Сегодня:
თბილისი C
ახალი დამატებული
მხოლოდ ყველის ნაჭრის დაკარგვის შემდეგ მოიპოვა ყვავმა სიტყვის თავისუფლება. ...
მუდამ მაოცებენ ადამიანები, რომლებიც მოითხოვენ მათ პატივით მოეპყრონ, როდესაც...
"ახალგაზრდობაში გოგო მოვიტაცე, იგი დღეს ჩემი ცოლია სიმამრმა ისეთი სიტყვებით...
3 დაქალი განიხილავდა თავის სექსუალურ ცხივრებას. ერთი იყო დანიშნული, მეორე იყო...
დედა აძინებს შვილებს _ ანეკდოტი...
ირაკლი ღარიბაშვილი - უკვე წლებია, ასე განვითარდა ეს პროცესი და საჭიროებს სწორად...

„ბიძინა ივანიშვილი დღეს უკიდურესად ცუდ დღეშია - 9 წელი გავიდა და დღეს ისევ იქ ვართ, რომ ადამიანებს იარაღს უდებენ, იჭერენ, დედასთან მიდიან და ეუბნებიან, რომ ახლა შენს შვილს დავიჭერთ“

„ბიძინა ივანიშვილი დღეს უკიდურესად ცუდ დღეშია - 9 წელი გავიდა და დღეს ისევ იქ ვართ, რომ ადამიანებს იარაღს უდებენ, იჭერენ, დედასთან მიდიან და ეუბნებიან, რომ ახლა შენს შვილს დავიჭერთ“
07 сен 2021, 12:01, admin,
458 ნახვა

გიორგი გახარია: „ბიძინა ივანიშვილი დღეს უკიდურესად ცუდ დღეშია - 9 წელი გავიდა და დღეს ისევ იქ ვართ, რომ ადამიანებს იარაღს უდებენ, იჭერენ, დედასთან მიდიან და ეუბნებიან, რომ ახლა შენს შვილს დავიჭერთ“

„ბიძინა ივანიშვილი დღეს ძალიან ცუდ დღეშია - უკიდურესად ცუდ დღეშია! იცით რატომ?! - იმიტომ რომ უდიდესი იდეალებით, მიზნებით და ფასეულობებით მოსული ხელისუფლება - 9 წელი გავიდა და დღეს სამწუხაროდ ვართ ისევ იქ, რომ მიშა სააკაშვილი გვემუქრება ჩამოსვლით, ადამიანებს იარაღს უდებენ პოლიტიკური მოტივით და იჭერენ, ოჯახებში დედასთან მიდიან და ეუბნებიან, რომ ახლა შენს შვილს დავიჭერთ!“ - განაცხადა პარტია „საქართველოსთვის“ თავმჯდომარემ და თბილისის მერობის კანდიდატმა - გიორგი გახარიამ „რუსთავი 2“-ის ეთერში.

გიორგი გახარიამ პარტია „საქართველოსთვის“ მხარდამჭერის, აკაკი ბართაისთვის სამართალდამცავების მხრიდან იარაღის ჩადებასა და უკანონო დაჭერაზეც ისაუბრა. აკაკი ბართაია ანალოგიური დანაშაულის მსხვერპლი ნაციონალური მოძრობის დროსაც გახდა - ის ბუტა რობაქიძის საქმის დაზარალებულია და დაზარალებულად სტრასბურგის სასამართლომაც სცნო.

„აკაკი ბართაია იყო ადამიანი , რომელიც ბუტა რობაქიძის ქეისში დაზარალებული იყო! ხომ გახსოვთ ეს ქეისი? - მაშინდელმა უვარგისმა სამართალდამცავმა ორგანოებმა ამ ადამიანს ასევე ჩაუდეს იარაღი, ეს ადამიანი იყო დაზარალებული - წავიდა სტრასბურგში, იდავა, მოიგო სასამართლო და სტრასბურგის სასამართლომ დაადგინა რომ მას იარაღი ჩაუდეს, ის იყო დაზარალებული და საქართველოს მთავრობას განუსაზღვრა კომპენსაცია. ამ ადამიანმა კომპენსაციაზეც უარი თქვა. სოციალურად აქტიური ადამიანია და უბრალოდ იყო ჩვენი მხარდამჭერი.“- ამბობს პარტია „საქართველოსთვის“ თავმჯდომარე.

გიორგი გახარია ხაზს უსვამს, რომ აკაკი ბართაიას დაკავებამდე ორი კვირის მანძილზე ინტენსიურად აფრთხილებდნენ, რომ პარტიის მხარდაჭერას შეშვებოდა.

„იმის შემდგომ, რომ ორი კვირის განმავლობაში ინტენსიურად აფრთხილებდნენ - გაეცალე მაგათ, ამას გიზამთ, იმას გიზამთ - მცხეთის ტრასაზე გააჩერეს, მანქანის საბარგულში იარაღი ჩაუდეს და დაიჭირეს. 5 სხვადასხვა ადვოკატია და არცერთს ეჭვი არ ეპარება, რომ 100% -ით ეს არის ჩადებული. მეტსაც გეტყვით - შემდგომ, როდესაც ამ ადამიანმა სამართლიანად, კეთილსინდისიერად და ვაჟკაცურად თავისი პოზიციები დაიცვა და თქვა ის რაც მოხდა - ამის შემდეგ, როდესაც სასამართლოდან აბრუნებდნენ დროებითი მოთავსების იზოლატორში, პოლიციელებმა ვისაც მიჰყავდათ გადაუხვიეს და შეიყვანეს რაღაც ნაგებობაში და იქ კიდე დაემუქრენ - ახლა შენ გაჩერდიო, თორე კიდე უარესს გიზამთო. აი ეს არის რეალობა! ხომ არ გაგიკვირდათ?!“ - მიმართა გიორგი გახარიამ რუსთავი 2-ის ჟურნალისტს.

გაზიარება სოც ქსელში


აგრეთვე იხილეთ:
05 сен 2021, 12:48    200    0
"იყავი ის, რაც ხარ. ნუ დაკარგავ ღვთით მონიჭებულ სახეს. ნუ გაიკეთებ ნიღაბს, რადგან ნამდვილი სახე...