2022 წლის ჰოროსკოპი, ჩინური კალენდრის მიხედვით

2022 წლის ჰოროსკოპი 

ჩინური კალენდრის მიხედვით

1 თებერვლიდან იწყება წყლის, ლურჯი(შავი) ვეფხვის წელი. ვეფხვი ჩინურ ჰოროსკოპში, სამართლიანობის, მიზანდასახულობის, გულადობის და გაბედულობის სიმბოლოა. ასტროლოგების თანახმად,  2022 წელი მშვიდი ვერ იქნება. ადამიანებში ვეფხვი გააღვიძებს  -  მიზანდასახულობას და ოპტიმიზმს. ის  თავგადასავლების მოყვარულია და ამიტომ ბევრ ცვლილებებს შემოიტანს მათ ცხოვრებაში,  ვინც მზადაა იბრძოლოს საკუთარი მიზნებისთვის.  მაშ ასე...   

ვირთხა ამ წელში დაბადებული ადამიანებისთვის ვეფხვი კეთილგანწყობილია, მათი მიზანდასახულობის გამო. 2022 წელს ცოტაოდენი მონდომება დაგჭირდებათ სურვილების და მიზნების მისაღწევად. შემოდგომა თქვენს იდეებს კრეატიულობას შესძენს, ხოლო პლანეტა ვენერას ენერგია დაგეხმარებათ სწორი გადაწყვეტილებების მიღებაში. წარმატების პიკს, როგორც სამსახურეობრივ, ასევე სასიყვარულო სფეროში, ზამთარში მიაღწევთ.  მაქსიმალურად გამოიყენეთ ეს დრო, თქვენი მიზნების მისაღწევად.  

ხარი ამ ნიშნის ქვეშ დაბადებული ადამიანებისთვის 2022 წელი ეიფორიულად იწყება. ხარის წელში დაბადებულები მყარად დგანან და ზუსტად იციან, რომ შრომით ყველაფრის მიღწევა შეუძლიათ. მიზნების მიღწევაში ვეფხვი ხელს შეგიწყობთ, თუ თქვენ ინიციატივას გამოიჩენთ და საკუთარი კომფორტს ზონიდან გამოხვალთ. იუპიტერი დამატებით მოტივაციას მოგცემთ სამსახურეობრივი წინსვლისთვის.  წლის მეორე ნახევარი საუკეთესო დროა ოჯახის შესაქმნელად.     

ვეფხვი თქვენ ვეფხვის ნიშნის ქვეშ ხართ დაბადებული და ამით ყველაფერი ნათქვამია. ეს თქვენი წელია - გილოცავთ! რა ნაბიჯიც არ უნდა გადადგათ,  რომელი მხრიდანაც არ უნდა მიუდგეთ, ყველა გზა მიზანთან მიდის. მებრძოლი და გულადი ვეფხვისთვის, 2022 წელს არანაირი დაბრკოლება არ არსებობს, არც კარიერული და არც სასიყვარულო თვალსაზრისით.    

კურდღელი(კატა) მიუხედავად იმისა, რომ ამ წელს დაბადებული ადამიანები რადიკალურ ცვლილებებს ვერ იტანენ და ცხოვრების მშვიდი ტემპით არიან კმაყოფილები, ვეფხვი უამრავ მოულოდნელ სიურპრიზს და კარგ ცვლილებას მოგიტანთ. ზაფხულში პლანეტა მარსი იზრუნებს, რომ კარიერულ საფეხურზე წინ წახვიდეთ.  შემოდგომაზე უკეთესი იქნება, თუ არანაირ მნიშვნელოვან გადაწყვეტილებას არ მიიღებთ სამსახურეობრივად. წლის დასაწყისში შეიძლება თქვენი ცხოვრების სიყვარულს შეხვდეთ.     

დრაკონი დრაკონი ჩინეთში ბედნიერების სიმბოლოა და ვეფხვიც ბედნიერი წლით დაგაჯილდოვებთ. მშვიდი და მონოტონური წელი ნამდვილად არ გექნებათ. ადრიან გაზაფხულზე ცვლილებები გელით და, თუ ყველა გამოწვევას მშვიდად შეხვდებით, შესაძლო იქნება კარიერული წინსვლა. რაც შეეხება პირად ცხოვრებას,  სასურველ პარტნიორთან ერთად, საქორწინო მოგზაურობა გელით.    

გველი თქვენთვის ეს წელი რელაქსაციის და მოდუნების წელი ნამდვილად არ იქნება. სამსახურეობრივად ყველა ნაბიჯი უნდა გათვალოთ. ამ წელს, ყველა თქვენი მოქმედება, აბსოლუტურ წარმატებასა და კატასტროფას შორის მერყეობს. სამაგიეროდ, სასიყვარულო ურთიერთობაში ყველაფერი იმაზე კარგად იქნება ვიდრე წარმოგიდგენიათ. თქვენ სრულიხარდაჭერა და თანადგომა გექნებათ საკუთარი პარტნიორისგან. სამსახურიდან გადაღლილი,  მოდუნებას ყველაზე კარგად საკუთარ ოჯახში შეძლებთ.     

ცხენი გილოცავთ! კარიერული თვალსაზრისით, თუ თქვენ ამბიციური ხართ და საკუთარი თავის წარმოჩენის არ გეშინიათ, წელს სამყაროს ცენტრში აღმოჩნდებით. თქვენგან მხოლოდ გაბედულებაა საჭირო, დანარჩენს ვეფხვი თავად მოაგვარებს.  მაგრამ იგივეს ვერ ვიტყვით სასიყვარულო ურთიერთობაზე. წელს თქვენი წელი ამ მხრივ ნამდვილად არ არის.     

თხა(ცხვარი)  ამ წელს დაბადებულ ადამიანებს, წლის პირველ ნახევარში  მრავალი გამოცდა ელით. საკუთარი თავის მიმართ ზედმეტად კრიტიკული ხართ. თქვენში უკმაყოფილებას იწვევს გარშემომყოფთა სიდინჯე. თქვენთვის აჯობებს თუ მათ ტემპს ფეხს აუწყობთ და წლის პირველ ნახევარში საკუთარ თავში დაალაგებთ, თუ როგორ მიაღწიოთ სასურველ შედეგს. ზაფხულიდან ვეფხვი მომავალი ქმედებისკენ გიბიძგებთ, რომელიც თქვენს ცხოვრებას შეცვლის. მერკურის ზეგავლენით გაგიძლიერდებათ ინტუიცია, ზუსტად გათვლით სვლებს წარმატებისკენ და თქვენი დრო დადგება. შემოდგომა და ზამთარი იდეალური პერიოდია თავბრუსდამხვევი, სასიყვარულო ურთიერთობისთვის.      

მაიმუნი  თუ ავანტიურაში და ინტრიგებში არ ჩაებმებით და ემოციურად სტაბილური დარჩებით, საუკეთესო წელია მომავლის დასაგეგმად კარიერული თვალსაზრისით. წარმატება ყველგან თქვენს მხარესაა. შემოდგომაზე გაქვთ შანსი ხელფასის მომატებასთან დაკავშირებით. ზამთარი საუკეთესო პერიოდია კარიერული წინსვლისთვის. სასიყვარულო ურთიერთობაში თქვენ გექნებათ ბუმერანგის პრინციპი. მიიღებთ იმას რასაც გასცემთ, თუმცა მაიმუნის ნიშნის ქვეშ დაბადებულთათვის ეს საკმარისი არ იქნება.    

მამალი წლის დასაწყისი თქვენთვის რთულად იწყება.  მოჩხუბარი და უკმაყოფილო მამალი, ცდილობს  ვეფხვი დუელში გამოიწვიოს. რასაც ნამდვილად არ გირჩევთ. გაზაფხულიდან ნელნელა ახდენთ კონცენტრაციას და სწორ გათვლას აკეთებთ კარიერულ წინსვლაზე. თქვენი ეს გათვლა შემოდგომაზე კარგ შედეგს გამოიღებს. სასიყვარულო ურთიერთობაში თავშეკავებას და დათმობას გირჩევთ. მუდამ მოჩხუბარი და ქედმაღალი მამალი, დამღლელია პარტნიორისთვის.

ძაღლი ძაღლი ჩინური ჰოროსკოპის მიხედვით, ვეფხვის მოკავშირედ ითვლება. ამიტომ 2022 წელს, ვეფხვი ყველანაირად ხელს გიწყობთ კარიერული წინსვლისთვის. თქვენი კრეატიული იდეები აღფრთოვანებას იწვევს უფროსებში. გაზაფხულზე გელოდებათ კარიერული წინსვლა. მთლიანად გადართული ხართ სამსახურზე, რაც თქვენს პარტნიორში უკმაყოფილებას გამოიწვევს და სასიყვარულო ურთიერთობაში კრიზისული პერიოდი დაგიდგებათ. თუმცა გვიანი შემოდგომიდან, ვენერას დახმარებით ამ კრიზისსაც დაძლევთ.   

ტახი ამ ნიშნის ქვეშ დაბადებულთათვის, წლის პირველი ნახევარი რთული და დეპრესიული პერიოდია. რასაც ვეფხვს ვერ დააბრალებენ. მიზეზი საკუთარ დეპრესიულ განწყობაშია. მიგაჩნიათ, რომ სამყარო თქვენს წინააღმდეგაა. თუმცა ზაფხულიდან ხასიათი გამოგიკეთდებათ და სამსახურშიც ყველაფერი დალაგდება, როგორც უფროსობასთან, ასევე თანამშრომლებთან. წლის ბოლოს კი შეხვდებით ადამიანს, რომელთან ერთადაც თქვენი ცხოვრების გზას დაადგებით. ბედნიერ 2022 წელს გისურვებთ!!!