ცხოვრებას გაუმარჯოს - Cxovrebas gaumarjos

ზღვის პირას სველ სილას მიუყვება ხან ერთი, ხანაც ორი კაცის ნაკვალევი.
- ეს ვისი ნაკვალევია, უფალო?
- იგი შენს მიერ განვლილი ცხოვრების გზაა შვილო ჩემო.
- კი, მაგრამ ეს მეორე ნაკვალევი ვისია?
- ეგ ჩემი ნაკვალევია, მე ხომ მთელი ცხოვრების მანძილზე შენთან ვიყავი.
- და, მაინც მიგიტოვებივარ უფალო. სილას ზოგჯერ მარტოდმარტო მიუყვება კვალი ჩემი.
- შენ ისევ ცდები, შვილო ჩემო. მარტოდ მიმავალი კვალი ჩემია. შენი ცხოვრების უმძიმეს წუთებში მე ხომ ხელში აყვანილი მიმყავდი...


გაუმარჯოს - Gaumarjos

მაღლა ღმერთს...მთაში სალოცავებს..ბარში ჩვენ და მიწაში წინაპრებს გაუმარჯოს...


დედის სადღეგრძელო - Dedis sadgegrdzelo

შენი თვალების შუქი არის ჩემი ფარანი…
ნათლით, რომელიც შენ მიბოძე,სული ივსება.
მე შენს სიყვარულს ვერ მასწავლის კაცი მავანი,
ვიდრე თან მახლავს პატიოსან კაცის ღირსება.
მე სალოცავი შენზე წმინდა არ გამაჩნია.
შენი თვალებით დავინახე სამყარო ვრცელი…
ვიდრე ცოცხალ ვარ გზას მინათებ,მწამს-თუ დავეცი,
შენ ერთადერთი მეახლები ერთგული მცველი!
გშვენის ცალ უღელს, ვაჟკაცური მოუდრეკლობა.
გაგვილამაზე დღენიადაგ ცხოვრების ფარდა…
ვერაფრით შევძლებ შენს წინაშე ვალის გადახდას,
რა გამაჩნია ამ უცოდველ ლექსების გარდა?!
შენი თვალების შუქი არის ჩემი ფარანი…
მე შენს სიყვარულს ვერ მასწავლის კაცი მავანი!..


დედის თვალებს გაუმარჯოს - Dedis tvalebs gaumarjos

"ჩვილმა თვალები გაახილა და ორი ვარსკვლავი დაინახა და მერე, მთელი ცხოვრების მანძილზე,
უფრო მშვენიერი ვარსკვლავები არც ერთ ცაზე არ შეუმჩნევია". დედის თვალებს გაუმარჯოს.


სამი დედის სადღეგრძელო - Sami dedis sadgegrdzelo

"ამ სასმისით მსურს სამი დედის სადღეგრძელო შევსვა.
პირველი დედა - ქართლის დედა - რომელიც ამაყად თბილისს დაყურებს და სტუმარს ამცნობს, რომ მტერს მტრულად დავხვდებით და მოყვარეს - მოყვრულად.
მეორე დედა - ჩვენი მშობელი დედა - რომელმაც სიცოცხლეში მოგვავლინა,აღგვზარდა და ყველაზე ახლო არსებას წარმოადგენს ჩვენთვის.
მესამე დედა - ჩვენი შვილების დედა - რომელმაც ჩვენ შვილები უნდა გვაჩუქოს დააღზარდოს. განა ვის შეიძლება ვანდოთ ეს მისია თუ არა ჩვენ ყველაზე საყვარელ არსებას!


დედის სადღეგრძელო - Dedis sadgegrdzelo


ერთხელ მეგობრები სანადიროდ წავიდნენ. ნადირობის მერე ნანადირევი შეწვეს სუფრა გაშალეს იქვე ტყეში და ქეიფი დაიწყეს............. უკვე საკმაოდ მთვრალები იყვნენ როდესაც მგზავრმა ჩამოიარა გზად და როგორც ქართველელთა წესია სუფრაზე მიიპატიჟეს.............. მგზავრიც მივიდა და თქვა ბევრი დრო არ მაქვს ამიტომ მხოლოდ ერთ სადღეგრძელოს შემოგთავაზებთ, რომელიც ალბათ უკვე შესვით, მაგრამ მე მაინც ვიტყვი: ქართველი დედის სადღეგრძელო მინდა დავლიოო........ სუფრის წევრებმა ერთმანეთს გადახედეს და დაშერცხვენილად ჩაილაპარაკეს არა არ შეგვისივიაო. მაშინ სტუმარი ადგა, ჭიქა უკან დააბრუნა და თქვა ასეთ სუფრაზე მე სადღეგრძელოს თქმას არ ვიკადრებო და წავიდა.............
ხოდა მოდი სანამ ჩვენს სუფრაზეც ჩამოუვლია ასეთ კაცს, ქართველი დედის სადღეგრძელო ვთქვათ, იმ დედის რომელიც შვილს ომში წასვლის წინ არიგებდა მირჩევნია შენი სიკვდილის ამბავი შევიტყო, ვიდრე უკან დამიბრუნდე შერცხვენილიო.................


იმედს გაუმარჯოს - Imeds gaumarjos

ღმერთმა ადამიანს 3 კიდობანი გამოატანა და გააფრთხილა: დედამიწამდე არ გახსნაო! სულმა წასძლია ადამიანს და ერთი გახსნა. ამოფრინდა იქიდან სიცოცხლე და გაუფრინდა... კიდევ წასძლია სულმა...ამოფრინდა იქიდან სიყვარული და გაუფრინდა! ჩამოიტანა 1 კიდობანი დედამიწაზე და გახსნა - ამოფრინდა იქიდან იმედი, გულში ჩაუფრინდა და დღემდე მასთან ცოცხლობს!


ფიქრს გაუმარჯოს - Fiqrs gaumarjos

როდესაც ვინმე გკითხავს რაზე ფიქრობო, და შენ ეტყვი არაფერზეო, მოდი იმ არაფერს გაუმარჯოს, რომელიც სხვისთვის არაფერია და შენთვის ყველაფერი.


ნეტას გაუმარჯოს - Netas gaumarjos

ნეტა-ს სადღეგრძელო არ დაგვილევია მგონი!ყოველი თქვენგანის ნეტას გაუმარჯოს!
"ეს შეუძლებელია" — თქვა მიზეზმა.
"ეს უაზრობაა!' — აღნიშნა გამოცდილებამ.
"ეს უსარგებლოა!" — უარყოფდა სიამაყე.
"სცადე" — წასჩურჩულა ოცნებამ …


ოცნების - Ocnebis

მოდით იმ ოცნებას გაუმარჯოს, როდესაც ტკბილად ჩაფიქრებულს შეგეკითხებიან, "რაზე ფიქრობ?" და უპასუხებ "არაფერზე". იმ არაფერს გაუმარჯოს რომელიც სხვისთვის არაფერია, შენთვის კი ყველაფერი.