ტკბილად დაბერება მინდა, ბევრი არაფერი თითქოს...

ტკბილად დაბერება მინდა, ბევრი არაფერი თითქოს...
ლიტერატურა
19:53, 28 ივნისი 2022
139
0

ტკბილად დაბერება მინდა,
ბევრი არაფერი თითქოს...
ბევრი მაისი და სიო,
სულს რომ იასამნით მითრობს.

ტკბილად დაბერება მინდა,
მერე?!-შევერცხლილი თოვლი.
ისე ვიცხოვრო, რომ -"ღირდა",-
მეთქვას... გზები მქონდეს სწორი.

ბევრი ღიმილები მინდა,
გული-სიტკბოებით სავსე.
მზერა-სიყვარულის თასი,
ტრფობის სადღეგრძელოს მასმევს.

სხივთა ნაკვალევზე დგომა,
ხმაში-სიმართლე და რწმენა.
რომ არ დამეღალოს მაჯა,
რომ არ დამავიწყდეს წერა.

სახლში-მზე ულევი მინდა,
ბაღში-იასამნის სუნთქვა.
გული-სანთელივით წმინდა,
ბედნიერი ვარო-სულ ვთქვა...

ბევრი არაფერი მინდა,
შვილებს ბედი ჰქონდეთ კარგი...
ისე ვიცხოვრო, რომ ჩემს წლებს,
აღარ დავუძახო დარდი...

ტკბილად დაბერება მინდა,
მერე ვარდისფერი შარა...
ღირდა... ყველაფერი ღირდა...
ამდენ სიყვარულის ნახვად...

/ ია ნანეიშვილი /





გოდერძი ჩოხელი | "მოხევის სადღეგრძელო" გოდერძი ჩოხელი | "მოხევის სადღეგრძელო"
აყაყანებულ ქორწილის სუფრაზე შუახნის მოხევემ სუფრის თამადას ერთი სადღეგრძელოს თქმის უფლება სთხოვა და თანხმობა მიიღო....
03.12.22
12
0
სუფთა წერა სუფთა წერა
სუფთა წერა მთელი საბჭოთა კავშირი, მსოფლიოს ერთი მეექვსედი, ნიკიტა ხრუშჩოვმა შავ პურზე რომ დასვა ( მაშინ, უფროსები, ასე...
24.11.22
74
0