- მწყურია,ღმერთო! - შეჰღაღადა გამოფიტულმა.

- მწყურია,ღმერთო! - შეჰღაღადა გამოფიტულმა.
ლიტერატურა
17:35, 04 იანვარი 2023
68
0
კაცს გზა აბნეოდაძალიან დაღლილი სჩანდა.უკანასკნელი ძალა მოიკრიბა და:
- მწყურია,ღმერთო! - შეჰღაღადა გამოფიტულმა.
ხმა არავინ გასცა.სასოწარკვეთილმა მიმოიხედა და ლამაზი ბოთლით წყალი შენიშნა.ფრთხილად მიუახლოვდა.კარგად შეათვალიერა,მერე, ეჭვით გაიფიქრა,იქნებ იმიტომ გადააგდეს,რომ არ ვარგაო,მაგრამ ძალიან სწყუროდა და თავს ვეღარ სძლია.ფრთხილად მოსვა ერთი ყლუპი.მოეწონა. შიში არ ასვენებდა,თუმცა,არც ლამაზი ბოთლი ეთმობოდა.ჩაბღუჯა და გზას გაუდგა.ისევ მოუნდა წყალი...
ყოველ ყლუპზე ,უფრო და უფრო ძალას ჰმატებდა სუფთა წყალი.გრძნობდა,როგორ ივსებოდა ენერგიით,როგორ უნათდებოდა ნელ-ნელა გონება,თურმე,როგორ ახლოს ყოფილა სახლი...
მიხვდა,რომ სწორედ ეს ბოთლი აკლდა და ამიტომ ვერ აგნებდა სახლის გზას....
მიდიოდა,კაცი,ბედნიერი სახით.ისრუტავდა ბოთლიდან მაგიურ წყალს და ტკბებოდა იმ გარემოთი,რომელიც, აქამდე, ნაცრისფერი ეჩვენებოდა.
წყალი კი სულ უფრო ცოტავდებოდა....
ბოლო ყლუპიც მოსვა,ბოთლს სინანულით შეხედა და საყვედურით აღმოხდა:
- მე წყალი გთხოვე,ღმერთო!
- მე შენ ის მოგეცი,მაგ ლამაზი ბოთლის სახით -უპასუხა ღმერთმა.
- დაიცალა.ვეღარ მაძლევს ენერგიას- იმედგაცრუებით ჩაილაპარაკა კაცმა.
- მაგრამ,ბოთლი მოგწონს და არ გეთმობა,არა?როცა ამ უდაბურ ადგილზე დაგინახე და სასოწარკვეთილმა წყალი მთხოვე,ძალიან შემეცოდე,მეგონა მართლა გწყუროდა და ეგ ბოთლი გამოგიგზავნე.შენ კი,რა გააკეთე?ჯერ,შიშმა კინაღამ გძლია.მერე,როცა დალევა გადაწყვიტე, ეგოისტურად ტკბებოდი წყლის ენერგიით,ყველა მისი სიკეთით და არც კი შეგიწუხებია თავი,რომ წყალი გეპოვნა და ბოთლი ისევ შეგევსო.შენმა ეგოიზმმა და სიზარმაცემ გამოცალა ის და,ახლა ,ისევ მე შემომყურებ,როდის გადმოგიგდებ წყლით სავსე ბოთლს.არადა,მაგ ბოთლს, ერთი ჯადოსნური თვისება აქვს - მასში ჩასხმულ თითოეულ წვეთს, ათჯერ მეტ ენერგიას აძლევს და სუფთა სახით გიბრუნებს.შენ კი ვერ გაიგე მისი ფასი,რადგან ერთი, ჩვეულებრივი,ძუნწი ეგოისტი ხარ,რომელიც მხოლოდ მიღებაზე ფიქრობს და,წარმოდგენაც არ აქვს,რა არის ზრუნვა და მადლიერება.

კაცი თითქოს ბურანიდან გამოერკვა,სასწრაფოდ უბე მოიჩხრიკა,მაგრამ, ბოთლი გამქრალიყო....
და ,ღმერთიც,მასთან ერთად...
/ მოხეტიალე კუნძული /


ერთმანეთს გულში ჩავიკრავთ, ერთობა გასტეხს,ქვასაცა ერთმანეთს გულში ჩავიკრავთ, ერთობა გასტეხს,ქვასაცა
ლხინში ბევრს გაახსენდები, ჭირში ახსოვხარ,ცოტასა. გაივლის დრო და მიხვდები, ვინც იმსახურებს,ძმობასა. კაცი, მეგობრით...
27.01.23
587
0
ეს ქარიშხალი რა არის- სულში რომ ქარიშხლებია... ეს ქარიშხალი რა არის- სულში რომ ქარიშხლებია...
ეს ქარიშხალი რა არის- სულში რომ ქარიშხლებია... ეს მიწისძვრები რა არის- მკერდში რომ გულის ძვრებია... ან ეს ფიფქები რა...
27.01.23
83
0