ხანდახან... როცა გულს ნაღველი ღვედივით მიჭერს

ხანდახან... როცა გულს ნაღველი ღვედივით მიჭერს
ლიტერატურა
22:08, 30 ივლისი 2022
59
0
ხანდახან... როცა გულს ნაღველი
ღვედივით მიჭერს,
მომაგონდება ჩემი თბილი
ბებიას ლოცვა...
აიშლებიან მყის კადრები,
ოთახის ცივ ჭერს
გადაურბენენ...ვხედავ აგერ
წყლით სავსე ბოცა
წყაროდან მოაქვს ჩემს ბებიკოს,
მე უკან მივსდევ...
-არ წაიქცეო: -მიყვავებს და
მე მაყვალს ვებრძვი
შავს... შარბათიანს,
წამოვედე... ფეხი გამოვდე
უნებურად... და ცოტა მეწვის,
-ხომ გითხარიო... -მიჯავრდება
და იქვე ჯდება...
ჭიშკართან ვიღაც უცხო ბიჭი
ყვითელ ბურთს კენწლის,
ბურთი მინდება... ვებერთელა...
მწვანე ბალახი
და მზის სადარი ჩვენი ოდა...
მოხუცმა ისევ შეისვენა,
კართან ჩამოჯდა...
შებერდა ცოტა,
შუბლზე მკაფიოდ დაეთვლება
დარდის ღარები...
წამოვეშველე,ცოტა ცივი ხელები ჰქონდა...
ცერის წვერებზე ავიწიე რაის ვაგლახით,
ძლივას შევაღე ჩვენი ძველი
ჭიშკრის კარები...
-გამეზარდეო! -მომაყოლა...
* * * * * * *
შენ ახლაც მლოცავ...!

/ ნინო.ჯ.2017.06.05 /




ვაჟა-ფშაველას / დათო ახლოური ვაჟა-ფშაველას / დათო ახლოური
ვაჟა-ფშაველას ფშაველი ვარ. ჩემი წინაპრები გაბიდაურები ყოფილან. გაბიდაურთა თემიდან გახლდათ ვაჟა-ფშაველას დედა გულქან...
30.07.22
97
0
ნეტავ გავუძლო სიცოცხლეს, ბედმა რამდენი მაწვალა ნეტავ გავუძლო სიცოცხლეს, ბედმა რამდენი მაწვალა
ნეტავ გავუძლო სიცოცხლეს, ბედმა რამდენი მაწვალა...
30.07.22
103
0