იმ დღეს მე გავიგე, თუ რას ნიშნავს „გაცემა“. გამცემი უფრო დიდია, ვიდრე მიმღები

იმ დღეს მე გავიგე, თუ რას ნიშნავს „გაცემა“. გამცემი უფრო დიდია, ვიდრე მიმღები
ეს საინტერესოა
08:03, 22 იანვარი 2023
204
0
ერთხელ, როცა პატარა ვიყავი, მე და მამაჩემი ცირკის ბილეთების რიგში ვიდექით. ჩვენსა და სალაროს შორის მხოლოდ ერთი ოჯახი იყო. ამ ოჯახმა ჩემზე დიდი შთაბეჭდილება მოახდინა.

რიგში იდგა დედა, მამა და რვა ბავშვი, ყველა მათგანი ალბათ 12 წლამდე ასაკისა იქნებოდა. მათი ჩაცმულობიდან გამომდინარე, მდიდრები არ იყვნენ, მაგრამ ტანსაცმელი მოვლილი და სუფთა ჰქონდათ.

ბავშვები კარგად იქცეოდნენ, მშობლების უკან ორ-ორად იდგნენ, ხელი- ხელჩაკიდებულები და აჟიტირებულები ლაპარაკობდნენ ჯამბაზებზე, ცხოველებზე და ყველაფერზე, რისი ნახვასაც იმ საღამოს ელოდნენ. მათი მომეტებული მღელვარებიდან ჩანდა, რომ აქამდე ცირკში ნამყოფები არ იყნენ. სავარაუდოდ, ბავშვებისათვის ეს ცხოვრებაში ყველაზე მნიშვნელოვანი საღამო უნდა გამხდარიყო.

დედა და მამა ამაყად იდგნენ შვილების წინ. ქალი ქმარს ხელს უჭერდა და ისე უყურებდა, თითქოს ეუბნებოდა: „ბრწყინვალე აბჯარში გამოწყობილო, ჩემო რაინდო“. კაცი იღიმოდა და ოჯახის ბედნიერებით ტკბებოდა. ამ დროს რიგმაც მოუწიათ. მოლარემ ჰკითხა, რამდენი ბილეთი უნდოდათ? მამამ ამაყად უპასუხა: „რვა ბილეთი ბავშვებისთვის და ორი ბილეთი უფროსებისთვის“. მოლარემ იანგარიშა და ფასი უთხრა.
ამის გაგონებაზე, ცოლმა კაცს ხელი გაუშვა. მან კი თავი დახარა და ტუჩები აუკანკალდა. მერე სარკმელთან ახლოს მიიწია და ჰკითხა: "რამდენი თქვით?" მოლარემ ფასი გაუმეორა. კაცს არ ჰქონდა საკმარისი ფული, მაგრამ როგორ შემობრუნებულიყო და როგორ ეთქვა რვა შვილისთვის, რომ ფული არ გვყოფნის და ცირკში ვეღარ წავალთო?

ეს რომ დაინახა, მამაჩემმა ჯიბიდან 20 დოლარიანი ამოიღო და ძირს დააგდო. (სხვათაშორის, უნდა ითქვას, არც ჩვენ ვიყავით მდიდრები!) შემდეგ მამაჩემი დაიხარა, ფული აიღო, კაცს მხარზე ხელი მოუთათუნა და უთხრა: "უკაცრავად, სერ, ეს ფული ჯიბიდან ამოგივარდათ".

კაცი მაშინვე მიხვდა, რაც ხდებოდა. ის არ ითხოვდა მოწყალებას, მაგრამ ნამდვილად დააფასა სასოწარკვეთილ, გულის ამაჩუყებელ და უხერხულ სიტუაციაში გაწეული ეს ტაქტიანი დახმარება.

მან პირდაპირ თვალებში ჩახედა მამაჩემს, ორივე ხელით მაგრად ჩაბღუჯა მისი ხელი და 20 დოლარიანი გამოართვა. ლოყაზე ცრემლები ღაპაღუპით ჩამოსდიოდა და აკანკალებული ხმით უთხრა; „გმადლობთ, გმადლობთ, სერ. ეს ნამდვილად ძალიან ბევრს ნიშნავს ჩემთვის და ჩემი ოჯახისთვის."

მე და მამა უკან გამოვბრუნდით, მანქანაში ჩავჯექით და სახლისკენ წავედით. იმ 20 დოლარის გარდა, ბილეთების საყიდელი ფული ჩვენც აღარ გვქონდა. მაგრამ მიუხედავად იმისა, რომ იმ ღამეს ცირკში გართობა ვერ მოვახერხეთ, ჩვენ ორივე ვგრძნობდით აუწერელ სიხარულს, რომელიც გაცილებით დიდი იყო, ვიდრე ეს ოდესმე შეეძლო მოეცა ცირკის რომელიმე წარმოდგენას.

იმ დღეს მე გავიგე, თუ რას ნიშნავს „გაცემა“. გამცემი უფრო დიდია, ვიდრე მიმღები. თუ გსურთ იყოთ უფრო დიდი, უფრო დიდი, ვიდრე სიცოცხლე, ისწავლეთ გაცემა. სიყვარულს არაფერი აქვს საერთო იმასთან, რის მიღებასაც ელი, ის მხოლოდ იმასთანაა, რასაც გასცემ - და ეს ყველაფერია.

ვერ გადააფასებ გაცემის მნიშვნელობას, რადგან გაცემაში ყოველთვის არის უდიდესი სიხარული. ისწავლეთ, ჩუქებით და გაცემით გახადოთ ადამიანები ბედნიერები.

ოდრი ჰეპბერნი


ერთმანეთს გულში ჩავიკრავთ, ერთობა გასტეხს,ქვასაცა ერთმანეთს გულში ჩავიკრავთ, ერთობა გასტეხს,ქვასაცა
ლხინში ბევრს გაახსენდები, ჭირში ახსოვხარ,ცოტასა. გაივლის დრო და მიხვდები, ვინც იმსახურებს,ძმობასა. კაცი, მეგობრით...
27.01.23
587
0
ეს ქარიშხალი რა არის- სულში რომ ქარიშხლებია... ეს ქარიშხალი რა არის- სულში რომ ქარიშხლებია...
ეს ქარიშხალი რა არის- სულში რომ ქარიშხლებია... ეს მიწისძვრები რა არის- მკერდში რომ გულის ძვრებია... ან ეს ფიფქები რა...
27.01.23
83
0