ბრძნული - Mcvane.Ge - იუმორი და ლიტერატურა

მთელი ცხოვრება ვაკვირდები განათლებულ ადამიანებს და იცით რა აღმოვაჩინე?

Sat, 21 Feb 2026 12:59:31 +0000

მთელი ცხოვრება ვაკვირდები განათლებულ ადამიანებს და იცით რა აღმოვაჩინე? მათ გააჩნიათ მინიმალური თვითმოთხოვნილებები და მაქსიმალური ვალდებულებები. განათლებულ ადამიანებს არ ახასიათებს საწყისი ცხოველური ინსტიქტები და იმდენად ნატურალურები არიან, გული თვალებში უციმციმებთ. განათლებული ადამიანი ვერასდროს განიცდის პირად კეთილდღეობას და ბედნიერებას, თუ მის ქალაქში, სოფელში, ქუჩაში, ხელგამოწვდილი მოხუცი, ან ბავშვი მათხოვრობს. მათ ამ დროს ამაყად თავაწეული სიარულის რცხვენიათ. განათლებული ადამიანი უგუნური კაცის სისულელეზე იღიმება, მაგრამ მას არასოდეს დასცინის.მათ არ უყვართ კამათი იდიოტებთან, რადგან იციან, ეს ერთადერთი შემთხვევაა, როდესაც თავხედს და უტიფარს გამარჯვების გვირგვინს ადგამენ.!

-ანტუან დე სენტ ეგზიუპერი.

,,-გაბრიელ ცოლისთვის არასოდეს გიღალატია?

Thu, 19 Feb 2026 17:35:15 +0000

,,-გაბრიელ ცოლისთვის არასოდეს გიღალატია?

- არა ჩემო მართა.ღმერთის შიში მქონდა ყოველთვის.მე და ანეტა ჯვარდაწერილები ვიყავით.

- შენ ოტია? შენც ღმერთის გეშინოდა?

-არა მე მიყვარდა.....

-ასეა ასე...... ჩაილაპარაკა მართამ და ჩუმად გააგრძელა

-ვიღაც არ ღალატობს მხოლოდ იმიტომ, რომ ღმერთის ეშინია....

და ვიღაც არ ღალატობს მხოლოდ იმიტომ რომ უყვარს"...

ნუგზარ სულაშვილი ,, მზე რომელიც ღამე ამოდის''

გურამ დოჩანაშვილის გენიალური სიტყვები

Tue, 10 Feb 2026 08:55:58 +0000

გურამ დოჩანაშვილის გენიალური სიტყვები:

ჭკვიანთან ჭკვიანდები, მდიდართან მდიდრდები, ღარიბთან ღარიბდები.

ურთიერთობაში ჩვენ ვაზიარებთ ენერგიებს. ამიტომ ეცადეთ იურთიერთოთ იმ ადამიანებთან, რომლებიც გავსებენ თქვენთვის სწორი ენერგიით.

ადამიანებთან, რომლებიც გავსებენ პოზიტივით, სიყვარულით და არა მათთან, რომლებიც ატარებენ და გადმოგცემენ აგრესიას, წყენას და ნებისმიერ სხვა ნეგატიურ ემოციას.

ადამიანებთან, რომლებიც პატივს გცემენ და გაფასებენ, თავად ხდებით საინტერესო და სასიამოვნო

ძლიერი ადამიანი ის კი არ არის, ვინც სუსტს ამარცხებს

Fri, 06 Feb 2026 10:11:08 +0000

ძლიერი ადამიანი ის კი არ არის, ვინც სუსტს ამარცხებს,

არამედ ის, ვინც სუსტს ეხმარება გაძლიერებაში

საკუთარი ენის კონტროლის უნარი დიდი ნიჭია!

Wed, 17 Feb 2021 23:30:17 +0000

შეგირდი მიდის ოსტატთან და ეკითხება:
– თქვენ გვირჩევთ ვიცხოვროთ გახსნილი გონებით, მაგრამ ასე ხომ შეიძლება მთელი გონება გაგვიფრინდეს?
– შენ უბრალოდ პირი დაკეტე და ყველაფერი კარგად იქნება. – უპასუხა ოსტატმა.

როგორ მუშაობს მეტყველება ჩვენს კარმაზე? აღმოსავლურ კულტურაში ცნობილია, რომ თუ თქვენ რამე ჩაიფიქრეთ, რისი გაკეთებაც გსურთ, არავის არ უნდა მოუყვეთ ამის შესახებ. როგორც კი თქვენ ამაზე ილაპარაკებთ 80%-ით ამცირებთ მისი განხორციელების შესაძლებლობას. განსაკუთრებით თუ ამას მოუყვებით შურიან, ძუნწ ადამიანებს. რატომ აღწევენ სიტყვაძუნწი ადამიანები მეტს? ისინი არ კარგავენ ენერგიას.

მეორე უბრალო წესი დაკავშირებული მეტყველებასთან – თუ ჩვენ სხვას გავუკეთეთ რამე კარგი, და შემდეგ წავიტრაბახეთ ეს სხვებთან, იმავე წუთს ჩვენ ვკარგავთ დადებით კარმას და სიკეთის ნაყოფს, რომელიც ქველმოქმედებით დავიმსახურეთ. ტრაბახა ადამიანები ძალიან ცოტას აღწევენ, ამიტომ ჩვენ საკუთარი მიღწევებით არ უნდა ვიტრაბახოთ, რადგან ისევე დავკარგავთ ამ მიღწევებს, როგორც სიკეთის ნაყოფს ვკარგავთ ტრაბახის დროს.
საკუთარი ენის კონტროლის უნარი დიდი ნიჭია!

" სიმშვიდე დაუმარცხებელი პასუხია ცხოვრების ყოველ გამოწვევაზე."

Wed, 17 Feb 2021 23:17:14 +0000

" სიმშვიდე დაუმარცხებელი პასუხია ცხოვრების ყოველ გამოწვევაზე."

ახსნა უნდა შეწყვიტო, როდესაც ხვდები, რომ ადამიანი მხოლოდ საკუთარი აღქმის დონით აანალიზებს.

Wed, 17 Feb 2021 23:12:49 +0000

„ახსნა უნდა შეწყვიტო, როდესაც ხვდები, რომ ადამიანი მხოლოდ საკუთარი აღქმის დონით აანალიზებს.“

ერთხელ იაპონელმა მოწაფემ მასწვლებელს ჰკითხა:

Wed, 17 Feb 2021 22:45:06 +0000

ერთხელ იაპონელმა მოწაფემ მასწვლებელს ჰკითხა:
– როგორ ვისწავლო ადამიანის გამოცნობა, ვის ვენდო ან ვის ვერიდო?
– ჯერ იმას გეტყვი, ვის უნდა ერიდო. ერიდე ადამიანს, ვინც ზედმეტად თავმდაბალი ჩანს და გადამეტებული პატივისცემით გეპყრობა, თავს შენს მორჩილად ასაღებს. ვინც თაყვანს გცემს, გეხვევა და გეუბნება, რომ შენს განკარგულებაშია – მათ ნუ ენდობი.
– რატომ?
– იმიტომ, რომ ის პირველი გაგყიდის.
– აბა, ვის ვენდო?
– ენდე მათ, ვინც უბრალო და უშუალოა, ვინც ყოველთვის სიმართლეს გეუბნება, რაც არ უნდა მწარე იყოს იგი. ეს ადამიანები პირველები მოირბენენ გაჭირვებაში შენს დასახმარებლად. ნამდვილი პატივისცემა და თავმდაბლობა შეუმჩნეველია. ამიტომ არის ძნელი ასეთი ადამიანების პოვნა. სამაგიეროდ, როცა მათ შეხვდები, დარწმუნებული იყავი, რომ არასოდეს გიღალატებენ.

დედაშენი არის ღმერთი - ნოდარ დუმბაძე

Wed, 17 Feb 2021 22:38:19 +0000

დედაშენი არის ღმერთი. შენ რომ ზიხარ და უყურებ. ისიც რომ გიყურებს. შენ რომ დედას ეძახი და ის შვილს გეძახის, ამიტომ შენ გგონია ღმერთი არ არის? შენ ღმერთი ვინ გგონია? წვერებიანი ბაბუა? ღრუბლებზე ზის და პირს რომ იბანს, წვიმა მოდის? ღმერთი ისე ნათელია, ისე ახლობელი, ისე ახლო და ისე უბრალო, რომ როდესაც ხედავ, არ იცი, რომ ღმერთია, ამაშია ღმერთის უბედურება, ამიტომ არ წამთ ღმერთი. ღმერთი რომ სხვაგან იყოს, შორს ჩვენგან, ცალკე და მაღლა, ღმერთი რომ ჩვენში არ იყოს, მაშინ ყველა იწამებდა.
ამაშია საქმე! ღმერთი მაშინ უნდა იწამო, ღმერთის სახე რომ არ აქვს, რომ არ ჰგავს ღმერთს, რომ არ გეუბნება, ღმერთი ვარო, პურს რომ გიყოფს, სადილს რომ გიკეთებს, ტანზე რომ გაცმევს, თავზე რომ გახურავს, გიღიმის და გეფერება, გკოცნის და ტირის შენი გულისთვის, კვდება შენი გულისთვის, ცივა, წყურია, შია შენთან ერთად, სულს აძლევს ეშმაკს შენი გულისთვის, მაშინ უნდა იწამო, აბა, ღმერთმა თუ თავისი სახე გაჩვენა, კედელთან მიგაყენა, ყური აგიწია და თვითონ თუ გითხრა, ღმერთი ვარ და მიწამეო, მაშინ რაღად უნდა ღმერთს შენი რწმენა? ასეთ ღმერთს შენ კი არა, ყველა იწამებს. ღმერთი მაშინ უნდა იწამო, შენ რომ გგავს, მე რომ მგავს, დედაშენს რომ ჰგავს, გასაგებია?
ნოდარ დუმბაძე

შვილის მომავალი უსათუოდ იმაზეა დამოკიდებული, თუ დედამ რა შთაბეჭდილებით ასაზრდოვა შვილის ნორჩი, მაგრამ ღრმად აღმბეჭდი გული და გონება.

Wed, 17 Feb 2021 21:50:30 +0000

შვილის მომავალი უსათუოდ იმაზეა დამოკიდებული, თუ დედამ რა შთაბეჭდილებით ასაზრდოვა შვილის ნორჩი, მაგრამ ღრმად აღმბეჭდი გული და გონება. ამიტომ საჭიროა ყოველი დედა იყოს განათლებული, განვითარებული, რათა შინ ოჯახში და გარეთ საზოგადოებაში სთესდეს თესლს კეთილისა. დიახ, ესმოდეს დედაკაცს, შვილი როგორ აღზარდოს შინ, ოჯახში, და გარედ საზოგადოებაში რა აზრები გაავრცელოს, რას ემსახუროს, ვინაიდან მას შეუძლიან დაამხოს ერი და კიდეც აღადგინოს.
ვაჟა-ფშაველა