ლამაზ სიყვარულად დამიბერდი, შენი სიკეთით და იმედით!

ლამაზ სიყვარულად დამიბერდი, შენი სიკეთით და იმედით!
ლიტერატურა
20:15, 28 ივნისი 2022
95
0

ლამაზ სიყვარულად დამიბერდი,
შენი სიკეთით და იმედით!
სულში სუნთქვასავით გამიბევრდი-
ეჭვიც აღარა მაქვს მცირედი!

ლამაზ ოცნებებად დამიბერდი,
ჩემო საკუთარო ზღაპარო!
შენ თუ არა, სხვას ვის ერქმეოდა:
"ჩემი ერთადერთი სამყარო!"...

სულ ტკბილ მოგონებად დამიბერდი,
შენი სიყვარულის სასმისით.
მერე ღვინოსავით დამიძველდი,
შენი სიტკბოება დამისხი!

ლამაზ გაზაფხულად დამიბერდი!
შენი თვალის მზით და ფერებით!..
შენი საიმედო ნაბიჯებით!
შენი უღალატო ხელებით!

შენი სიყვარული მალამაზებს,
შენი სიყვარულით ვბავშვდები...
სანამ ჩემი სული გეწყურება-
მანამ წყარო ვარ! არ დავშრები!

ლამაზ სიყვარულად დამიბერდი!
შენი სიკეთით და იმედით!
სულში სუნთქვასავით გამიბევრდი-
ეჭვიც აღარა მაქვს მცირედი!

/ ია ნანეიშვილი /





- რა არის სამშობლო? - ვაჩერებ ქუჩაში გამვლელს. - რა არის სამშობლო? - ვაჩერებ ქუჩაში გამვლელს.
- რა არის სამშობლო? - ვაჩერებ ქუჩაში გამვლელს. - მე მეკითხებით? - მეუბნება განცვიფრებული გამვლელი. - დიახ, თქვენ, იქნებ...
19.09.22
282
0
შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ
"შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ, უცხოეთში ემიგრანტები. მე...
19.09.22
178
0