მინდა გავიგო: შესძლებ?



ჩემთვის სულერთია, რა წარმოშობის ხარ და რამხელა მატერიალურ ქონებას ფლობ.
მე მინდა გავიგო, რისკენ მიისწრაფვი ამ ცხოვრებაში.
ჩემთვის უმნიშვნევლოა შენი წარსული და ის საზოგადოება, რომელშიც ადგილის დამკვიდრებას ცდილობ.
მე მინდა ვიცოდე, ხარ თუ არა მეომარი. გყოფნის თუ არა სიმამაცე გაუმკლავდე სირთულეს და არ ეძებო დამნაშავე სხვაში?
არ მაინტერესებს რომელი პლანეტა მართავს შენს მთვარეს.
მე მაინტერესებს, შეგიძლია თუ არა მართო საკუთარი თავი. გყოფნის თუ არა ძალა შეინარჩუნო ღირსება მაშინ, როდესაც ეშმაკზე კონტროლს გაკარგვინებენ?
ჩემთვის სულერთია სად ეძებ საარსებო წყაროს.
მინდა ვიცოდე როგორია შენი სამყარო!
რა არის შენი მზე იქ, სადაც მხოლოდ სიბნელეა?
გიგრძვნია თუ არა აუტანელი ტკივილისგან დაცლილ სხეულში სიცოცხლის აღორძინების ძალა?
გაბედავ თუ არა ჩემი ან შენი ტკივილი მიიღო ისე, რომ არ დამალო ის, არ შეამსუბუქო და არ შეეწინაღმდეგო მას, მაგრამ მასში წინსვლისკენ მიმავალი გზა დაინახო?
მზად ხარ თუ არა ჩაიდინო სისულელე სიყვარულისთვის, ოცნებისთვის, იმ ჩანაფიქრისთვის, რომელიც ბედნიერების იმედს გაძლევს?
მზად ხარ თუ არა ჩამკიდო ხელი და ჩემთან ერთად ცეცხლში შეხვიდე?
შესძლებ თუ არა ჩემი ან შენი დამარცხების შემთხვევაში თავმოყვარედ იცხოვრო, და, ერთხელაც, ზღვის ნაპირთან მისული, იმის გაცნობიერებით, რომ ყველფრის მიუხედავად მაინც ერთად ვართ, შეხედო დიდ ვერცხლისფერ მთვარეს და დაიყვირო: კი!!!!





თეგები: ლიტერატურა

სიახლეები:

    Template not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tpl
ტექსტის სანახავად გაიარეთ რეგისტრაცია.