ეს ქარიშხალი რა არის- სულში რომ ქარიშხლებია...

ლიტერატურა

10:57, 27 იანვარი 2023

320

ეს ქარიშხალი რა არის-
სულში რომ ქარიშხლებია...
ეს მიწისძვრები რა არის-
მკერდში რომ გულის ძვრებია...
ან ეს ფიფქები რა არის-
სულში რომ ფიქრის მთებია...
და თუ ცხოვრება გზა არის,
სად დამეკარგე ბებია?..
იქნებ,სხვა ბილიკს გავუყვე-
იქ,სადაც არ მიძებნია...
რამდენი წელი გავიდა,
სულ დამავიწყდი გგონია?!
მითხარი ხომ არ შეგცივდა,
საფლავზეც დიდი თოვლია?...
შენი თავშალი რომ მქონდეს,
მხრებს გამითბობდა მგონია...
შენი დაწნული ნაწნავი,
წლებია აღარ მქონია...
როგორ უსიტყვოდ წახვედი,
იქნებ სათქმელი რა გქონდა...
ბედი ურჩი და თავხედი,
კლდიდან ქვასავით დაგორდა...
არ მესიზმრები რატომღაც,
მე კი სიზმარშიც გინატრე.
გული უშენოდ დაღონდა,
ან რა დამიშლის მიყვარდე...
მე მახსოვს შენი დალოცვა,
გზას გაჰყევიო სულ-აღმა...
მეც ჩავაბარე გამოცდა,
სული გიმშვიდოს უფალმა.....
......................................................
ეჰ,ჩემო ტკბილო ბებია,
წლებმა ბევრი რამ მასწავლეს.
ნეტავ, კალთაში გეჯდე და,
ტკბილად მიწნავდე ნაწნავებს...

/ ია ნანეიშვილი /