სუფრის წეს–ჩვეულებანი ქართული ტრადიიცის შესაბამისად



ლხინში, ქორწილის სუფრაზე სათქმელი სადღეგრძელოები:
1) ოჯახის უფროსისი მიერ თამადის არჩევა და თამადის დალოცვა.
2) სუფრის დალოცვა.. უფლის ხსენება.
3) მეფე– დედოფლის დალოცვა.
4) მეფე– დედოფლის მეჯვარეების დალოცვა
5) მეფე– დედოფლის მშობლების დალოცვა.
6) მეფე –დედოფლის დედმამიშვილების დალოცვა.
7) მეფე –დედოფლის ბაბო-პაპის დალოცვა.
8) სიყვარულის სადღეგრძელო მეფე დედოფლის სიყვარულის თამადობით.
9) სიყვარულის სადღეგრძელო, მათი თამადობით ვინც დღეს დაიწერა ჯვარი.
10) ოჯახის წასულების ხსოვნის პატივის მიგება. მათი სახით ყველა სუფრის წევრის წასულების ხსოვნისათვის პატივის მიგება, საქართველოსთვის დაღუპულთა ხსოვნის დიდებით ხსენება, მათთვის პატივის მიგება.
11) სიცოცხლის სადღეგრძელო (როგორც ახალი სიცოცხლის დაბადების ნატვრის)
12) მომავალი თაობის სადღეგრძელო (პატარების სადრეგრძელო)
13) მანდილოსნების სადღეგრძელო, ქართველი ქალის, დედის სადღეგრძელო.
14) საქართველოს სადღეგრძელო.
15) მეფე –დედოფალის მეგობრების თამადობით, საერთოდ მეგობრების სადღეგრძელო.
16) გვერდში მდგომთა(ვინც მომავალში გვერდში დაუდგება ახლადშექმნილ ოჯახს) მასწავლებელთა და საერთოდ პიროვნების ჩამოყალიბებაში წვლის შემტანთა, ვის საქციელსაც მაგალითის ძალა ქონდა, მათი სადღეგრძელო.
17) მაყრების სადღეგრძელო.
18) მეზობლელბის სადღეგრძელო.
19) ხელოვანათა, ამ სუფრაზე მუსიკოსთა და მოცეკვავეთა სადღეგრძელო.
20) მომსახურე პერსონალთა სადღეგრძელო.
21) მეფე -დედოფლის თამადობით ყველა მაგიდის წევრის ხვალინდელი დღის სადღეგრძელო.
22) თამადის სადღეგრძელო

ქორწილში სუფრის დალოცვა, უფლის ხსენება

ძვირფასო სუფრის წევრებო. ბატონებო და ქალბატონებო.. ურო სწორედ ძველი ქართული ტრადიციის შესაბამისად რომ ვთქვათ თანამეინახენო. თითოეულმა ჩვენთაგანმა იცის თუ რა დიდი წყალობა გვარგუნა განგებამ, რათა ამ ბედნიერებით გამოწვეული იმ სიხარულის თანამონაწილენი ვყოფილიყავით, რომელიც დღეს ამ ოჯახში სუფევს. ამიტომ ყოველივე ამისათვის მადლობა შეშევწიროთ უფალს. შევთხოვოთ დაგვილოცოს დღევანდელი ლხინის სუფრა. რადაგანაც ყოველი სადღეგრძელო საქართველოში ნატვრასთან ასოცირდება, მით უმეტეს ქორწილში, სადაც სადღეგრძელო კიდევ უფრო დიდი დატვირთვას იძენს, ამიტომაც ჩვენ უფლის ნებით ვისურვოთ ყოველივე კარგი და ყველა იმ სურვილისა და ოცნების ასრულება რომელიც თან სდევს ყოველთვის ბედნიერ დასაწყისს, რასაც ოჯახის შექმნა ჰქვია. უფალმა დაგვილოცოს დღევანდელი სუფრა,უფალი ფარავდეს ამ ოჯახს, თითოეული ჩვენთაგანის ოჯახს და სრულიად საქართველოს. დიდება უფალს.


ქორწილში მეფე –დედოფლის სადღეგრძელო.

ძვირფასო სუფრის წევრებო, ბატონებო დ ქალბატონებო. ჩვენ თავიდანვე უფალს შევწირეთ მადლობა რათა მოგვეცა საშუალება ჩვენს ქვეყანაში კიდევ ერთი ქართული ოჯახის შექმნით, ამ დიდი ბედნიერებით გამოწვეული იმ სიხარულის თანამონაწილენი ვყოფილიყავით, რომელიც დღეს ამ ოჯახში სუფევს. ახლა კი ქართული ტრადიციის შესაბამისად, ამ განსაკუთრებული განსხვავებული სასმისით მინდა შემოგთავაზოთ დღევანდელი დღის მთავარი მოქმედი პირების, ანუ როგორც ჩვენში იტყვიან მეფე –დედოფალის (.... –....) სადღეგრძელო.
ყველაფერი უფლის ნებაა რაც ჩვენს გარშემო ხდებაო– უთქვამს ქართველ კაცსს ოდითგანვე, მაგრამ ახლა საქმე გვაქვს კიდევ უფრო განსაკუთრებულ შემთხვევასთან... როგორც ამბობენ, თუ ყველა საქმე უფლის ნებით და შეწევნით მიწაზე რიგდება, ჯვრისწერა და დაოჯახება, რასაც ბედი ქვია ზეცაში წყდებაო თურმე. რომელი საქმის დაგვირგინებაც ქართული ქორწილი გახლავთ. ჩვენ კი ამ ბედნიერებით გამოწვეული სიხარულით აქ შეკრებილთ და მათთაც ვინც გაიგო (...–...) ბედნიერება და რაღაც მიზეზთა გამო ფიზიკურად დღეს აქ არ იმყოფებიან, ისღა დაგვრჩენია გვერდში დავუდგეთ განგების მიერ გადაწყვეტილ საქმეს. ვუსურვოთ ყოველივე კარგი... ჯანმრთელობა,ერთგულება, გამრავლება და რაც ყველაზე მთავარია– უსაზღვრო სიყვარულის უნარი, რადაგნ მხოლოდ სიყვარულით დაიძლევა ყველა წინააღმდეგობა, გადაილახება ყველა ბარიერი, მოგვარდება ყველა პრობლემა, რომელიც შეიძლება შეხვდეს არა მხოლოდ ახლადშექმნილ ოჯახს, არამედ მომავალშიც....
ბედნიერება იყოს თქვენი თანმდევი სამარადმჟამოდ, სიხარულისაგან გაბრწყინებული თვალებით მომზირალთ გევლოთ მთელი ცხოვრების მანძილზე.
ახლა კი გთხოვთ მხარი დამიჭიროთ, რათა ერთხმად ვადღეგრძელოთ (...–...) . (...–....) გ ა უ მ ა რ ჯ ო ს
კონსტანტინე გამსახურდია: - ეს ღმერთმა გაუმარჯოს იმ მამალ ორაგულს, აღმა რომ მიჰყვება ამაყად არაგვს, უფსკრულებში დაეძებს თავის დედალს, ვაჟკაცურად
მიარღვევს ტალღებს, რათა გუდამაყარში წამოეწიოს და მისწვდეს საწადელს




სიახლეები:

    Template not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tpl
ტექსტის სანახავად გაიარეთ რეგისტრაცია.