მკაცრია ხშირად მართალი სიტყვა, ზოგჯერ გიწევს და ხმასაც აუწევ... / ია ნანეიშვილი

მკაცრია ხშირად მართალი სიტყვა, ზოგჯერ გიწევს და ხმასაც აუწევ... / ია ნანეიშვილი
ლიტერატურა
01:18, 08 ივლისი 2022
82
0
მკაცრია ხშირად მართალი სიტყვა,
ზოგჯერ გიწევს და ხმასაც აუწევ...
ძირიდან კრეფ და მუჭში აგროვებ,
ნდობას, რომელიც დაანაკუწეს!

რა მსუბუქია იყო მართალი,
და რა მძიმეა, სევდის ტარება.
ხანდახან იტყვი,_ იყოს რაც არის,_
შენს თავში ეჭვი არ გეპარება!

იტყვიან ზოგჯერ სათქმელს და ისრად
გაატარებენ გულში ირიბად.
ზოგჯერ მიჩნდება შეკითხვა:. "ვინ ხარ?!"
ვწუხვარ, პასუხი არ გამიკვირდა!

და მერე როცა ჩაივლის წყენა,
როცა ნისლივით ქრება წუხილი.
რჩება თითქოსდა იმ დღეთა წყევლა,_
დუმილზე უფრო დიდი დუმილი!

მკაცრია ხშირად მართალი სიტყვა,
ამ სიმართლისათვის შეგიძულებენ.
და გამეტებით მაშინ გთელავენ,
ტყუილში რომ ვერ შეგიტყუებენ!

/ ია ნანეიშვილი /




- რა არის სამშობლო? - ვაჩერებ ქუჩაში გამვლელს. - რა არის სამშობლო? - ვაჩერებ ქუჩაში გამვლელს.
- რა არის სამშობლო? - ვაჩერებ ქუჩაში გამვლელს. - მე მეკითხებით? - მეუბნება განცვიფრებული გამვლელი. - დიახ, თქვენ, იქნებ...
19.09.22
278
0
შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ
"შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ, უცხოეთში ემიგრანტები. მე...
19.09.22
178
0