მგზავრობის ღირებულება ამიერიდან 40 თეთრი იქნება, თუმცა აღნიშნული ტარიფი გარკვეული კატეგორიის მოქალაქეებზე გავრცელდება და მას მძღოლი დაარეგულირებს. შეთანხმების თანახმად, მძღოლი ვალდებულია დააკვირდეს სამარშრუტო ტაქსში ამოსული მგზავრის გარეგნობას, ჩაცმულობას, სუნამოს ხარისხს და ამის შემდეგ განსაზღვროს რა ტარიფი გადაახდევინოს.
საშუალოდ ჩაცმული მგზავრი 50 თეთრს გადაიხდის, სუნამოს არმქონე მგზავრი 40 თეთრს, ხოლო კარგად ჩაცმული, დავარცხნილი და თმაშეღებილი ძველ ტარიფს, 80 თეთრს გადაიხდის.
იგივე კრიტერიუმებით შეირჩევა მამაკაცი მგზავრები, მაგალითად თუ მამაკაცი სამარშრუტო ტაქსში ადის სოლიდურად ჩაცმული, საქაღალდით ხელში, გაპარსული და სუნამოს სურნელს აფრქვევს ის 80 თეთრს გადაიხდის, ხოლო მამაკაცი რომელიც იქნება გასაპარსი, ეცმევა სამხედრო ქურთუკი, ბოტასი და ჯინსის ძველი შარვალი, იგი 40 თეთრიანი ტარიფით ისარგებლებს.
კრიტერიუმები მღოლების და სატრანსპორტო კომპანიის უშუალო მოლაპარაკებების შემდეგ შეირჩა.
