იავნანა დაბადებამდე ❤️

იავნანა დაბადებამდე ❤️
ლიტერატურა
23:38, 09 იანვარი 2023
166
0
იზრდები ჩემში და ჩემით ცოცხლობ,
შენი ხელები,თვალთა ფერები და გეფერები,
სულ გეფერები..
რომ გაიზარდო მიწიდან ცამდე,
წვიმიდან ზღვამდე,რომ ილაჟვარდო.
გაცრეცილ მაჯას გარედან გახებ
და ფეთქვს გული,
ჩემი თუ შენი?...ჯერაც რამ გაგვყო
ჩემო ნანატრო,
დედის ალმასო,
ნანი ნანატრო,
ნანი ნანატრო...
და შენც მეხები,ალბათ ფეხებით,
მოდი კეთილად და როცა მოხვალ
ამ მზისქვეშეთში მე მიგრძნობ მხოლოდ,
შენი კანის სუნს პირველს შევიგრძნობ...
მამაო ჩვენოს ლოცვით მოვლენილს,მოგეფერები
თვალის ფერებით,
ჩემი ხელებით...
სანამ ინებებ და დამიძახებ,
სეტყვა რომც იყოს,ქარი რომც იყოს,
აკვანს დაგირწევ სითბოში,მზეში...
შეგირჩევ სიზმრებს,სახელს და ფიქრებს
სულ საამაყოს...
ჩემო ნანატრო,
დედის ალმასო,
ნანი ნანატრო...
შენი გულისთვის,შენი სულისთვის,
ღამე რომც იყოს,ქარი რომც იყოს,
ხელისცეცებით,სველი ფეხებით
ცის იქეთ წავალ და ვნახავ უფალს.
ცრემლთა ნაკადით,ხმათა ცახცახით
მამაო ჩვენოს ვიტყვი ათასჯერ,
ეკალბარდებზე,ცეცხლზე,ასფალტზე
შენთვის ვივლი და შენთვის ვილოცებ...
რომ არ დაეცე და არ ატირდე,
რომ არ მოგშივდეს და არ დაკნინდე,
რომ არ შეგცივდეს და არ გაცივდე,
რომ არ მოტყუვდე და არ გაწბილდე...
ჩემო ნანატრო,დედის ალმასო
იმშვიდე ჩემში,სითბოში,მზეში
და როცა მოხვალ,მოდი კეთილად,
რომ მერე ზღვებზეც გაილაჟვარდო.

დიკა სალაყაია


ერთმანეთს გულში ჩავიკრავთ, ერთობა გასტეხს,ქვასაცა ერთმანეთს გულში ჩავიკრავთ, ერთობა გასტეხს,ქვასაცა
ლხინში ბევრს გაახსენდები, ჭირში ახსოვხარ,ცოტასა. გაივლის დრო და მიხვდები, ვინც იმსახურებს,ძმობასა. კაცი, მეგობრით...
27.01.23
587
0
ეს ქარიშხალი რა არის- სულში რომ ქარიშხლებია... ეს ქარიშხალი რა არის- სულში რომ ქარიშხლებია...
ეს ქარიშხალი რა არის- სულში რომ ქარიშხლებია... ეს მიწისძვრები რა არის- მკერდში რომ გულის ძვრებია... ან ეს ფიფქები რა...
27.01.23
83
0