Сегодня:
თბილისი C
ახალი დამატებული
მიწა მაქვს და მიწა მქონდა - დარი მამალ ხოხბის ფრთისა, მოყვრის მსასოებელი და...
რეზო ამაშუკელის ხსოვნას * დრო დადგა, დიდი ჭირნახულით წარსდექ უფალთან, ღირსეულ...
ძმაკაცები ქეიფობენ ბუნებაში.ერთი ამბობს სადღეგრძელოს – მოდი ისე...
მოხუცი ბაბუა ყიდის კვერცხს და უწერია 1 ცალი 30 თეთრი , 2 ცალი 60 და 3 ცალი 1...
მამიკო - მამა - მა...
- ქალს რომ "რგოლი" ბეჭედი უკეთია, რას ნიშნავს? - ეს ნიშნავს, რომ გათხოვილია. -...

ვაჟა-ფშაველა - მოხუცის ნათქვამი (ფრაგმენტი)

ვაჟა-ფშაველა - მოხუცის ნათქვამი (ფრაგმენტი)
18 окт 2021, 23:39, devi,
287 ნახვა
ვაჟა-ფშაველა - მოხუცის ნათქვამი (ფრაგმენტი)❤

ეს რა დროებას მოვესწარ?


გამოიცვალა ქვეყანა:


მამალიც ყივის სხვაგვარად,


კაცსა სძულს მისვლა კაცთანა:


ბიჭები გალაჩრებული


ყბედობენ სიყვარულზედა:


უმსგავსო მათი სიცილი


ეკლად მეხევა გულზედა.


რომ გავიარო ტყის პირად


ჩინჩხვრების მოსაკრებადა,


მთელ ცისმარე დღეს ერთპირად


სხედან დუქნის წინ ერთადა.


მათ სასიმღერო"ლექსები


მარტო ღვინო და ქალია...


ამგვარს ვაჟკაცებს ქალებიც


თან სდევს, ვით ყანას კალია.


სცხვენოდეს ახალ-უხლებსა,


კაც იყოს, თუნდა ქალია,


რომ მთელი მათი არსება


ფუჭმა საგნებმა დალია!


კაცმა ქალობა დაიწყო,


კოხტაობს, სიტყვა-ნაზია,


ფერსა და უმარილს ისომს, -


მაშ არ მომივა ბრაზია!?..


ჩემს დროსა ქალი ვაჟკაცსა


შეიყვარებდა მაშინა,


როცა ჰხედავდა მებრძოლსა


შეუპოვარად მტრის წინა.


ჩემს დროს ლამაზი ვაჟკაცი


არ იყო ქალის პირისა,


არამედ შავი, მამაცი,


მუხლ-მგელი, გულით რკინისა.


ქალი და კაციც გაფუჭდა -


აღარ სძევთ ძველი ფერია,


მათ გულში ქაჯი დაბუდდა,


კაცის ნამუსის მტერია.


აფსუსო, ძველო დროებავ!..


არ დაბრუნდები ნეტარა?!


რომ ამაყობდეს დიაცი


ქმრის სიმამაცით მკვეხარა?

გაზიარება სოც ქსელში


აგრეთვე იხილეთ:
03 дек 2021, 15:35    114    0
როცა დაიბადე, შენ ტიროდი და ყველა ხარობდა. იცხოვრე ისე, რომ როცა მოკვდები, ყველა ტიროდეს და შენ...