე მოვა. შემდეგ კი თქვენთან ერთად კუნცევოში აქვს გადაწყვეტილი გამგზავრება და გევალებათ თქვენი შემცვლელი მოძებნოთ საშობაო ლოცვისთვისო. მეუფე სერგი დიდი სიდინჯით უსმენდა შემდეგ გაღიმებია, პირჯვარი გადაუსახია და მხოლოდ ამის შემდეგ გადალაპარაკებია მის თანმხლებ მიტროპოლიტ ალექსის: ,,მეუფეო, ტაძარში შენ შემცვლი ლოცვისასო. სტალინმა მოისმინა და როცა თხრობა დაამთავრა ვლასიკს სტალინმა უთხრა: ,,პატრიარქი პარტიული არაა ამხანაგი რომ უწოდე, ის სასულიერო იერარქიის უმაღლესი წარმომადგენელია და მისთვის მეუფე უნდა დაგეძახაო". ტაძარში შესვლამდე სტალინმა მკაცრად გააფრთხილა ვლასიკი: ,,არანაირი აქტიურობა არ დავინახო თქვენი მხრიდან, მორწმუნეებს ნუ შეავიწროებთ. ეს ადგილი უსაფრთხოაო". ტაძარში შესვლისას სტალინს პირჯვარი გადაუწერია. მრევლი თავდაპირველად ისე იყო ლოცვაში ჩართული, რომ სტალინი არავის შეუმჩნევია. შემდეგ ვიღაცას დაუნახავს და გვერდით მდგომისთვის გადაულაპარაკია: ,,სტალინიო". სულ რაღაც სამ წუთში, მთელი მრევლი დიდ ბელადს მისჩერებოდა. ამასობაში პატრიარქი სერგი წირვა - ლოცვას ატარებდა და თან ეტყობოდა რომ დიდი ბელადის ნიშანს ელოდებოდა რათა ლოცვა გადაებარებინა და სტალინთან ერთად კუნცევოში გამგზავრებულიყო. როგორც კი პატრიარქი საკუთრხეველში შევიდა, სტალინის მითითებით ვლასიკი მასთან მისულა და მოწიწებით უკვე კარგი მორწმუნესავით მიუმართია მისთვის: ,,მეუფეო, სტალინი მანქანაში გელოდებათო". აგარაკზე რომ მისულან, ვლასიკი ავტომობილიდან სწრაფად გადმოსულა რათა სტალინისთვის კარი გაეღო, მაგრამ სტალინს თვალით უნიშნებია, პატრიარქს მიხედეო. სტალინი და მოხუცი პატრიარქი ერთდროულად შესულან ოთახში და ყველამ ბერიას გარდა გაოცებულს შეუხედია უჩვეულო სტუმრებისთვის. სტალინს მოხუცი პატრიარქი სუფრის თავში დაუბრძანებია და თავად გვერდით მიჯდომია. მეორე თავში კი ბერია დამჯდარა და ტრადიციულად, თამადობაც მას უკისრია. სანამ ბერია სადღეგრძელოს იტყოდა, სტალინს წითელი ღვინით სავსე ჭიქა აუღია და უთქვია: ,,რუსეთი ტრადიციების მიმდევარი ქვეყანაა. ხალხს სჯერა ღმერთის და სწორედ მოვიქეცით ქვეყანაში მართლმადიდებლობა რომ აღვადგინეთ და მრევლს თავისუფალი არჩევნის საშუალება მივეცით. დარწმუნებული ვარ რუსეთის პატრიარქი სერგი, ღირსეულ მასწავლებლობას გაუწევს ყველა მორწმუნეს. დღეგრძელი და ჯანმრთელი იყავით მეუფეო" - ო. სტალინს მოხუცი პატრიარქისთვის ჭიქა მიუჭახუნებია და ბოლომდე დაუცლია. იგივე გაუკეთებიათ სუფრის სხვა წევრებსაც. სანამ მეუფე სერგი რამეს იტყოდა ჯერ სუფრა უკურთხებია და მხოლოდ ამის შემდეგ შეუსვია სამადლობელი, რომელიც ასე დაუსრულებია: „გამარჯვება ახლოა და გარწმუნებთ ჩვენი ხალხის, მხედრობისა და მთავრობის შეუპოვარი გმირული საქმიანობის მიღმა უფალი დგას, რომელმაც ეს ყოველივე შეგვაძლებინა" - ო. ერთი საათის შემდეგ კი პატრიარქს შობა მიულოცია ყველასთვის და ოთახი დაუტოვია. მეუფე სერგი თავად სტალინს მიუცილებია მანქანამდე. გარდაცვალებადე ცოტა ხნით ადრე სტალინს დაუწერია ლექსი ,,მორჩილი”, სადაც აღნიშნავდა რომ მას ზეციური ძალა ასულდგმულებდა და მთელ მის საქმიანობას ის ძალა წარმართავდა. ეს ლექსი კი მას ეკუთნის:
,,მხსნელო უფალო საწადელი თუკი გამანდე,

თუკი საწუთროს მე მორჩილი შენში მომანდობ,

თუ არჩევანი შენ ჩემს ბედზე დადე ფორანზე

შენგან იმედი შემოქმედად უნდა მომმადლო.

არ დაგცდენია სამდურავი შენ ჯვარზე დაღლილს

და გაუძელი ბოროტების მახეს ტიალსაც,

შენ ჭირთა თმენით დაამცირე მსახვრალი ბადე
და გაძარცული დაუტოვე ეშმაკს მზირალსაც.


ჟამი მიმწუხრის წასასვლელად უნდობლად მიხმობს

და მხოლოდ შენში მივენდობი - ჩემს ბედს გამრიგედ,

თუკი ეს ზეცაც ხვალინდელი დილას მე მითმობს

ჩემს ნამოქმედარს შენ მოგანდობ ვით დღეს ხვალინდელს". იბერია გაბრწყინდება
/ Sesili Rikadze- ის გვერდიდან /


ერთმანეთს გულში ჩავიკრავთ, ერთობა გასტეხს,ქვასაცა ერთმანეთს გულში ჩავიკრავთ, ერთობა გასტეხს,ქვასაცა
ლხინში ბევრს გაახსენდები, ჭირში ახსოვხარ,ცოტასა. გაივლის დრო და მიხვდები, ვინც იმსახურებს,ძმობასა. კაცი, მეგობრით...
27.01.23
587
0
ეს ქარიშხალი რა არის- სულში რომ ქარიშხლებია... ეს ქარიშხალი რა არის- სულში რომ ქარიშხლებია...
ეს ქარიშხალი რა არის- სულში რომ ქარიშხლებია... ეს მიწისძვრები რა არის- მკერდში რომ გულის ძვრებია... ან ეს ფიფქები რა...
27.01.23
83
0