პაემანი 30 წლის შემდეგ

პაემანი 30 წლის შემდეგ
ლიტერატურა
19:54, 25 სექტემბერი 2021
492
0

პაემანი 30 წლის შემდეგ

-----------------------------------

უკაცრავად . . .მაპატიეთ სითავხედე. . .

ვხედავ ჩქარობთ, მაგრამ უნდა დაგაყოვნოთ,

ვერ მიცანით? სულ ვერაფერს მიგახვედრეთ?

თქვენი ხსოვნის ნაწილი ვარ ქალბატონო.


რატომ შეკრთით, ღაწვებს ფერი დაჰკრავს თეთრი,

ნუთუ გულში ძველი გრძნობა კვლავ ბატონობს?

გამოცვლილხარ. . . თუმც თვალები ძველებური

შეგრჩენიათ ქალბატონო.


მე როგორ ვარ, რას ვაკეთებ, რად არ მკითხავთ?

ცოლი მყავს და შვილიც უნდა გავათხოვო,

დღეს ყველაფერს ერთად გეტყვით,

რაც არ მითქვამს ქალბატონო. . .


მაგ სიმკაცრით თუ უზომო სიამაყით, რა მოიგეთ,

რა საჩუქარს ელით ბოლოს?. . . მენანებით. . .

ლოდინით და დარდით დაღლილს,

სიბერეც კი შეგპარვიათ ქალბატონო. . .


თქვენს წინაშე თუკი რამე დავაშავე,

ამიხსენით! . .მიმანიშნეთ! . .არ დამზოგოთ!..

საკუთარ თავს ჩათვლით ალბათ დამნაშავედ;

სინანული გვიანია ქალბატონო. . .


ეს ცხოვრება ბილიკია ეკლიანი, ბევრი დადის,

ლუკმას ეძებს სამათხოვროს,

არ მოგწყინდათ მარტოდ-მარტო ხეტიალი?

გულახდილად მიპასუხეთ ქალბატონო. . .


დრო მოვიდა უკვე ჩვენი განშორების,

ქედს მოგიხდით ამ წუთების სამახსოვროდ,

გახსოვთ? მაშინ. . .თვალს, რომ ვეღარ გაშორებდით,

ახლა კიდევ რა გატირებთ ქალბატონო. . .


თუ გიყვარდით, ამიხსენით რატომ დამგმეთ,

დღეს ვინა გყავთ პატრონი ან საპატრონო, მომიტევეთ. . .

ერთხელ კიდევ პატივს დაგდებთ

და სახლამდე მიგაცილებთ ქალბატონო.


შოთა ნიშნიანიძე





ვაჟა-ფშაველას / დათო ახლოური ვაჟა-ფშაველას / დათო ახლოური
ვაჟა-ფშაველას ფშაველი ვარ. ჩემი წინაპრები გაბიდაურები ყოფილან. გაბიდაურთა თემიდან გახლდათ ვაჟა-ფშაველას დედა გულქან...
30.07.22
148
0
ნეტავ გავუძლო სიცოცხლეს, ბედმა რამდენი მაწვალა ნეტავ გავუძლო სიცოცხლეს, ბედმა რამდენი მაწვალა
ნეტავ გავუძლო სიცოცხლეს, ბედმა რამდენი მაწვალა...
30.07.22
182
0