დიდება უფალს, ამინ...

დიდება უფალს, ამინ...

(dideba ufals, amin)


ამ სასმისით დღევანდელი უდიდესი დღესასწაული მინდა ვახსენო, მაცხოვრის აღდგომას ზეიმობს მთელი ქრისტიანული სამყარო, დიდება უფალსა ჩვენსა, იესო ქრისტეს ჩვენი ცოდვებისთვის წამებულსა და მკვდრეთით აღმსდგარს, შეგვეცნოს და დაგვეფასებინოს ეს უდიდესი მადლი და ძალა მისი, დიდება უფალს, ამინ...


დამილოცნიხართ ქართველებო, მრავალჟამიერ!!!

დამილოცნიხართ ქართველებო, მრავალჟამიერ!!!

(damilocnixart qartvelebo, mravaljamier!!!)


ეს გაუმარჯოს ყრმის ნათლობას, ქორწილს, ძეობას,
ქართულ სუფრასთან ტოლუმბაშის ენამზეობას,
ეს გაუმარჯოს საქართველოს იმერ-ამიერს,
დამილოცნიხართ ქართველებო, მრავალჟამიერ!!!


სიყვარულს გაუმარჯოს

სიყვარულს გაუმარჯოს

(siyvaruls gaumarjos)


წუხილს გაუმარჯოს, მზერაში დაფარულს,
ფიქრს გაუმარჯოს, ტკივილით დაღალულს,
თვალებს გაუმარჯოს, უსაზღვროდ სევდიანს
იმ მზერით, რომ ყველაფერს გეტყვის.

სიყვარულს გაუმარჯოს, ჩვენს პირველ სიყვარულს,
ბოლოს, რომ შეგხვდება კიდევ იმ სიყვარულს.
დარდიან გულსა და დაფარულ სიხარულს,
სიყვარულს გაუმარჯოს იმ პირველ სიყვარულს.

იმ ფიქრს გაუმარჯოს, ღიმილს და სიკეთეს,
ჩვენს გულში მალულად ბუდეს რომ იკეთებს.
ოხვრას გაუმარჯოს და გრძნობას შორეულს,
ნატვრას გაუმარჯოს, ყველასგან დაფარულს,
სიყვარულს გაუმარჯოს, თუნდაც დაკარგულს .


მონატრების სადღეგრდძელო

მონატრების სადღეგრდძელო

(monatrebis sadgegrdzelo)


მე მონატრების სადღეგრდძელო მინდა დავლიო,

და მათიც,ვისაც მონატრებით ქვეყნად უვლია,

მე სიყვარულის სადღეგრძელო მინდა დავლიო,

რამეთუ ქვეყნად მონატრებაც სიყვარულია


მშვიდობის სადღეგრძელო

მშვიდობის სადღეგრძელო

(mshvidobis sadgegrdzelo)


საქვეყნოდ ცნობილი ჭეშმარიტებაა: ,,ცხოვრება ის დღეები კი არ არის, რომლებიც მიდიან უბრალოდ, არამედ ის დღეებია, რომლებიც გვამახსოვრდება, რომლებიც წარუშლელ კვალს ტოვებენ ჩვენი არსებობის ყანობილზე.” ქართული სუფრა, ბატონებო, თავისი შინაარსით საოცრად ტევადია, მრავალფეროვანია და, რაც მთავარია, შემეცნებითი ხასიათის მქონე. ტყუილად როდი უწოდებენ მას უცხოელები ,,აკადემიას.” თავის დროზე ის მართლაც აკმაყოფილებდა ყველა ამ მოთხოვნას. საქართველოს ისტორიაში, როგორც მოგეხსენებათ, არ ყოფილა ისეთი ეტაპი, რომ მშვიდობა სანატრელი არ გამხდარიყო. ასე იყო დასაბამიდან და, საუბედუროდ, ასე გრძელდება დღესაც. აი, ასეთი იყო ქართველთა სავალი გზები, აი, ასეთი იყო ქართველთა ბედისწერის უხმო ძახილი ამ გზებზე. არ გაუბოროტებია და სიცოცხლის ხალისი არ წაურთმევია. და იდგა, ლომივით იდგა, საუკუნეთა არმურში ჯავშანგაუხდელი ქართველი კაცი. იბრძოდა - მშვიდობისთვის იბრძოდა. ლოცულობდა - მშვიდობისთვის ლოცულობდა. ეფერებოდა მიწას და ვაზს. მშვიდობა ვუსურვოთ მშვიდობას დანატრებულ ქართველ კაცს! მსოფლიოსაც გადავაწვდინოთ ჩვენი ხმა. ვუსურვოთ, ბოროტისა და კეთილის მარადიულ ჭიდილში, ერთხელ და სამუდამოდ გაგვთენებოდეს ისეთი დღე, რომ ჩვენს თავზე გვეთქვას ჩვენივე ბუმბერაზი წინაპრების გენიალური სიტყვები: ,,ლხინი მოგვეცა, მოგვშორდა ყოველი ჭირი ძნელია. მზე მოგვეახლა, უკუნი ჩვენთვის აღარა ბნელია, ბოროტსა სძლია კეთილმა, არსება მისი გრძელია.” მშვიდობას გაუმარჯოს, მეგობრებო!


დაასხი!

დაასხი!

(daasxi !)


- დაასხი! ნაღდი სიყვარულის უნდა დავლიო,
ქვეყანა ცრემლის საუფლოა, სევდის გზა არი!
- დაასხი, მუქთად დაგიხატავ შემკრთალ ალიონს,
დასტით, დუდუკით, თეთრი კრავით, დილის საარით!..

-დაასხი, ამ გზას მწუხარებით ბევრი ჩაივლის,
სანამ დრო არის, სანამ შემწედ არის უფალი,
სანამ მეძახის აშხვირებულ მთვარის დაისით,
განათებული ორთაჭალა, ვარდისუბანი..

დამცხრალა ძველი მუხამბაზი-რა დრო გავიდა!
რაც დარჩენილა, მასაც ალბათ ტილოს გავატან..
გაღიმებული მივტანტალებ იქით, საითაც
ეს დალოცვილი მზე თავდება, ქრება თანდათან..

შენ-შენი დახლით, ოქრო-ვერცხლით, არღნით, ამქარით,
მე-ჩემი დარდით, მარტოობით, გულის საკლავით,
-ღმერთის წინაშე შიშვლები ვართ, ბოლოს ორივეს,
დედიშობილას მიგვიბარებს სადმე საფლავი


გაუმარჯოს ქართულ ვაზს

გაუმარჯოს ქართულ ვაზს

(gaumarjos qartul vazs)


გაუმარჯოს ქართულ ვაზს,
ბევრი ჭირის გადამტანს,
გაუმარჯოს ვაზის წვენს,
ის ამაგრებს ქართულ გენს,

გაუმარჯოს ქართულ სულს,
ტრადიციებს არნახულს,
გაუმარჯოს ქართულ სუფრას,
სუერის თავში მუდამ მჯდომს,

დამერწმუნეთ მსოფლიოში,
ვერსად ვნახავთ ანალოგს.
გაუმარჯოს ქართველ ქალებს,
ეშხიანებს და წარმტაცებს.

გაუმარჯოს ჩვენს სამშობლოს,
გაუმარჯოს ქართველ ერს,
გაუმარჯოს უნეტარესს,
მისი ლოცვა გადაგვარჩენს


სადღეგრძელო ლექსად

სადღეგრძელო ლექსად

(sadgegrdzelo leqsad)


თეთრად ნათევ ღამეს გაუმარჯოს,
უსარულო ბილიკს და გზას,
ყველა მთვრალ სიცოცხლეს გაუმარჯოს,
ყველა გზა აბნეულ მგზავრს...


სადღეგრძელო

სადღეგრძელო - sadgegrdzelo

სავალ გზაზე სილამაზე
სანთელივით გენთოს
სულ სიკეთე გეთესოს და
სიყვარული გემკო

თმა და წვერი ბამბასავით
დაგფენოდეს თეთრად
სიცოცხლესთან სიმრავლესთან
სიხარულთან ერთად

ღმერთმა მოგცეს ჯანი მთელი
მხიარული გული
სილამაზე სიკეთე და
დიდი სიყვარული


მე ახლა მივხვდი

მე ახლა მივხვდი (me exla mivxvdi)


მე ახლა მივხვდი, რატომ სვამენ კაცები ღვინოს,
თამბაქოს კვამლში რად ახვევენ მზერას დარდიანს,
შეეშინდებათ სიფხიზლეში მუხლზე დაცემის
დათვრებიან და,სულ ბახუსის ფრთებით დადიან.
დამისხით ღვინო,ეგებ ვიგრძნო ძალა ამ ღვინის
თამბაქოს კვამლმა ეგებ ღამე გამათევინოს,
დამალევინეთ,გევედრებით, დამალევინეთ,
და თუნდაც ერთი სადღეგრძელოც არ მათკმევინოთ.
მე უღვინოდაც მუხლმოყრილი ვხვდები ალიონს
და ცრემლის მძივი მახვევია ყელზე რკალივით,
შენი სიცოცხლე სადღეგრძელოდ მინდა დავლიო
და სული შენი შევისუნთქო რუხი კვამლივით.