ვირსალაძე ელისო
⏱️ 1 წთ.
👁️ 3
100%
ელისო ვირსალაძე დაიბადა თბილისში 1942 წლის 14 სექტემბერს. მუსიკალური განათლება თბილისის ცენტრალურ სამუსიკო სკოლაში, ვანო სარაჯიშვილის სახ. სახ. კონსერვატორიასა და მოსკოვის, პეტრე ჩაიკოვსკის სახ. სახ. კონსერვატორიაში მიიღო, აქვე ასპირანტურის კლასიც გაიარა.
ელისო ვირსალაძის ბიოგრაფია მჭიდროდ არის დაკავშირებული დიდი კულტურისა და მდიდარი მუსიკალური ტრადიციების მქონე ვირსალაძეების ოჯახთან. ბებია, ქართული პიანისტური სკოლის ერთ-ერთი ფუძემდებელი-ანასტასია ვირსალაძე მისი პედაგოგი იყო ჯერ ცენტრალურ სამუსიკო სკოლაში, ხოლო შემდეგ თბილისის სახელმწიფო კონსერვატრიაში; ასპირანტურის კურსი გაიარა მოსკოვის კონსერვატორიაში პროფ. ი.ზაკის ხელმძღვანელობით.
ელისო ვირსალაძე თანამედროვე შემსრულებლებს შორის ერთერთი გამორჩეული პიანისტია. მისი რეპერტუარი მრავალფეროვანია. იგი მოცარტის, ბეთჰოვენის, შუმანის, შოპენის, პროკოფიევის მუსიკის საუკეთესო ინტერპრეტატორია. მის შემოქმედებაში მნიშვნელოვანი ადგილი უკავია ქართველ კომპოზიტორთა ნაწარმოებებსაც.
საშემსრულებლო მოღვაწეობის პარალელურად იგი პედაგოგიურ მორვაწეობასაც ეწევა. არის მოსკოვის კონსერვატორიის და მიუნჰენის (გერმანია) უმაღლესი სამუსიკო სკოლის პროფესორი.
რეგულარულად მართავს კონცერტებს მსოფლიოს მრავალ ქვეყანაში. ის წარმატებით გამოდის ლონდონის , მილანის, რომის, პარიზის, ლისაბონის, ბერლინის საკონცერტო სცენებზე.; დუეტის შემადგენლობაში ნატალია გუტმანთან ( ვენა, ბერლინი, ბრიუსელი, მადრიდი, მიუნჰენი, მილანი, ჯენევა, ლოზანა); კამერული ანსამბლების შემადგენლობაში და ისეთი ორკესტრების სოლისტის რანგში, როგორიცაა: პეტერბურგის ფილარმონიისა და სამეფო ფილარმონიული ორკესტრები.
ელისო ვირსალაძე საგასტროლო ტურნეებით გამოდის როგორც ევროპაში, ასევე ამერიკასა იაპონიაში. ის აქტიურად თანამშრომლობს საფრანგეთის, გერმანიის, იტალიის, ესპანეთის, შვეიცარიისა, ამერიკის და სხვა ქვეყნების წამყვან ორკესტრებთან და დირიჟორებთან (რუდოლფ ბარშაი, კოროლ კონდრაშინი, რიკარდო მუტი, კურტ ზანდერლინგი, ვოლფგანგ ზავალისი, ევგენი სვეტლანივი, იური ტემირკანოვი, ანტონი ბიტი).
კომპანია “Live Classics”-ის მიერ გამოცემულია ელისო ვირსალაძის შემოქმედების მომცველი მრავალი ჩანაწერი.