პურზე ღვინო დამიწვეთეთ

პურზე ღვინო დამიწვეთეთ

(purze gvino damiwvetet)


პურზე ღვინო დამიწვეთეთ, უფრო მისავალი არის
წინაპართა გახსენება ყველას წმინდა ვალი არის,
შვილიშვილი დასაფიცად ეკლესიის ზარი არის
თუ რამ ჩემში კარგი ნახოთ სულ იმათი ბრალი არის.
არასოდეს გიღალატებს მოქეიფე კაცის შვილი
ვერა ჰპოვებს მუხანათებს ალალ ლუკმით გამოზრდილი,
არასოდეს არ ბრმავდება მიღებული პურმარილით
სწორედ ასე დაბერდება მისი პირმშო, მისი შვილი.
ფულის მონა არ გახდება, დღეს მოგებულს დღესვე ხარჯავს
კეთილ საქმეს ენაცვლება მისი შრომა მისი გარჯა.
ჩამომისხით ბიჯო ღვინო თორემ გული დამეტანჯა
ერთდღეს ჩვენც ხომ გვახსენებენ გადვიქცევით
სუფრის ხარჯად.

სადღეგძელო ყველა კაცზე არ ითქმევა,
ცრემლი ყველა მიცვალებულს არ ეფრქვევა,
ყველას გამოწვდილი პური არ იჭმევა,
ყველას გამოწვდილი ღვინოც არ ილევა,
სათამადო ყველა კაცს ხო ვერ აირჩევ
ვინც ღვინოს სვავს სადღეგრძელო არ ელევა
ნასესხები სიტყვებით რო გადღეგრძელებს
იმ სუფრიდან ფხიზელიც რო გაიქცევა.
პურზე ღვინო დამიწვეთეთ უფრო მისავალი არის
წინაპართა გახსენება ყველას წმინდა ვალი არის
და თან მათი მადლი არის....


ძმობის სადღეგრძელო

ძმობის სადღეგრძელო

(dzmobis sadgegrdzelo)


ასწი! შეგერგოს
დედის რძესავით
და გულისათვის
დაგრჩეს მალამოდ!

შენ გენაცვალე!
კვლავ ძმობისათვის
ეს სადღეგრძელოც
შესვი, გაამოს


შეგვეწიოს ყოვლად წმინდა

შეგვეწიოს ყოვლად წმინდა

(Shegvewios yovlad wminda)


შეგვეწიოს ყოვლად წმინდა,
ხოტევი და ნიკორწმინდა,
ზემო ბარი, ქვემო ბარი
მრავალძარი და კვირიკეწმინდა,
აგარა და უყეშიო,
გმერთმა მოგვცეს ნუგეშიო
ყოვლად წმინდა ღვთისმშობელი
მოდიოდა ფეხშიშველი
ღმერთმა ყველა გვიდღეგრძელოს
სტუმარი და მაინძელი
თოფი ლულა საკიდელი
ღვინო არ მაქვს საყიდელი
ორივე ხელუკას მოვკიდებ
რომ არ დამექცესაო
ცაში ღმერთს,მთაში სალოცავს
მიწაზე ჩვენ და მიწისქვეშ ჩვენ წინაპრებს გაუმარჯოთ<


გულწრფელ სიყვარულს გაუმარჯოს

გულწრფელ სიყვარულს გაუმარჯოს

(gulwrpel siyvaruls gaumarjos)


ამ ჭიქით იმ დღეს იმ წამს იმ წუთს იმ ადგილს გაუმარჯოს სადაც ერთმანეთი ვნახეთ და სადაც ერთმანეთი გავიცანით და სადაც ერთმანეთი გულწრფელად შეგვიყვარდა ტველა შეყვარებულ ადამიანს გაუმარჯოს..... ცალმხრივსააც რომელიც უდიდეს ტკივილს ინახავს და ორმხრივსაც რომელიც უდიდეს სიხარულს გვანიჭებს..... ნამდვილს გულწრფერ სიყვარულს გაუმარჯოს რომელიც უფლის მიერ არის მონიჭებული......


იმ კაცს გაუმარჯოს

იმ კაცს გაუმარჯოს

(im kacs gaumarjos)


იმ კაცს გაუმარჯოს, რომელიც სიყვარულზეა შეყვარებული და უსიყვარულოდ დადის...


გულს გაუმარჯოს


ეს იმ პატარა გულს გაუმარჯოს

(es im patara guls gaumarjos)


ეს იმ პატარა გულს გაუმარჯოს
უდიდესი ოცნების დატევა რომ შეუძლია
იმხელა ოცნების დედამიწას რო შემოუვლის
და უსასრულობაში გაიჭრება


ეს იმ პირველ კოცნას უნდა გაუმარჯოს

ეს იმ პირველ კოცნას უნდა გაუმარჯოს

(es im pirvel kocnas unda gaumarjos)

ეს იმ პირველ კოცნას უნდა გაუმარჯოს
მოულოდნელად სულს რო შეგიგუბებს,
მერე გონს მოსული ჩუმად რო ატირდები
და ცხელი ცრემლების დააყენებ გუბეს.
ეს იმ პირველ სიყვარულს უნდა გაუმარჯოს
მასზე გათენებულ გამეს რო დაიფიცებ,
ყოველთვის ეცდები მის გადავიწყებას
მაგრამ ვერასდროს რო ვერ დაივიწყებ.


თქვენი მიწის ნამცეცი ვარ

თქვენი მიწის ნამცეცი ვარ

(tqveni miwis namceci var)


თქვენი მიწის ნამცეცი ვარ
ნატეხი ვარ თქვენი ქვისა
თქვენი ღრუბლის ნაჯური ვარ
ლაჟვარდი ვარ თქვენი ცისა
თქვენი ვაზის ცრემლები ვარ
წვეთები ვარ თქვენი წყლისა
თქვენი ფიქრის ნაწილი ვარ
სიტყვები ვარ სტრიქონისა
ხან მწყემსი ვარ ხან მებაღე
ხან შეშლილი ხან მისანი
მაგრამ მაინც ჩემო ხალხნო
თქვენ ხართ ჩემი საფიცარი
მინდა ყველას შემოგევლოდ
ცისარტყელად დაგამშვენოდ
მერმე ჩემი დალოცვისთვის
ღმერთმა ყველა გადღეგრძელოდ.


დედა - ეს ორი სიტყვის მარცვალი

დედა - ეს ორი სიტყვის მარცვალი

(deda - es ori sityvis marcvali)


დედა - ეს ორი სიტყვის მარცვალი
ისე სანუკვარ სიტყვად ვიცანი
რომელ სახელსაც მივუსადაგე
გახადა სათნო და საფიცარი
დედამიწა თუ დედასამშობლო
დედაბოძი თუ დედაქალაქი
გუთნის დედა თუ აზრების დედა
თუ დედულეთის ტკბილი ამაგი
სუყველა დედამ გაალამაზა
ვაჟკაციც დედით არის ძლიერი
სანამ დედა გყავს რა დაგაბერებს
სანამ დედა გყავს ხარ ბედნიერი
მინდა დავლოცო დედის ლოდინი
დედის გული და დედის თვალები
დედის კალთა და დედის სიმღერა
დედასტან ერთად ყველა ქალები
მინდა დავლოცო მინდა ვუსურვო
ჯამრთელობა და ტკბილი დედობა
ვისაც ეკუთვნიის ჩვენი ხელიდან
იმათ შენდობა.


ისეთ კაცს გაუმარჯოს

ისეთ კაცს გაუმარჯოს

(iset kacs gaumarjos)


მოდი ისეთ კაცს გაუმარჯოს, რომელიც ღირსი არ არის და უჭირს, და ისეთ კაცს გაუმარჯოს, რომელიც ვალდებული არ არის და დაეხმარება.