ოჰ, ეს დოქები!

ოჰ ეს დოქები!

(oh es doqebi)


ოჰ ეს დოქები! თვალიც დალევს სველი ხელადით,
და მე რაღა ვარ, მეც შემივსეთ ერთი ფიალა,
ჩემი მიჯნური სხვასთან იყოს, თვალით ვხედავდე,
ქვევრებით დავლევ აწი ღვინოს, ყანწით კი არა.

ძმანო ლოთებო! მინდა იყოს ყველა ლამაზი,
რომ ტრფიალებამ ერთნაირად კარი გააღოს,
უსიყვარულოდ ვიღუპები, ღვინო დაასხით,
იქნებ ბახუსის ნაპერწკლებმა დარდი გაალღოს


ჩვენ გაგვიმარჯოს !!!

ჩვენ გაგვიმარჯოს !!!

(chven gagvimarjos)


ერთ ბრძენს უთქვამს "სიყვარულში ერთმანეთს იცნობენ, იმიტომ რომ ერთმანეთი უყვართ, ხოლო მეგობრობაში იმიტომ უყვართ ერთმანეთი, რომ ერთმანეთს იცნობენ. მაშ გაუმარჯოს იმათ ვინც ერთმანეთს იცნობს, ჩვენ გაგვიმარჯოს!


ადამიანობას გაუამრჯოს

ადამიანობას გაუამრჯოს

(adamianobas gaumarjos)


ძველთაგან სამი რაღაც აქვს საქართველოს და ქართველებს, პირველი ეს არის ჯვარი, მეორე ეს არის ხმალი და მესამე ეს არის ადამიანობა!! ჯვარი ეკლესიამ ჩაიბარა, ხმალი-ისტორიამ, ადამიანობა კი ვისურვებ, რომ ყველა ქართველმა ჩაიბაროს!! მოდით ამ ჭიქით ადამიანობას გაუმარჯოს!!


ბევრი დამისხით!

ბევრი დამისხით! (bevri damisxit!)

ბევრი დამისხით!-დღეს სურვილი მაქვს სიმთვრალით მოვკვდე
სიყვარულისთვის წამებული ტოტივით მოვტყდე!
გემივით ისე ჩავიძირო გრძნობის ზღვის ფსკერზე
საუკუნეთა განვლის შემდეგაც ლექსი თქვან ჩემზე!
კიდევ დამისხით-ხომ შეხედეთ მაინც ვერ ვთვრები
ეს სადღეგრძელო მინდა შევსვა ვაზის ცრემლებით
გულით გისურვებთ-სიყვარულის ერთი გზით გევლოთ
და თუ დაგჭირდათ ჩემი სიცოცხლე თქვენ შემოგევლოთ
ეხლაც დამისხით!-დამაძალეთ!- სევდის დამისხით!
თუ ვერ გამიგეთ- მაპატიეთ დღეს ვერ აგიხსნით...


ასე ლოდინით რომ დავიღლები


ასე ლოდინით რომ დავიღლები

(ase lodinit rom daviglebi)


ასე ლოდინით რომ დავიღლები,
ერთხელაც დავლევ აწეულ ჭიქას
და ყველას თვალწინ შენ სახელს
ვიტყვი, ხალხო ეს გოგო ძალიან
მიყვარს."


ეს გაუმარჯოს ლამაზ სიყვარულს

ეს გაუმარჯოს ლამაზ სიყვარულს,
ნუშის და ატმის თვალის გახელას,
ლურჯთვალა იას,კაბა მოხატულს,
და სიყვარულის პირველ გამხელას...


გაუმარჯოს ...

ეს გაუმარჯოს კლდეში გამოკვეთილ ხავსიან კედელს, ამ კედელზე დანთებულ წყვილ სანთელს, იმ სანთელზე დაღვრილ ცრემლებს და იმ ცრემლებში ჩაქსოვილ ნაღველს!!


გაუმარჯოს იმ უთქმელ გრძნობას თქმა რომ არასდროს არ უწერია...

ჩუმად გასულა ლამაზი წლები
ის დრო ნანატრი სიყმაწვილისა
ის მონატრება და ის ფიქრები
და ოცნებები სიყვარულისა...

დავლოცავ ისეთ ლამაზ სიყვარულს,
რომელსაც არ ჰყავს ქვეყნად მტერია
და გაუმარჯოს იმ უთქმელ გრძნობას
თქმა რომ არასდროს არ უწერია...


სადღეგრძელო

მე მინდა შენი სადღეგრძელო ისე დავლიო
მე მინდა შევსვა მაგ თვალების არდავიწყება
წუთი სოფელი შენზე ფიქრში მინდა გავლიო
ოღონდ ამისთვის გევედრები ნუ გამიწყრები
მე ისიც მინდა ეგ თვალები მე მეკუთნოდეს
ჩემზე ფიქრებმა გაგიჩინოს გულში იარა
ეკლესიაში შედიოდე სანთელს ანთებდე
და მხოლოდ ჩემზე ლოცულობდე სხვაზე კი არა.


ამ ქვეყნად გვიან მოვედით და მივდივართ მალე

გვსურს თუ არა გვსურს, ერთ დროს ყველა დავხუჭავთ თვალებს,
წავალთ ამ სოფლით და მოვიხდით ქვეყნიურ ვალებს.
დავლიოთ ერთად, მეგობრებო, დავლიოთ ერთად!
ამ ქვეყნად გვიან მოვედით და მივდივართ მალე.