შოკოლადი საჭმელი არ არის!



შოკოლადის ჭამა არ შეიძლება. შოკოლადი საჭმელი არ არის. ის საიდუმლოა, რომელსაც უნდა ეზიარო, სიხარულია, რომელიც უნდა გაიზიარო და ათასწლეულების მანძილზე გაფანტული კაკაოს მარცვლების არომატია, რომელიც უნდა შეაგროვო და ერთ მთლიანობად აქციო.

იშვიათად მეგულება ადამიანი, რომელსაც შოკოლადი არ უყვარს.. მაინც საიდან მოდის ეს მაგიური ნუგბარი, ასე რომ დაიპყრო ჩვენი გულები..

შოკოლადი საჭმელი არ არის!


კაკაოს ხის სამშობლოდ ცენტრალური და სამხრეთ ამერიკა ითვლება. შოკოლადის ისტორია ძალიან ადრე დაიწყო, დაახლოებით 3000 წლის წინ. პირველად სიტყვა «kakawa» დაახლოებით 1000 წლის წინ ჩვენს წელთაღრიცხვამდე მექსიკის ყურეში გაისმა , მაშინ როდესაც ჯერ მხოლოდ იწყებოდა ოლმეკების ცივილიზაციის აღორძინება. ოლმეკების შემდეგ მაიას ტომებმა გააგრძელეს ტრადიცია და სწორედ მათ ეკუთვნით ველური კაკაოს ხის კულტივირება.

მაიას ტომების გაქრობის შემდეგ შოკოლადის მომზადების ტრადიცია აცტეკებმა განაგრძეს. სიტყვა "შოკოლადი" კაკაოს მარცვლებისგან დამზადებული სასმელის - "ჩოკოლატლის" დასახელებიდან მომდინარეობს. აცტეკების ენაზე "ჩოკოლი" "სიმწარეს" ნიშნავს, ხოლო "ატლი" - "წყალს"


ამ პერიოდში ადამიანმა უკვე დაიწყო შოკოლადის მომზადების მეთოდების დამუშავება. კაკაოს მარცვლებს ცხელ ქვაზე ხალავდნენ, ფხვნიდნენ, შემდეგ ისევ აცხელებდნენ, ასე მიიღებოდა კაკაო-ხსნარი, ამ ხსნარს წყალში ურევდნენ. მიიღებოდა მწარე, მაგრამ სასიამოვნო სასმელი. ამ პერიოდში შოკოლადს დიდი პოპულარობა ჰქონდა და მას "ღმერთების სასმელი" ერქვა.

შოკოლადი დიდხანს რჩებოდა სასმელად. მყარი ფორმა მან მოგვიანებით მიიღო. შოკოლადის გემო, შემადგენლობა და კულტურა იცვლებოდა. თუ ადრე იგი მწარე სანელებლებით ზავდებოდა, ევროპელებმა იგი ვანილისა და ტკბილი სანელებლების წყალობით თავიანთ გემოვნებას მოარგეს. მიუხედავად რადიკალური სახეცვლილებებისა, მთავარი შემადგენელი, კაკაო და მისი მომაჯადოებელი არომატი, უცვლელი რჩებოდა.
უფრო გვიან, მე-16 საუკუნის ესპანეთში, ბერები კაკაოს მარცვლებს იშვიათი სუნელებით აზავებდნენ და საუცხოო სასმელს ამზადებდნენ. შოკოლადი მეფეთა ძღვნად ითვლებოდა და ჩვეულებრივ მოკვდავებს მასზე მხოლოდ ოცნება შეეძლოთ.

შოკოლადი საჭმელი არ არის!


არისტოკრატებისა და მაღალი ფენის წარმომადგენლებისთვის, ცხელი, სქელი შოკოლადი ერთგვარი რიტუალი იყო. სვამდნენ მეფურ სასმელს და თავდაჯერებულობა და განსაკუთრებულბის შეგრძნება კიდევ უფრო ემატებოდათ. ესპანეთის მეფეც გიჟდებოდა შოკოლადზე.

რომ არა სამეფო ქორწინება, შოკოლადი კიდევ დიდხანს ვერ გავრცელდებოდა დანარჩენ ევროპაში. როდესაც ლუი მე-13-მ ესპანელი ანა ავსტრიელი შეირთო ცოლად, გურმანმა დედოფალმა, შოკოლადის მაგიურ ძალას ფრანგებიც აზიარა. მალე შოკოლადი მთელს ევროპაში გავრცელდა.

შოკოლადი ვნებისა და სიყვარულის ელექსირად იქცა. მას შემდეგ რაც ანა ავსტრიელმა საფრანგეთში შოკოლადი შეიტანა, მყისვე აიტაცეს ფრანგებმა. მიაჩნდათ, რომ მეფეთა ძღვენი ვნების ქარცეცხლს ატრიალებდა მათ სხეულში, ამიტომ, შოკოლადი სასიყვარულო პრელუდიის განუყოფელ ნაწილად იქცა.

შოკოლადი საჭმელი არ არის!


პირველი შოკოლადის სახლი, 1657 წელს, ლონდონში გამოჩნდა. იგი მალე იქცა სასიამოვნო შეხვედრების ადგილად. შოკოლადის სახლში კლიენტებს რძიან შოკოლადს სთავაზობდნენ. სურვილის შემთხვევაში კვერცხის გულსა და მადერასაც (მაგარი ღვინო) უმატებდნენ.

შოკოლადი საჭმელი არ არის!



შოკოლადმა მთელ ევროპაში მოიკიდა ფეხი.. 1765 წლიდან კი კაკაოს მაგიური არომატი, ამერიკელებმაც იგემეს და დაფასეს.
კაკაოს ფხვნილი (1828) ჰოლანდიელებმა გამოიგონეს, შოკოლადის ფილა(1830)-ბრიტანელებმა, ხოლო შოკოლადში რძისა და თხილის გამოყენება შვეიცარიაში დაიწყეს. რაც უფრო ემატებოდა ასეთ შოკოლადს წარმატება ბაზარზე, უფრო და უფრო და იხვეწებოდა ტექნოლოგია (1830-1875).

შოკოლადი საჭმელი არ არის!


შოკოლადის დასამზადებლი ძირითადი მასალა კაკაოს მარცვლებია, რომლის სახეობაზეც არის დამოკიდებული შოკოლადის ხარისხი და ფასი




სიახლეები:

    Template not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tplTemplate not found: /templates/news-green/relatednews.tpl
ტექსტის სანახავად გაიარეთ რეგისტრაცია.