ორ წელიწადში ყველაზე მცირე ზომის “ოპელს” გამოუშვებენ. ეს გადაწყვეტილება ოფიციალურად კომპანია “ოპელის” ბრიტანული ქვედანაყოფის—“Opel-Vouxhal” -ის მმართველმა დირექტორმა დუნქან ალდრედმა დაადასტურა. მისი თქმით, ლაპარაკია მცირელიტრაჟიან საქალაქო ავტომობილზე, რომელიც ზომით “ჩორსა”-ზე მცირე იქნება.
მას, სავარაუდოდ, “Allegra” ერქმევა. დუნქან ალდრედის მტკიცებით, ახალი ავტომობილი “საინტერესო და სტილური” იქნება. იგი სტილის მიხედვით კონკურენციას ისეთ ავტომანქანებს გაუწევს, როგორებიცაა ჰეტჩბეკი “Fiat 500”, “Citroen DS3” და “MINI” . კომპანიაში ხაზს განსაკუთრებით იმას უსვამენ, რომ ახალი ავტომობილი მიკროვენ “Aგილა”-ს შემცვლელი არ იქნება, რომელიც ამ დროისათვის “ოპელის” მიერ გამოშვებულ ყველაზე მცირე ზომის ავტომანქანად მიიჩნევა.
მცირელიტრაჟიანი “ოპელის” სერიული გამოშვება, სავარაუდოდ, 2013 წლისათვის დაიწყება. მას გერმანიაში, აიზენახის ქარხანაში ააწყობენ.
ყველაზე მცირე ზომის “Opel” გამოუშვებენ
⏱️ 1 წთ.
👁️ 2
100%