თანამედროვე მწერლები - Mcvane.Ge - იუმორი და ლიტერატურა

ივლიტა იკა გოლეთიანი- ქარი ქუჩაში

Tue, 21 Jan 2020 09:55:57 +0000

დღე უნებურად უჩქარებს ნაბიჯს,
ხორხიდან დახსნილ ბგერებს აგროვებს,
და ეშმათფერა ფიქრების ჩათვლით
სუყველა ვნებას ასამყაროებს !

რად გამორბიან ჩემსკენ სახლები?!
(ვერსად კი ვხედავ თუმცა მარეკებს...)
და საალერსოდ ხელებს გაშვერილს,
ფიალჯამივით დაცლილს აჩეჩებ.

თითქოს სამყარომ,დღეს ნათუხთუხარს
ნისლი მოქაფა,ცეცხლზე-თუჯივით,
უკვე გამყარა სიტყვებს მუხთლურად
და ვიშველიებ ხელებს მუნჯივით.

ქარს სახრესავით გადაკრავს ხეებს,
გააყრევინებს ვიდრემდე ნუჟრებს,
ტოტებზე წითელ ფოთლების ცეცხლიც
ალიყურივით შემოჰკრა მუხებს.

გაირბენ ჩიხებს,დაგაწევს ვიდრე,
მოგხვდება ვიდრე სამყაროს ტერფი,
მეხამრიდებად აღმართავ ფიქრებს,
მობაგიბუგობს სამყარო ფეთქვით.

რომ ბოლობოლო შეკრა კამარა,
ბოლო მოუღო თავთან თარეშებს,
ეს აფრენაა ლოცვის ამარა,
ეს გაფრენაა ფრთების გარეშე!

დღეც უნებურად უჩქარებს ნაბიჯს,
ხორხიდან დახსნილ ბგერებს აგროვებს,
და ეშმათფერა ფიქრების ჩათვლით,
სუყველა ვნებას ასამყაროებს!

მერაბ სალუქვაძე უსათაურო

Sun, 13 Oct 2019 21:41:08 +0000

რად გინდა ყალბი აკორდი,
მაშ, რის მომტანია ის?
ჩემს გულს თუ გაუთავებლად,
აწვიმს და თოვლი ცრის.

ნანა სელეპანოვა - შენ არვის დაეკარგები

Sun, 13 Oct 2019 19:46:22 +0000

განშორდე ყველას, ასე უბრალოდ,
თითქოს და შენთვის არაფერია,
მათ დაბრუნებას, აღარ უცადო,
წავიდეს, ვინც კი წასასვლელია.

იმედის თვალით შეჰყურებ მერმისს,
ფუჭად განვლილი დრო გეცოდება,
ის, ვინც კი, მართლა იწამა შენი,
შენგან არაფერს არ ელოდება.

სიკეთე - ბრმაა, ცოდვა - შურია,
განდიდებული არის მჩაგვრელი,
და ეს სიტყვებიც გადაკრულია,
შურისძიების ბრმად ამსახველი.

გაჰქრნენ კეთილნი, გულით მართალნი,
ქვეყნად ცოდვილნი მრავლად არიან,
და შენ კი, მაინც დარჩე ალალი,
ალბათ, ეს უფრო შემზარავია.

თუ რამ იღვაწე, თუ რამ შეჰქმენი,
შეაკოწიწე ქართულ ანბანით,
ეს ყველაფერი იყო ზედმეტი,
შენი ცრემლებით გადანაბანი.

მერე კი, ლექსით ისე ანგრევდი,
არაფეთქებულ სიტყვებს დანაღმულთ,
თითქოს, არც არვის დაეკარგები,
რომ გიპოვიდნენ მათთვის დაკარგულს.

შენ მაინც დარჩი, არსად წახვედი,
მხოლოდ ფიქრიდან ყველა განდევნე
და ვიდრე, კადრებს გადაახვევდი,
თავისი წასვლით გაგაცამტვერეს.

არც შენი ყოფნა არის ნამდვილი,
არც არვინ არის შენი მძებნელი,
ის, რაც გაეცი - იყო სამხილი,
და რაც მიიღე - გაუცემელი!

მერაბ სალუქვაძე – ნანატრი დღეები –

Wed, 31 Jul 2019 18:45:46 +0000

– ნანატრი დღეები –

გადიან დღეები,
როგორ ვბერდებით,
მიდიან ისე რომ,
ვერაფერს ვხვდებით..
რას ვტოვებთ ქვეყნაად?
ისეთს არაფერს,
რისთვის ვართ
რა გვინდა?
თუ მაინც ვკვდებით..

მერაბ სალუქვაძე უსათაურო

Mon, 29 Jul 2019 20:15:34 +0000

ვგრძნობ,
მალე წავალ
მე ამ ქვეყნიდან
და ეს გზა იქნება
უსასრულობის..
გამყვება დარდი,
ტკივილი, შფოთვა,
ფიქრი და ფიქრი
მომავლის რწმენა..

ვიცი, ერთ დღეს
წვიმა გადარეცხავს
ყველა ჩემს ნაფიქრალს,
ნაფეხურს, მანძილს,
ბავშვობიდან დღემდე,
რაც ამივლია, რაც ჩამივლია
და წაიშლება ყველა კვალი
ადამიანობისა, კაცობისა,
რაც მთელი ჩემი ცხოვრება
ავად თუ კარგად ვთესე..

ხშირად სევდიანი,
ნახევრად შეშლილი
შლეგიანივით ამოვირბენდი აღმართს,
მაღლა და მაღლა
და გადაღლილი
ჩავუყვებოდი დაღმართს
წვიმაში, ქარში..

ვიცი, მე კარგად ვიცი,
უჩემოდ მოიწყენს მასა,
ირგვლივ ყვავილები,
რომელსაც განთიადისას
ყველაზე ადრე ვეგებებოდი
და ვუზიარებდი ყველა ჩემს ნაფიქრალს..

არა, მე კარგად ვგრძნობ
მალე წავალ წუთისოფლიდან
და ეს გზა იქნება უსასრულობის..
დარჩება დარდი,
წუხილილი, მოთქმა,
ფიქრი ყოველთა..
ყველა ის დღენი,
მონატრება აწ გარდასული,
თუმცა უჩემოდ
ის ნანატრი წლები..

მერაბ სალუქვაძე უსათაურო

Wed, 19 Jun 2019 18:41:22 +0000

გული ქვეყნის ოდენა,
კვლავ კრთის, როგორც ლამპარი,
ბოლოს უახლოვდება,
ჩემი დიდი ზღაპარი..
დღეებს შემატებია,
ორი სხივი ახალი,
ერთი დედის ფრთებია,
მეორე, მამის ფარ - ხმალი..

მერაბ სალუქვაძე – გადაღლილი ქუჩები ––

Tue, 04 Jun 2019 21:15:57 +0000

და მაშინ როცა,
გადაღლილია ხალხით ქუჩები,
თეთრი სისხლი აწუხებს ბევრს,
შიშველ სხეულებს
როცა ირგვლივ ბოლო არ უჩანს,
ეს როგორც ყველას,
მაშფოთვებს მეც..
#
ხალხი არ ცხრება
გადაკვირტულ აპრილის ჟინით,
სადღაც ბავშვებიც ირთობენ თავს..
დათუ თავის განწირვა დღეს ვინმეს უღირს,
დღეს რა საჭიროა
მარტოდ ღელავდეს ზღვა..
#
დღე არის მშვიდი,
თონესავით ცხელ – ცხელი ქვიშა,
მღელვარე გული გახდა ლოდივით
და როგორც ყველა შემყურე
ზღვისპირა ქუჩას!
დაეოლოდება მომაკვდავი,
ხვალინდელ დღეს..

#
მაშინ როდესაც
დაცვარულია ირგვლივ მინდვრები,
ძვირფასო!
შენზე ფიქრები
რატომღაც
აღარ მასვენებ დღეს..

მერაბ სალუქვაძე უსათაურო

Tue, 04 Jun 2019 01:14:35 +0000

გახსოვს? ერთხელ მოვედი შენთან,

ვითომდა მაშინ ვეღარ მიცანი,

გუშინ ხომ შენი, – შენი ძმა ვიყავ,

დღეს კი საერთოდ ვერ შემიცანი..

მერაბ სალუქვაძე – შავბნელი ღამე –

Tue, 28 May 2019 19:35:51 +0000

– შავბნელი ღამე –

იქნება ღამე
შავბნელი დღესაც,
ჩავიძირები
ტრფობით მორევში,
ტუჩზე ნაკოცნი
ამბორის გარდა,
შეგისრუტავდი
მთელი გრძნობებით..
იქნება ღამე,
უსასრულობის
და როიალის
ტკბილი ჰანგები,
ჯერ არ ნახულო
ჩემო ფიქრებო,
მომენატრებით
ვიცი ყოველთვის..

მერაბ სალუქვაძე – მონატრება

Mon, 27 May 2019 19:20:14 +0000

ქარი ქრის სადღაც,
ჩემს გულს ატოკებს
და მონატრება
კურნავს იარებს,
ასე შორს რად ხარ?
მითხარ, ძვირფასო!
რომ დააობლე
ჩვენი სიკარგე..

*
შლეგიანივით
ყველგან დაგეძებ!
მყემსში გამიშრა
სისხლი მჩქეფარე,
თვალებით ისევ
დღესაც მოგელი!
თუმცა ვერ ვპოვე
ვერსად სინათლე..

*
ისევ ქრის ქარი,
დარში, ავდარში,
ნამგალა მთვარე
შორ გზებს მინათებს,
ქუჩები ძველი,
მივიწყებული,
სდუმს და მოელის
ახალ ნაკვალევს..