დღეს საუბარი გვექნება ფრინველთა მეფედ შერიცხულ მთის არწივზე,რომელიც არაერთი სახელმწიფოს ჰერალდიკაზეა გამოსახული როგორც გამარჯვებისა ძლიერების სიმბოლო,რომლის მოკვლისთვის არცთუ დიდი ხნის წინათ ფულადი პრემია იყო დაწესებული და ასეთი "გონივრული" მცდელობის წყალობით ჩვენი მთების სიამაყე დღეს გადაშენების პირასაა მისული და დახმარებას საჭიროებს. მთის არწივი მურა ფერისაა, თხემი და კისრის უკანა ნაწილი ოქროსფერია, სხეულის სიგრძე 90 სანტიმეტრს აღწევს, ხოლო გაშლილი ფრთის სიგრძე 2 მეტრს აღემატება.იწონის დაახლოებით 3.7 კილოგრამს. მთის არწივები მონოგამური ფრინველები არიან და ახალ პარტნიორს მხოლოდ მეწყვილის და ღუპვის შემთხვევაში ირჩევენ. აღსანიშნავია, რომ მტაცებელი ფრინველების ამ წარმომადგენლის მხედველობა 8_ჯერ უფრო ძლიერია ადამიანისაზე.ნადირობის დაწყებამდე ისინი ტერიტორიას კარგად ზვერავენ _დაფრინავენ წრიულად, იყენებენ თერმალებს და პასიური ფრენის ტიპებს_ირაოსა და ლივლივს. ცუდ ამინდში როგორც წესი არ ნადირობს, უჭმელი შეუძლია რამოდენიმე დღეს გაძლოს. მას შემდეგ რაც შეამჩნევს "საკბილოს" პასიური ფრენიდან მყისვე აქტიურზე გადადის, ფრთების ძლიერი ქნევით შურდულივით ეშვება.მთის არწივის ნადავლი სხვადასხვაგვარია. ნადირობს შურთხზე, როჭოზე, კაკაბზე, გნოლზე, კურდღელზე, მელაზე. იტაცებს ბატკნებს. ჯიხვის, არჩვის, ნიამორის თიკნებს: ზოგჯერ მოზრდილ ცხოველებსაც ესხმის თავს. განსაკუთრებით ემტერება გადამფრენ ფრინველებს - წეროებსა და ბატებს.
პარტნიორის გულის მოსაგებად მამლები მეტად შთამბეჭდავ საქორწინო ფრენებს ახორციელებენ. გამრავლებას იწყებენ 4-5 წლის ასაკში. არწივი თავის საუფლოს არ სცილდება. სადაც იბადება, მთელ სიცოცხლეს იქვე ატარებს იქვე კვდება. დაწყვილება იწყება თებერვალში. თითოეულ წყვილს 2-4 ბუდე აქვს და მათში რიგ-რიგობით ბუდობენ, მრავალი წლის მანძილზე. მარტ-აპრილში დებს 1-დან 3-მდე მოზრდილ თეთრ მუქ ლაქებიან კვერცხს. კრუხად მხოლოდ დედალი ზის 40-45 დღე, მართვეები (თუმცა ბუდიდან გადმოფრენამდე ხშირად მხოლოდ ერთი მართვე აღწევს). შებუმბვლას მაისში იწყებენ და ივნისის ბოლოს ამთავრებენ. ფრენას 80 დღის ასაკში ცდილობენ.
ფრინველთა მეფე - Frinvelta mefe
⏱️ 1 წთ.
👁️ 2
100%