მსოფლიოს საუკეთესო მევიოლინედ აღიარებული ჯოშუა ბელი სტრადივარიუსის ვიოლინოზე მეტროს შესასვლელთან...

მსოფლიოს საუკეთესო მევიოლინედ აღიარებული ჯოშუა ბელი სტრადივარიუსის  ვიოლინოზე მეტროს შესასვლელთან...
ეს საინტერესოა
15:14, 03 დეკემბერი 2021
200
0

ცივი იანვრის ერთ დილას ვაშინგტონის მეტროს ერთ-ერთ სადგურში მამაკაცმა ვიოლინოზე დაკვრა დაიწყო. 45 წუთის განმავლობაში 6 ნაწარმოები დაუკრა. რადგანაც პიკის საათი იყო, 1000-ზე მეტმა ადამიანმა აიარ-ჩაიარა.

ამ 45 წუთში მხოლოდ 6 ადამიანი შეჩერდა მუსიკის მოსასმენად. კიდევ 20-მა, ისე რომ სვლა არ შეუნელებია, ხურდა ჩაუყარა მევიოლინეს. მუსიკოსმა 32 დოლარი შეაგროვა.

არცერთმა გამვლელმა არ იცოდა, რომ ეს კაცი მსოფლიოს საუკეთესო მევიოლინედ აღიარებული ჯოშუა ბელი იყო, ხოლო ინსტრუმენტი 3.5 მილიონ დოლარად შეფასებული, სტრადივარიუსის ცნობილი ვიოლინო.

მეტროში გამოსვლამდე 2 დღით ადრე მას კონცერტი ჰქონდა ბოსტონში, რომელმაც სრული ანშლაგით ჩაიარა.(ბილეთის საშუალო ფასი 100 დოლარზე მეტი იყო.)


ჯოშუა ბელის დაკვრა მეტროში შეადგენდა გაზეთ "ვაშინგტონ პოსტის" სოციალურ ექსპერიმენტს. ექსპერიმენტის მთავარი კითხვები იყო შემდეგი: სამსახურისაკენ მიმავალნი, ათასი პრობლემებით გარშემორტყმულნი, აღვიქვამთ თუ არა სილამაზეს? შევჩერდებით, რომ შევაფასოთ ის? შევიცნობთ ტალანტს არასათანადო ვითარებაში?

ამ ექსპერიმენტის შედეგის ერთ-ერთი დასკვნა ასეთია: თუ ჩვენ არ შეგვიძლია შევჩერდეთ და მოვისმინოთ ულამაზესი მელოდია, რომელიც კი ოდესმე შექმნილა, თუ არ შეგვიძლია მოვუსმინოთ პლანეტის ერთ-ერთ საუკეთესო მუსიკოსს, თუ თანამედროვე ცხოვრების რიტმი ისე შთანთქავს ყველაფერს, რომ ჩვენ ამ დროს ყრუები და ბრმები ვხდებით, მაშინ რისთვისღა ვჩქარობთ, რას წარმოადგენს ჩვენი ცხოვრება და სად მიგვეჩქარება, რისკენ მივისწრაფით ასე ძალიან? 





ვაჟა-ფშაველას / დათო ახლოური ვაჟა-ფშაველას / დათო ახლოური
ვაჟა-ფშაველას ფშაველი ვარ. ჩემი წინაპრები გაბიდაურები ყოფილან. გაბიდაურთა თემიდან გახლდათ ვაჟა-ფშაველას დედა გულქან...
30.07.22
96
0
ნეტავ გავუძლო სიცოცხლეს, ბედმა რამდენი მაწვალა ნეტავ გავუძლო სიცოცხლეს, ბედმა რამდენი მაწვალა
ნეტავ გავუძლო სიცოცხლეს, ბედმა რამდენი მაწვალა...
30.07.22
101
0