მამაცი ბავშვი

მამაცი ბავშვი
ლიტერატურა
05:25, 27 ივლისი 2022
109
0
მამაცი ბავშვი

შენ გაიზრდები, სანაქებო დადგები კაცი!
კარგი მეუღლე, მზრუნველი და გულუხვი მამა.
დღეს ხარ ბავშვობა წართმეული, მამაცი ბავშვი-
ბავშვი, რომელსაც არ უკითხავს არავინ ზღაპარს!..

ვისი შვილი ხარ, მე არვიცი...ღმერთმა დაგლოცოს!
მჯერა უფალი გაგინათებს ეკლიან სავალს...
ტვირთივით მძიმეს რომ მიათრევ ცხოვრების დღეებს-
თამაშის ნაცვლად შრომა გიღლის პატარა მაჯას!

დღეს გული გწყდება, რომ არა გაქვს ბავშვობა ლაღი...
კარგი შვილი ხარ, მძიმე შრომას რომ არ თაკილობ...
ვიცი როდესაც გაიზრდები მამაცი კაცი,
შესძლებ მზეები სახლის ჭერზე სითბოდ დაკიდო!

შენ იცი უკვე ცხოვრებაში ყველაფრის ფასი,
გამოწრთობილი მკლავით გასჭრი ცხოვრების ტალღებს...
არ გიცხოვრია როგორც იმათ-უდარდელ ბავშვებს...
თამამად ითმენ, იმას რასაც ცხოვრება გაძლევს...

დაგაჯილდოვებს მოთმენისთვის მჯერა უფალი!
არაფრის მქონეს-მოგეცემა ის რაც არ გქონდა!
უსამართლოდ რომ გეჩვენება ცხოვრება ზოგჯერ-
ბრძენია შვილო, ჩანაფიქრში ნახავ რა ჰქონდა...
.................................................................................

შენ გაიზრდები, სანაქებო დადგები კაცი!
კარგი მეუღლე, მზრუნველი და გულუხვი მამა.
დღეს ხარ ბავშვობა წართმეული,მამაცი ბავშვი-
ბავშვი, რომელსაც არ უკითხავს არავინ ზღაპარს!..

/ ია ნანეიშვილი /




- რა არის სამშობლო? - ვაჩერებ ქუჩაში გამვლელს. - რა არის სამშობლო? - ვაჩერებ ქუჩაში გამვლელს.
- რა არის სამშობლო? - ვაჩერებ ქუჩაში გამვლელს. - მე მეკითხებით? - მეუბნება განცვიფრებული გამვლელი. - დიახ, თქვენ, იქნებ...
19.09.22
282
0
შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ
"შესაძლოა ეს ჩვენი უნაყოფო თაობის სენიც იყოს, ხანუმ, ჩვენ სამშობლოში უცხოელები ვგონივართ, უცხოეთში ემიგრანტები. მე...
19.09.22
178
0