Сегодня:
თბილისი C
ახალი დამატებული
სომხური სანთლები :)) დნება და არ თავდება ანეკდოტები სასაცილო სურათები ...
"ოჯახის სიმყუდროვეს თავისი სითბო აქვს, მიეფიცხები და თბები. მთელ ქვეყანას...
„ვინაა კაცო, ეს რას უშობა ჩემს სამშობლოს, რავა მოგვჭრა თავი მთელს დუნიაზე, თუ...
როცა დაიბადე, შენ ტიროდი და ყველა ხარობდა. იცხოვრე ისე, რომ როცა მოკვდები,...
პაბლო პიკასოს სრული სახელი და გვარია : პაბლო დიეგო ხოსე ფრანცისკო დე პაულა ხუან...
ცივი იანვრის ერთ დილას ვაშინგტონის მეტროს ერთ-ერთ სადგურში მამაკაცმა ვიოლინოზე...

მაშინ დაახლოებით 15 წლის ვიყავი, მთაში ყველა იმაზე ლაპარაკობდა ჩემმა მეზობელმა

მაშინ დაახლოებით 15 წლის ვიყავი, მთაში ყველა იმაზე ლაპარაკობდა ჩემმა მეზობელმა
06 ноя 2021, 21:03, admin,
157 ნახვა

მაშინ დაახლოებით 15 წლის ვიყავი, მთაში ყველა იმაზე ლაპარაკობდა ჩემმა მეზობელმა, როგორი ლამაზი გოგო მოიყვანა ცოლად ქალაქიდან. 

ორივე პატარები იყვნენ 19-20 წლისები, სიყვარულით სავსეები და პატარა გულებით , გადიდებულები, გაძლიერებულები. 

ხშირად ვხედავდი ხოლმე ხელი ხელჩაკიდებულები როგორ გადიდოდნენ წყაროდან სახლმდე გზაას და პირიქით. 

ერთმანეთს უყურებდნენ მზესავით თბილი თვალებით და ყველა  გამოხედვასა და შეხებაში ემჩნეოდათ რამდენად ეძვირფასებოდათ ერთამენთი.

კინო ახალი გახსნილი იყო მაშინ , წინა რიგებში ისხდნენ და ჩარლი ჩაპლინს უყურებდნენ, უფროსოწრედ გოგო უყურებდა და გულიანად იცინოდა, ბიჭი მის ღიმილს თვალს ვერ აშორებდა, წელზე  ხელი ისე მჭიდროდ ჰქონდა შემოხვეული თითქოს ვინმე მის თავს ართმევსო . 

მოულოდნელად, შავგვრემან ლამაზმანს, მისი მსგავსი მთაში რომ არავინ დადიოდა სახე შეეცვალა და ბიჭს ხელები მაგრად მოხვია, "უშენოდ გათენებული დილის შემეშნიდაო" ამოიჩურჩულა და ხელისგულზე აკოცა. 

მაშინ ვიფიქრე, მეც მინდა მსგავსი სიყვარულით მიყვარდეს ვინმე, მისი დაკარგვის ისე შემეშინდეს, ტანში ჟრუანტელმა დამიაროს, უიმისომბის შეგრძნებამ ყელში მომიჭიროს და გული გაჩერებამდე მივიდეს თქო .

რამდენჯერმე გვიან გარეთ რომ გავსულვარ თვალი მომიკრავს როგორ  იწვნენ ნამიან ბალახზე ერთამენთის გვერდით და ვარსკვლავებს როგორ ითვლიდნენ. 

და მაშინ ვინატრე ნეტავ ოდესმე მეც თუ შემეძლება მსგავსად ჩემი ადამიანის გვერდით იგივე გავიმეორო, ისე რომ ნაოჭების გაჩენის არ შემეშინდეს მეთქი . 

ერთ საღამოს გარეთ რომ ცამ ჩამოსვლა დააპირა  და წვიმამ არ დაინდო არაფერი, ფარდა გადავწიე და დავინახე, გუბებში როგორ დარბოდნენ და წვიმისგან სახეზე მიკრობილ თმებს როგორი სინაზით და ნეტარებით უწევდა თავის შავგრემან  სიყვარულს მთის ბიჭი.

ხუთმა წელმა რომ გაიარა და მე უკვე დიდი ვიყავი, ბევრი რამ იყო შეცვლილი მთაში ერთი რამის გარდა. ქალაქელი შავგრემანი და მთის ბიჭი, ისევ ისეთი სიყვარულით უყურებდნენ ერთამნეთს.

კინოშიც ისევ დადიოდნენ და წვიმაში ცეკვას ისევ განაგრძობდნენ. ვარსკვლავებს ითვლიდნენ და თან იცინოდნენ ნაოჭები რომ არცერთ მათგანს არ გასჩენოდა. 

შავგრემანი ლამაზმანი ერთ ღამეს ცუდად გახდა, მთაში დიდი თოვლი იყო მაშინ, თოვლზე დიდი გოგოს სიცხე. სულ ფეხით იარა მთბის ბიჭმა ქალაქამდე და სანამ დაბრუნდებოდა  ტელეფონი არ გაუთიშავს მის სუნთქვას უსმენდა.  უკან დაბრუნებულმა მაგრად ჩაიხუტა თავისი ლამაზმანი და ერთად გადაათენეს სიცხიანი და თოვლიანი მაგრამ სიყვარულით სავსე ღამე.

და ვინ იცი რამდენი იყო კიდევ ასეთი, ტკივილისგან მოკუნტულები, ერთამენთის გვერდი გვერდ რომ იწვნენ და ასე გადაჰქონდათ უამრავი გადაუტანელი, ატკიებული, გაუყუჩებელი, გაუსაძლისი , ვეღარ გავუძლებ  ღამეები, წუთები და წამები .

27 წლის იყო შავგვრემანი ქალაქელი ლამაზმანი შავები რომ ჩაიცვა და ნახევარი საუკუნეზე მეტი აღარც გაუხდია.

ჯიხვზე სანადიროდ იყო წასული მთის ბიჭი, ჯიხვმა რომ აჯობა და მიწას დაანარცხა. ხელში ცოლისთვის დაკრეფილი გვირილები ეჭირა და ხელს არაფრის დოდებით არ უშვებდა.

ტკივილსგან ბღაოდა, ტუჩებს იჭამდა და მაინც საყვარელი ქალის სახელს ბუტბებდა. იქამდე არ გაიჩერა სუნთქვა, სანამ სახლში არ მიიყვანეს და ცოლის სახეზე ცრემლი არ დაინახა.

ხელში გვირილების კონა ჩაუდო და მყარად იდექიო დაუბარა.   

დასახიჩრებულ ხელისგულზე ბევრჯერ აკოცა შავგრემანმა მთის ბიჭს და ცრემლებით სისხლი ჩამორეცხა ხელიდან. 

უკანასკნელი კოცნის მერე გაიჩერა გული მთის ბიჭმა და მთის ქალი დატოვა სახლში . 

იდგა, შავებში გამოწყობილი, შავი თავსაბურავით მთის ქალი , ქმრის წინ და ტუჩებს იჭამდა, ფრჩხილებს ხელისგულზე ისობდა და გვირილების კონას არ უშვებდა მყარად შემოჭდობილ თითებს .

ვიდექი და ვუყრებდი, ველოდებოდი როდის ამოიბღავლებდა და ამოიტირებდა სიყვარულის დაკარგვას.  არაფრის დიდებით არ იღებდა ხმას, მაგრად იყო ჩაბღაუჭებული ქმრის ხელს და მაშინ პირველად დავინახე  როგორ შეიძლება გახდეს გამჭირვალე ადამიანი, განაცრისფერებული და  ცარიელი .

შემეშინდა და ბავშობის ოცნების წაშლა დავიწყე, აღარ მინდოდა ასე ვინმე მყვარებოდა, შემეშინდა, შემეშინდა რომ ვერ ვიქნებოდი მთის ქალივით ძლიერი და ჩემი სიყვარული რომ სუნთქვას გაიჩერებდა მაშინვე ჩამოვიშლებოდი და გავიფანტებოდი .

უხმოდ მიაციალა ბოლომდე თავისი სიყვარული, ბოლოს თვალები და ტუჩები დაუკოცნა, ხელისგულზე უკანასკნელად აკოცდა და ძალიან ჩუმად ჩახრეწილი გამქრალი ხმით ამოიტირა უკანაკსნელად გითხარი როგორ მიყვარხარო. მაშინ პირველად მივხვდი რას ნიშნავდა მათთვის ხელისგულზე კოცნა. 

რაც ამ 27 წლის მანძილზე არ გიტკენია ყველა ტკივილი ერთიანად დამიტოვე და გულის გარეშე დამტოვეო, მხოლოდ ეს უთხრა, თვალები მაგრად დახუჭა და მიწას როგორ აყრიდნენ მის სიყვარულს მისი მოსმენა დაიწყო . 

დადიოდა მთის ქალი შავი თავსაბურავით, დაღილი და ცარიელი თვალებით და მთის ბიჭის სიყვარულს დაატარებდა გულით.

ერთ დღეს ყვავილებიანი კაბა ჩაიცვა და მაშინ შევამჩნიე რომ თვალებში ვარსკვლავები ჩასდგომოდა ოღონდ ისე აღარ კაშკაშებდნენ. 

მთის ბიჭი რომ მიწას მიაბარა, აქ იმედი დაუტოვებია მთის ქალითვის. პატარა მთის უფლისწული. 

მე მას იმედი დავარქვი და მივხვდი რომ ახლა მთის ქალი უფრო გაძლიერდებოდა. 

ყვავილებიანი კაბა მაშინ გაიხადა შვილი რომ სახლში მოიყავანა და ისევ შავი თავსაბურავი მოიხვიე თავზე. მთის ქალებს რომ უხდებათ მასე. მოქარგული მაქმანებით.  

უფლისწულის სანახავად რომ მივედი, მაშინ პირველად შევამჩნიე, კედელზე ჩარჩოში ჩასმული ბოლოს საჩუქარი , სისხლიანი გვირილები . 

საწოლის იმ მხარეს სადაც მთის ბიჭს ეძინა , მისი ტანსაცმელი ეწყო და სულ ერთი წამით გავხედე როგორ უყურებდა შავგრემანი ლამაზმანი და მივხვდი რომ აქ ამ ოთახში შუაღამისას , მარტო რჩებოდა , შიშვლდებიდა და ტკივილისგან ოთხად იკეცებოდა, სიყვარულის მონატრებით. 

და აქ სუსტებოდა მთის ქალი , აქ იყო ქალაქელი ლამაზმანი , მისი მსგავსი რომ არავინ დადიოდა დღემდე  .

ნახევარ საუკუნეზე მეტი ატარა შავები მთის ქალმა, გაუზრადა შვილი მთის ბიჭს და  ბოლომდე მიიყოლა თავისი სიყვარული  .

და კიდევ უფრო რომ გავიზარდე, მთის ბებო რომ აღარ იყო! მაშინ ვინატრე რომ ვინმე ისე მყვარებოდა, მის სიყვარულზე ასე გავეძლიერებინე და ამხელა დარდის ტარება შემძლებოდა     ‼️                              .  ლანო კაპანაძე

გაზიარება სოც ქსელში


აგრეთვე იხილეთ:
30 ноя 2021, 18:54    25    0
ერთი ღარიბი კაცის ცოლი კარაქს ამზადებდა, მეორე დღეს ეს კარაქი კაცს მაღაზის მეპატრონესთან მიჰქონდა...