- რა ფერისაა ცა, სოსოია?

- რა ფერისაა ცა, სოსოია?
ლიტერატურა
01:01, 17 ივლისი 2022
92
0
არც მე და არც ხატიას არ გვეძინებოდა, ხატიამ მთხოვა, ეზოში ჩამიყვანეო. ჩავიყვანე, კაკლის ძირში დავსვი და თავი კალთაში ჩავუდე. ივნისის თბილი, ძალიან თბილი საღამო იყო. ცა ისე იყო ვარსკვლავებით მოჭედილი, დათვლა არ მოგინდებოდა.
- ეჰ, ხატია, რომ იცოდე, რა კარგი იქნებოდა, ცა რომ სარკე იყოს... - ვუთხარი და ისევ ცას დავუწყე ცქერა.
- რა ფერისაა ცა, სოსოია?
- ლურჯია ცა, ხატია!
- ლურჯი თვითონ რა ფერია?.. - მკითხა ხატიამ. დავფიქრდი.
- ლურჯი რა ფერია, ხატია, და ცისფერია... - ავუხსენი ბოლოს.
- ცისფერი ლამაზია?
- ძალიან ლამაზია, “ცისა ფერს, ლურჯსა ფერს”, - ხომ გახსოვს?
- ლამაზი როგორია, სოსოია? - არ მომეშვა ხატია.
- ლამაზი? - მე წამოვჯექი და ხატიას დავაცქერდი სახეზე.
- ლამაზია, ხატია, დიდრონი წყლიანი ცისფერი თვალები, შავი წამწამები... - მე ფრთხილად გადავუსვი ხატიას თვალებზე ხელი, ხატიამ გაიღიმა, - შავი წარბები, - განვაგრძე მე, - წაბლისფერი თმა, სწორი, პატარა ცხვირი, გაბუტული სქელი ტუჩები, თეთრი კბილები, მრგვალი ნიკაპი, პატარა ყურები, მაღალი ყელი - აი, ასეთი, შენ რომ ხარ, ეს არის ლამაზი, გეყურება, ხატია? - დავამთავრე და მხრებზე ხელები დავაწყვე.
- ესე იგი, მე ვარ ლურჯი და ცისფერი?...
უიმედოდ ამოვიოხრე.
- შენ ლამაზი ხარ ხომ, სოსოია?
- კიდევ კარგი, რომ ვერ მხედავ, ხატია!
- შენ კი გხედავ, სოსოია, შენ გხედავ, მზეს ვხედავ და მეტს ვერაფერს... - თქვა ხატიამ და ხელები ჩამოუშვა. მხრებზე ხელი მოვხვიე და ჩემკენ მოვიზიდე, ხატია მორჩილად მომყვა, იგი ოდნავ თრთოდა, მისი თავი კალთაზე დავისვენე, დავიხარე და თვალებში ვაკოცე, მერე ტუჩებში, მერე ყელზე, მერე ისევ ტუჩებში და ასე დავრჩით დიდხანს, დიდხანს. თავი რომ ავიღე, ხატია ტიროდა და იღიმებოდა...
ნოდარ დუმბაძე

ნოდარ დუმბაძე - "მე ვხედავ მზეს"




- რა არის სამშობლო? - ვაჩერებ ქუჩაში გამვლელს. - რა არის სამშობლო? - ვაჩერებ ქუჩაში გამვლელს.
- რა არის სამშობლო? - ვაჩერებ ქუჩაში გამვლელს. - მე მეკითხებით? - მეუბნება განცვიფრებული გამვლელი. - დიახ, თქვენ, იქნებ...
19.09.22
278
0
შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ
"შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ, უცხოეთში ემიგრანტები. მე...
19.09.22
178
0