იშვიათად გავდივარ უთენია გარეთ.

იშვიათად გავდივარ უთენია გარეთ.
სტატუსები
23:44, 21 იანვარი 2023
36
0
იშვიათად გავდივარ უთენია გარეთ.
ერთხელ მომიწია საქმეზე გასვლა.
მივდივარ ჩემთვის. ჩემ წინ გოგო მიდის, კოხტა ტანის, ხელში წიგნები უჭირავს, აშკარად აბიტურიენტია.
უცებ მოხუცმა ქალმა ჩამიქროლა და გოგოს გვერდით ამოუდგა. ხელებში ბარგი უჭირავს. ეტყობოდა, აშკარად მძიმე ტვირთი იყო.
გოგომ მომენტალურად შეხედა და დახმარება შესთავაზა:
- წამოგაღებინებთ ჩანთებს.
და გამოართვა ასე 65 წლის ქალს ტვირთი.
- შენ შემოგევლე, რა კარგი გოგო ხარ, რა კეთილი, ლამაზი. გათხოვილი ხარ?
- არა.
- სად ცხოვრობ, რა გვარი ხარ......უსასრულოდ დააყარა კითხვები ქალმა.
გოგო მოკლედ პასუხობდა და მიყვებოდა გვერდით.
ბოლოს ჩემი ინტუიცია გამართლდა და გადავიდა მთავარზე.
- იცი, რა კარგი ბიჭი მყავს დედა, 35 წლისაა, ჭკვიანი, განათლებული. შენნაირი გოგო მინდა რძლად, დედა, ზრდილობიანი, უფროსის დამფასებელი.
გოგო პასუხს არ ცემდა, მიდიოდა. რომ არ მოსავენა, მისი მოთმინებაც ამოიწურა და
- სად არის ახლა თქვენი შვილიო? - ეკითხება.
- სახლშია, დედა ენაცვალოს. - ქალს თვალები აენთო, მგონი მივაღწიე საწადელსო ალბათ გაიფიქრა, როცა გოგომ ჩანთები უკან მიაჩეჩა და უთხრა:
- ქალბატონო, მშვენივრად ვხვდები, თქვენი შვილი როგორი კაციცაა. ამ დილაუთენია, ასეთ ტვირთს რომ ეზიდებით, ის კი სახლში წამოწოლილა. მე ასეთ მომავალს ვერ ვხედავ ჩემი თავისთვის. ჯობია, სხვაგან ეძებოთ სარძლო. კარგად ბრძანდებოდეთ!

უცებ გახდა ეს გოგო უზრდელი და უ-ზე რაც იწყება, ყველაფერი.
ბურტყუნით გააგრძელა გზა ქალმა, უკვე ტვირთით.
ალბათ მთელი მისი ცხოვრებაც ტვირთია...

ავტორი: სალომე ასათიანი


ერთმანეთს გულში ჩავიკრავთ, ერთობა გასტეხს,ქვასაცა ერთმანეთს გულში ჩავიკრავთ, ერთობა გასტეხს,ქვასაცა
ლხინში ბევრს გაახსენდები, ჭირში ახსოვხარ,ცოტასა. გაივლის დრო და მიხვდები, ვინც იმსახურებს,ძმობასა. კაცი, მეგობრით...
27.01.23
587
0
ეს ქარიშხალი რა არის- სულში რომ ქარიშხლებია... ეს ქარიშხალი რა არის- სულში რომ ქარიშხლებია...
ეს ქარიშხალი რა არის- სულში რომ ქარიშხლებია... ეს მიწისძვრები რა არის- მკერდში რომ გულის ძვრებია... ან ეს ფიფქები რა...
27.01.23
83
0