შობა ახლოვდება, ცაზე ვარსკვლავები ლოცვით დაიწყებენ ნათებას...

შობა ახლოვდება, ცაზე ვარსკვლავები ლოცვით დაიწყებენ ნათებას...
ლიტერატურა
20:33, 24 დეკემბერი 2022
152
0
შობა ახლოვდება, ცაზე ვარსკვლავები
ლოცვით დაიწყებენ ნათებას.
ღამით ჩვენს ფანჯრებთან უფალს გულს გავუხსნით-
ველით სასწაულის ახდენას.
ციდან დარეკავენ ზარებს ზეციერნი-
მიწას ევლინება უფალი!..
ღმერთო, შეგვიწყალენ!...
ღმერთო, მოგვიტევე!..
ვდგებით ხატების წინ მდუმარი...
ღმერთო, შენ ხარ ჩვენი ხსნა და მზის ნათელი,
ამოუწურავი სიკეთე...
კალთა დაგვაფარე, ლოცვით გზა გვასწავლე,
ღმერთო, შენს წყალობას მივენდეთ...
ღმერთო, შეგვიცოდეთ-
ხელი რომ გკარით და...
გზაზე გაგაყენეთ გოლგოთის...
ჯვარზე გაგაკარით, როგორც ავაზაკი-
ცოდვა მოგვყლია ბოლომდის...
ახლით დაიბადე!
ისევ დაიბადე!
სახლში ღია გულით მოგელით!...
ღმერთო, დაგვლოცე და...
ღმერთო, მოგვიტევე-
თუ რამ შეგვიცოდავს ყოველი...
შობა ახლოვდება, ცაზე ვარსკვლავები,
ლოცვით დაიწყებენ ნათებას...
ღამით, ჩვენს ფანჯრებთან მოვა ანგელოზი-
როგორც უფლის სანთლის ანთება...
/ ია ნანეიშვილი /


ერთმანეთს გულში ჩავიკრავთ, ერთობა გასტეხს,ქვასაცა ერთმანეთს გულში ჩავიკრავთ, ერთობა გასტეხს,ქვასაცა
ლხინში ბევრს გაახსენდები, ჭირში ახსოვხარ,ცოტასა. გაივლის დრო და მიხვდები, ვინც იმსახურებს,ძმობასა. კაცი, მეგობრით...
27.01.23
587
0
ეს ქარიშხალი რა არის- სულში რომ ქარიშხლებია... ეს ქარიშხალი რა არის- სულში რომ ქარიშხლებია...
ეს ქარიშხალი რა არის- სულში რომ ქარიშხლებია... ეს მიწისძვრები რა არის- მკერდში რომ გულის ძვრებია... ან ეს ფიფქები რა...
27.01.23
83
0