სოფელში...

სოფელში...
ლიტერატურა
01:29, 08 ივლისი 2022
45
0
სოფელში...

უცბად ამოდუღდა ლობიო ქოთანში,
მჭადები დააკრა კეცებზე ნელიად.
_ ქალმა უნდა ხნას და თესოსო ოჯახში
ხვავი და ბარაქა – გახსოვდეს ბებია.

ჯორკო აბრიალებს თვალებს ბუხრის ალში,
ბაბუას ულვაშები, ღიმილში შრიალებს,
მოხუცი შვილიშვილებს უზის სუფრის თავში,
თვალებში შემთვრალი ჭინკა უწრიალებს.

ორად გადაკეცა ხელით ხახვის ფოჩი,
მარილში ჩაკრა და ულვაშში ჩამალა.
შამფურზე სიცხისგან დაიწვა გოჭი,
ბებიამ ქოთანში, ქონდარი ჩაყარა.

ძვალიც კი იჭმევა, ჩემი წიწილების –
თქვა და საჩვენებლად ბარკალი გაკვნიტა.
ჭის ჭრიალს შემოყვა ხმაური ჭრიჭინების,
გუგულიც იძახოდა სადღაც, გაღმიდან.

ხაჭაპურს გადმოექცა ჩამდნარი ყველი...
დალოცე სოფელი უფალო, ზეციდან,
ბებიამ თავის დოვლათს გამოჭრა ყელი
და ცხელი მჭადები, არეკა კეციდან.

თ. კოლოტაშვილი




- რა არის სამშობლო? - ვაჩერებ ქუჩაში გამვლელს. - რა არის სამშობლო? - ვაჩერებ ქუჩაში გამვლელს.
- რა არის სამშობლო? - ვაჩერებ ქუჩაში გამვლელს. - მე მეკითხებით? - მეუბნება განცვიფრებული გამვლელი. - დიახ, თქვენ, იქნებ...
19.09.22
283
0
შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ
"შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ, უცხოეთში ემიგრანტები. მე...
19.09.22
178
0